Logra e Resultado desea!

Logra e Resultado desea!

Scirbi pa Steve Francees

Ta pone metanan, traha plan pero toch no ta logra e resultado desea. Esaki ta algo cu ta pasa masha hopi mes y tin mester analisa e structura pa logra e meta, pa asina por saca afor dicon e resutado no ta manera a spera.

A: Mesun cos cu un team cu kier bai Mundial 2014, kisas nan tin e mihor hungadornan, mihor paga, hopi talento pero toch no ta logra e titulo maximo y tin varios motibonan cu nan no ta logra e meta stipula.

Hopi biaha no ta e hungadornan pero ta e coach cu falta net loke falta pa motiva e team pa logra e meta stipula, no tur coach ta mesun cos, tin ta bon den sierto area di e training pero no ta bon den e otro area, dus tapesey teamnan grandi tin varios coach trahando hunto pa jega na e meta stipula. Dus e coach tin un funcion masha importante den e team.

B: Corda cu resultado final ta e resultado di un of varios accionan!, dus e accionan lo produci sierto resultadonan y e accion mester ta suficiente pa jega na e resultado cu ta e meta. Si awor e resultdo no ta loke bo kier, esey ta bisa cu e accionan no ta esunan corecto y mester implementa otro accionan pa logra e meta.

Awor e motor tras di tur accion ta bini di nos mentalidad, nos mentalidad lo pone nos actua di sierto manera cu na final lo logra sierto resultado, dus si e resultado no ta loke nos kier, nos mester bai bek na e prome parti cu ta e mentalidad.

Si mentalidad no cambia, e resutado lo no cambia!!!

Nos tin un persona cu ta coach cu a baha 22 kg den 5 luna, pa 9 aña e persona aki a lucha pa baha peso pero no tabata por, te ora el a disidi di pone un fin na e mentalidad di flohera, kibra cu traumanan y bisa ta basta, cuminsa programa su mente pa cuminsa baha peso. Tabata akinan cu su mentalidad a cambia y a cuminsa pone otro accionan den accion y despues di 5 luna a baha 22kg. Despues di e 5 lunanan aki su auto-estima a subi, su performance ta den top y a cuminsa avansa mas rapido den bida. Awor e kier bai mas dilanti den su bida profecional y ta dispuesto pa cambia su accionan pa logra metanan mas halto den bida. Kico a cambia? Ta su mentalidad!!!, te ora un persona su mentalidad no cambia, e lo no logra drecha su productividad y su resultado lo no cambia. Si analisa e resultado di awor, si esey no ta esun desea, mester re-programa e mentalidad di nobo pa logra un mihor resultado. Blessings Steve 

(297) 7380777 stevefrancees@hotmail.com 

8 punto pa deal cu cambionan difisil den Empresa

8 punto pa deal cu cambionan difisil den Empresa

Scirbi pa Steve Francees, Business Strategist

Nos Mercado ta exigi cambionan y cambionan nunca ta dushi. Den e forsa laboral bo ta haña e Old Generation y tambe New Generation, aki mi no ta papia di edad pero e Mentalidad. Tin persona cu tin edad pero ta masha fasil pa adapta na cambionan, dus no comprendemi malo. Awor loke ta sumamente importante den e nivel di management ta e tempo pa analisa y re-pensa ideanan nobo, tuma desicionan adelante pensando riba e futuro, manager/directornan mester tuma decision prome cu e cambionan tuma lugar den e Mercado, si hasi cambionan empresarial despues di e cambionan den e Mercado, lo crea chaos financiero door cu e Mercado a desaroya laga e empresa atras. Awor kico ta e rekesitonan pa tuma un bon decision y na ora?

1: Tin componentenan real: Cu otro palabra tin informacion concreto pa tuma desiciona riba dje. E unico manera pa haña informacion ta pa hasi hopi pregunta, papia cu tur trahador den compania, hasi un research y despues traha un analisis di tur e informacionan.

2:Pone prioridad: Tin informacion cu kisas management gusta pone prome, pero kisas esey no ta esun mas importante na e momento ey, dus mester pone puntonan di prioridad cu mester tuma decision riba dje.

3: Tempo: Un factor masha importante cu tur hende tin tekort di dje, pero mester saca tempo pa analisa y pensa, asta mester transporta bo mente y visualisa futuro pa asina por tuma decision mihor. Si e management ta trahando duro den field tambe lo stroba e tempo pa tuma decision door cu pa manage, bo mester saca tempo pa pensa, dus mester saca tempo den e schedule bon yen, pero saca tempo pa pensa y visualisa futuro. Como studiante hopi aña pasa den e module  PR management nan a siña nos  importancia di e technica di visualisacion, door cu ta esaki lo juda management tuma decision concreto awe, pero cu mira riba majan. E technica aki mester wordo aplica den tur structura di management, pero ta tuma tempo, dus inverti tempo ta importante.

4: Miedo: Tin management cu kier please tur hende, nan kier hunga “mooi-weer” semper, y esaki no ta posibel tur ora, door cu bo no por keda bon cu tur hende, tin empleado cu sigur lo bai full contra bo ora tuma sierto decision pero, no por hasi otro, decision mester wordo tuma, sino, ta tur ta bai cas. Dus no laga e miedo stroba e  decision di tuma un decision. (ha ha, ta rijm tambe)

5: Tuma decision den grupo: No sea dictatorial, esaki lo no juda management, papia cu e personal di sierto problemanan cu tin y mester hasi sierto ajustenan den tempo corto, dus participa e problemanan abiertamente y hasi henter e team parti di e problema y lo bo keda sorprendi cuanto colegialidad esaki por trece. Nan mes lo tin ideanan y ya nan sa cu tin cambionan ta biniendo.

6: Motivacion: No tuma decision sin motiva e empleadonan prome, no partisipa algo malo despues purba motiva nan pa bai pe, esaki no ta funciona, pero lo crea un bahada den performance di e team. Mester motiva e empleadonan prome, boost-nan performance pa asina nan por drenta e cambionan mas conciente, cu mester bin cambionan. Sigur lo tin cu lo rabia, kisas asta menasa di bai etc, esaki ta normal, pero tambe tin un grupo grandi cu Si ta compronde e cambionan, kisas e cambionan ta duel nan hopi pero cognitivamente nan sa cu e cambionan lo ta bon pa henter e team.

7: Mustra ehempel den e cambio: Ta masha fasil pone pa otronan cambia y ami no, dus e prome cu mester duna ehempel ta management, mester plania strategianan bon pa laga e empleadonan mira y sinti cu management tambe ta full tras di e cambionan y pa nan tambe tin cambionan. Bira mas pro-activo, mas amistoso, mustra fisicamente cu bo tambe tey den e cambio, esaki lo ta e mihor motivacion pa e team durante di e cambio cu mester wordo tuma.

8: Recompensa e personal den e cambio: Hende ta gusta di wordo aprecia pa locual nan ta haciendo, kisas bo ta pensa cu final di luna nan ta haña nan salario, y nan mester ta contento pa esey!, wel, esaki no ta un recompense pero deber di empresa pa paga fin di luna. Mester bini cu un plan di incentivo den e proceso di cambio aki, dus cada persona cu hasi algo bon durante di e cambio mester wordo premia, asina bo ta hasi e proceso di cambio mas fasil y mas humano. Blessings Steve Francees, Business Strategist

(297) 7380777 stevefrancees@hotmail.com www.stevefrancees.blogspot.com

Ps. Tur e puntonan aki tin hopi mas informacion su tras y tambe con pa implementa nan. Tur empresa ta diferente door cu cada un tin un cultura difererente. Si bo empresa mester hasi cambionan urgente y necesario, y si e puntonan aki ta make-sense, nos por sinta pa delibera riba nan pa asina e proceso di cambio por ta mas efectivo y na beneficio di e empresa. Djis reply, slds Steve

“E Chimpanse Bailador” super strategia di S-Marketing

“E Chimpanse Bailador” super strategia di S-Marketing

Scirbi pa Steve Francees,  S-Marketing Strategist

Tabatin un chimpanse den un dierentuin cu tabata esun mas gordo cu e otronan y den mundo di animal esun mas gordo ta esun mas bunita y tambe mas sano segun e otro chimpansenan. Pero mester tin un pakico cu e chimpanse ey tabata mas gordo, door cu tur dia tin un persona cu ta duna tur e chimpansenan mesun cuminda y na mes un ora. Dus segun regla tur mester desaroya mesun cos pero den e dierentuin aki e cos no tabata igual. A resulta cu e chimpanse aki cu kier haña mas cuminda a cuminsa desaroya strategianan nobo pa asina e por come mas. Loke a chimpanse aki a hasi ta cuminsa baila ora e mira hendenan ta bin pa mira e jaula unda nan tabata, e chimpanse aki a desaroya un baile unico, ta cuminsa zwaai su huepnan, ta saak, lanta y mas e hendenan tabata canta un cantica, ta mas e tabata baila. Hopi mas hendenan tabata bin pa mira e chimpanse bailador y tabata hopi gusta. Pero loke e tabata hasi ta cu na final di cada presentacion di su baile e tabata draai-rond, bula y termina keto-keto cu su man saca pa asina e hendenan por dune popcorn y pinda pa asina e por sigui come. E chimpanse a usa e bailamento pa atrae hende y na final logra come mas. Tur e otro chimpansenan tabatin rabia riba dje door cu ta e so, ta hasi e “cosnan idioot” ey y tur e otronan no tabata guste masha door cu ta e so tabata hasi “cosnan” diferente cu e otronan. E resultado di su bailmento, hasiendo cos di loco, hasi cosnan diferente, pasa asta riba su miedo, kibra cu tradicion, busca strategia y alternativanan nobo, kisas asta e otro chimpansenan tabata jame pa idioot ora el a bin cu e idea pa cuminsa train su bailamento, pero na final e tabata e unico cu tabata mas gordo y bunita. Tur e otro chimpansenan a keda mesun cos cu e sobranan, e unico cu alogra sobresali tabata e chimpanse cu a usa un strategia nobo pa logra su metanan.

Nos ta den un temporada igual cu un jaula di chimpanse, tin hopi cu ta djis sinta mira, trek cara, hasi redo y critica, pero tin otronan cu ta trahando riba nan baile, kisas pasando di ridiculo pero sa na unda nan kier jega. Mester tuma iniciativa pa hasi “cosnan” diferente, no por keda pega den pasado, train bailenan nobo, ta dispuesto pa sali di e zona confortabel, tuma inciativanan nobo, no keda den e grupo ey pero sali y hasi “cosnan” nobo. Tur chimpansenan cu no a hasi nada nobo, a keda parse mesun cos cu e otronan, no tabatin diferencia entre nan, pero e chimpanse bailador si a disidi di hasi cosnan diferente. Den tur loke bo ta hasiendo bo mester sobre sali pa asina no keda parse e otronan, bo strategia di marketing mester ta diferente, nos Mercado actual ta un Mercado multi-cultural dus bou di ningun circunstancia no por hasi un cos so, mester bini cu cambio y esaki ta awe!!!, sali for di tradicion, kibra cu miedo y tuma iniciativa pa inova den loke bo ta hasiendo, sea bo ta manager,bendedor of empresario etc, tur mester ta dispuesto pa bin cu algo nobo y sobresali den e Mercado di awe. Blessings Steve

(297) 7380777 stevefrancees@hotmail.com  www.stevefrancees.blogspot.com

Ps. E caso di e chimpanse aki ta real, mi casa a contami esaki cu e mes ajega di duna e chimpanse pinda y popcorn.

Loke lo hasi bo producto “BENDE”

Loke lo hasi bo producto “BENDE”

Scirbi pa Steve Francees, S-Marketing Consultant/trainer

Loke ta mata mas negoshi, ta falta pa crea demanda pa loke nan ta ofrece!. Ta inverti den tur cos, menos den crea demanda pa loke nan ta bende. Mi tabata Marketing Manager di Consales y mester a crea demanda pa varios di e productonan top cu ta wordo bendi den Mercado manera Kellogs, Haagen Dasz, Gerber, Verkade, green Giant, enfin segun mi tabata rond 52 liña cu nos mester a crea demanda pa nan y constant nos tabata traha riba strategianan nobo, research, planning y cu lansamento bastante fuerte na TV/corant/Radio/direct marketing/Internet/Folder/Revista/Expo etc. Loke mi kier bisa ta cu ningun producto/servicio no ta bende su mes. “Mounth2mounth advertising” bo ta haña como resultado di un bon strategia di marketing y mester ta bon hasi y cu bon placa inverti pero inteligentemente. Tin masha hopi planning di negoshinan mal traha cu ta hincando negoshinan den problema door cu no tin un structura di marketing hinca den e planning, a lanta e negoshi pero no tin placa pa atrae cliente, hopi jammer pero hopi ta pasando den e fase ey, siendo cu demanda mester ta e prome fase ora habri un negoshi, vooral si bo ta nobo den e Mercado. 

Crea demanda ta sumamente importante pa tur empresa y mester inverti tempo/placa/energia den esaki y ora “cos” ta bai bon, toch bo mester sigui inverti, door cu ora tin “dip” den e buying-power, e ora ey lo bo keda toch riba nivel y lo sigui bende.  Hopi aña pasa mi a mira un programa na TV di 10 miyonario y e ultimo pregunta cu a wordo hasi na nan tabata, si nan mester a cuminsa di nobo, con lo nan inverti nan placa, y tur a bisa cu nan lo inverti 80% di nan placa den crea demanda, door cu unabes bo tin demanda, e producto/servicio lo bende sigur. Awor hasiendo lo contrario, bo producto/servicionan lo keda para, esaki ta un regla di marketing cu solamente esunan cu ajega di hasi’e sa e bentaha di dje. Anyway, cuminsa crea demanda direct, Blessings Steve (297) 7380777 stevefrancees@hotmail.com  www.stevefrancees.blogspot.com

**Nos tin un “Business Community” y bo tambe por ta parti di dje y lo haña otro informacionan  y mas detaya di e Mercado actual y BTW, ta gratis, djis reply riba e post aki y scirbi “I’m In”.  Esunan riba whatsapp tambe via  (7380777)