Solamente pa Bendedornan!!! den serio!!!

Si despues di 2 minuut, ainda e prospecto ta tendebo!!!!, esey ta nifica cu e ta HOPI interesa den loke bo tin, dus djis sera e benta!.

Tuma risico y haci cambio ta necesario!

Tuma risico y haci cambio ta necesario!

Scribi pa Steve Francees, Business Analyst & Blogger

Mentalidad di e Mercado ta desaroya masha lihe, vooral ora nan wordo bombardia cu hopi informacion den un direccion, y bo ta mira cu poco-poco e Mercado ta wordo alinea den un otro direccion. Tur empresa mester sa cu si nan no sigui dirigi e Mercado pa nan producto of servicionan, lo nan perde nan como cliente, hende gusta loke ta “in” y akinan e producto/servicio tambe mester keda “in” den e mente di e cliente, pa asina e no bai pa un otro producto kisas mas economico. Empresanan cu ta bende marca mester ta mas conciente di esaki y no sinta man crusa, pero mester bini cu strategianan inovativo pa asina retene nan clientenan. Awor cu mundial a caba ta sumamente necesario ta evalua kico ta pasando den e Mercado y tambe den e empresa mes y traha un plan pa awor te cu fin di aña pa asina por gana “Market-Share” bek. E aña aki ta un aña cu hopi cambio y empresanan mester tuma cambionan practicamente bastante drastico pa asina drenta 2015 riba un bon pia, dus ideanan pa cambio cu tabata riba mesa mester wordo poni awor den accion y traha duro riba nan, tur dia cu pasa ta un dia perdi. Si benta ta bahando gradualmente y a tuma sierto medida chikito caba y no a funciona! Wel mester bai pa plan B cu ta un decision mas structura y tuma e decision cu balentia, no tin otro opcion. Asta structura di e empresa mester wordo analisa y check si enberdad e modelo empresarial aki ta funciona of ya ta bieu. Akinan e conseheronan di e management-team ta masha importante y por a mira varios biaha cu e conseheronan ta prefera di duna consehonan suave, manera baha gasto etc, pero hopi no kier bisa e empresario pa tuma risico nobo y sali for di e zona confortabel ey cu ta practicamente cu tin mas risico. 

Tuma risico ta parti fundamental den e arte empresarial y esaki no por wordo siña na scol pero den e Mercado trahando y tumando risico y faya pa siña, pa jega na exito. Otro punto fundamental ta pa alinea henter e personal pa mantene un vicion den e”cambionan” cu lo bini, e personal mester sinti’e parti di e cambio pa asina nan no traha contra di e cambionan. Mi conseho pa bo ta, pone bo plan riba mesa, pone e plan bou di candela, laga otronan revisa e plan, busca input di otronan, sigur lo mester modifica e plan, pero no tarda pa lanse y implemente, bai pe “all the way”, y no warda mas. Blessings Steve

stevefrancees@hotmail.com www.stevefrancees.blogspot.com (297) 7380777

Tres pilar fundamental pa exito den tur “Startups”

Tres pilar fundamental pa exito den tur “Startups”

Scirbi pa Steve Francees, Startups Analyst & Blogger

Mayoria persona ta kere cu e tin un super bon idea y door cu ta su idea, y door cu su idea ta unico, dimes lo ta e mihor idea cu sigur lo bira exitoso!. Wel, esaki no ta completamente berdad, kisas bo por tin un bon idea, pero no ta un base pa asina un negoshi tin exito.

1. Soluciona un problema comun den bo Mercado: Loke bo ta bai  bende mester soluciona un problema existente, mas fuerte e problema aki ta, mas exitoso bo negoshi lo bai ta. Dus tur cos ta cuminsa cu busca problemanan no soluciona den e Mercado. E mihor manera pa cuminsa un startups ta hasi un research den e Mercado, no mester ta sofestica,djis un “pilot study” of un “Sampling”,  pero mester tin informacionan di problemanan existente den e Mercado. Tur hende ta dispuesto pa paga pa soluciona e problema cu e tin. Un ehempel: mi tin dolor di cabes, mi mente ta bai direct riba e Botica mas serca cu ta bende algo pa dolor di cabes, Mi auto ta sushi y no tin chance pa labe, direct e mente ta bai riba e compania cu ta mas serca of cu tin delivery, y ta esun ey lo mi jama. Dus compania cu no tin delivery, ta perde den e competencia aki door cu kisas nan por ta bon amigo pero na e momento ey, nan ta mucho lew, esun cu alogra sobresali den nan servicio semper lo tin e bentaha den e Mercado. Dus startups ta cuminsa prome cu un problema cu ta existente den e Mercado of un problema cu lo bai bira un “Mega-Problema” pronto. Un comerciante mester pre-mira tambe problemanan cu lo aparese pronto. Tuma algun dia y traha un lista di tur e problemanan existente y na final bo mester check si , enberdad bo idea ta e solucion pa e problema cu tin.

Analisis entre e problemanan y bo idea: Despues cu bo a hasi un analisis entre e problemanan y bo ideanan, si tin un relacion hopi fuerte entre nan dos, mi por bisabo cu e idea tin derecho di sigui traha riba dje, y awor bai na e parti dos.

2. Conoce bo futuro competencianan pa bo negoshi y lista tur loke nan ta “debil” den dje. Bo mester sa tur loke e competencia ta haciendo. Ora analisa e competencia lo bo mira hopi “buraco” den nan servicio y ta crea oportunidad pa bo negoshi por “gana punto” den e areanan aki, no perde e competencia for di bista, ta mesun cos cu ora un pais ta bai guerra y no worry kico e contricante tin, of den mundial, bo mester sa exactamente cual ta e fuerte y debilidad cu e otro ekipo tin y asina bo ta bin cu un strategia pa gana den loke nan ta debil den dje. Lista tur e debilidadnan di e competencia y bini cu strategianan con abo por hasi of duna un mihor servcio cu nan.

*Baha prijs no ta un bon strategia, solamente si bo logra baha bo cost, y sin afecta calidad di bo product/servicio.

3. Traha un team pa gana: Bo management team ta loke na final ta mas importante cu tur otro, si e team cu ta maneha ta bon, y ta traha bon hunto, e resultado ta cu e negoshi lo tin exito. E team di manager y supervisors cu ta dirigi e empresa tur dia mester wordo balora y instrui den e direccion cu abo kier pa nan traha. Tur hende tin su experticio y ora traha hunto den team, cada persona ta bin cu su experticio y esaki ta crea un team sublime y fuerte. Inverti den crea e team aki, no maneha bo so, esaki ya no ta funciona mas. Antes tabatin mester di hopi aña pa un empresa para fuerte den e Mercado pero awor ya den dos aña bo por logra loke un negoshi ta dura 20 aña pa logra, y tur esaki ta depende di e team. Scohe un bon team y tambe un bon mentor, siña di otronan cu ya ajega di hasi’e caba. Tin hendenan rond di bo cu ta soluciona problema y no persona cu tey pa bisabo cu esey no por wordo hasi. Ami gusta e trabou di backstage, akinan si algo no tey of un persona cu mester actua no ajega, wel, mester improvisa direct, door cu e show mester sigui, mesun cos cu un canal di televicion, noticia mester cuminsa tal ora y si mester bai “live” como e ultimo opcion, mester bai live. Nan ta busca solucion na e momento ey, no tin chance pa plania, debate riba idea etc, djis tuma e decision y para tras di e decision. Un team pa bo negoshi mester ta mesun cos, nan mester ta hendenan cu tin solucion pa tur problema, si no tin solucion, lo mester busa un solucion den tempo record. Blessings Steve  (297) 7380777 stevefrancees@hotmail.com www.stevefrancees.blogspot.com