3 negoshi cu ta sobresaliendo hopi bon!

3 negoshi cu ta sobresaliendo hopi bon!

Scirbi pa Steve Francees,

Normalmente mi no ta menciona nomber di ningun empresa pero siman pasa mi tabatin un reunion cu un bon amigo y nos a menciona esaki y loke mi scirbi awe ta un “Moment-Opname” dus si mayan cosnan cambia, no por tildami pa esey!

Mercadea bo producto/servicio ta sumamente importante, bo no por cumpra producto pa despues bo promociona, pero mester ta promociona prome, crea demanda pa e producto, hopi ta inverti den tur cos menos pa promociona loke bo ta bendiendo!. Tin un strategia di marketing ta e weso di lomba pa tur empresa, bo mester tin un strategia cu abo so ta usa pa asina bo sobresali den loke bo kier comercialisa!.

E prome ta Super Carwash, y ta keda na Piedra Plat, nan tin servicio di pickup y na unda nan bai pickup e auto, nan ta laga un scooter atras, banda di caminda y e scooter ta full cu nan nomber y tambe ta usa mesun colornan riba tur nan scooter-nan. Tur persona cu pasa, por mira nan scooter para na hopi lugarnan rond Aruba. Un tremendo strategia cu sigur ta costa placa pero ta dunando su resultado. Tur nan empleado tin uniform cu nan logo riba dje, y esey ta duna bon presencia. E hefe tambe ta parti business card manera e mira un persona y ta invita prospectonan personal pa bin laba auto cu nan,tambe ta bisti cu uniform. Nan prijs ta 5,- te cu 10,- mas cara cu tur otro, pero door di e servicio y publicidad cu nan ta haciendo, bo ta paga esaki sin ningun problema!

Nan ta domina nan territorio na Piedra Plat,  tin varios auto parti pafo di e sitio cu e nomber di nan carwash masha grandi riba dje y cu letranan neon, dus tur cu pasa mester mira esaki!. Tambe tin banderanan di carwash grandi pa atrae atencion di tur cu pasa!. Tambe nan tin sofa pa clientenan por sinta warda pa nan auto y  tin free- internet!Tambe nan tin promo na radio!!Mi a tende algun tempo pasa!!!

Un negoshi cu a compronde e importancia di mercadea!.

E di dos ta un compania di construccion cu ta Trendy Homes!, tur caminda cu nan ta traha tin un borchi poni pafo, cu ta bisa cu ta nan ta contruyendo e cas aki. Cuanto companianan di construccion ta perde di gana, door cu nan no ta pone nada pafo di e cas cu nan ta construyendo, riba nan pickup-nan no tin nada di nomber. E compania aki tambe tin pickup cu nan nomber riba dje, tambe nan ta participa den expo cas y ta promociona bon. Loke toch ta keda e fuerte di nan ta e billboard cu nan ta pone pafo di cada cas cu nan ta trahando!

Di tres ta un compania cu ta hasi jardineria, e nomber ta Rightway , nan tambe tin un pickup y riba e baki patras di piki sushi tin nan nomber masha grandi mes riba dje y di djalew bo por lesa cu ta Rightway tey ta trahado na e cas ey. Sigur esaki ta un propaganda pa nan y nan a compronde cu nan mester promociona nan nomber pa asina por crece den cliente!

Tur e tres negoshinan aki nos por sinja di nan con nan ta mira nan mercadeo toch serio loke ta expone nan nomber na lugarnan strategico sin mester paga pa pone nan nomber eynan.

Esaki no ta propaganda paga, y no tin beneficio serca ningun di nan pero ta djis pa mustra loke nan ta hacienda bon y nos tur por sinja di nan!

Blessings Steve Francees, Business Blogger stevefrancees@hotmail.com www.stevefrancees.blogspor.com

Bo sa dicon negoshinan ta sera??!

Bo sa dicon negoshinan ta sera??!

Scirbi pa Steve Francees, Business Blogger

Bo sa, cuanto biaha negoshinan ta habri y sera y ta stranjo pa compronde dicon? Door cu nan tabatin bon producto y bon servicionan.

Algo stranjo pero awe lo mi amplia den esaki.

E problema no ta e producto, tampoco cu e servcionan tabata malo, pero ta e Mercado cu a scohe pa sirbi tabata mucho amplio!. Tabata dirigi riba tur hende, dus henter e mercado.

Mi mester ripiti esaki, negoshinan ta perde di gana, door cu no ta scohe e Mercado meta “Target Market” of “Niche Market” cu nan lo siribi!.

Si un negoshi habri, y bo puntranan, ken bo kier pa ta bo clientenan, si nan bisa, wel, nos tin algo pa tur hende!!! Wel, mi shon, si bo ta accionista di e negoshi aki, cuminsa retira bo participacion door cu e negoshi aki lo no jega pa mira exito!

No ta existi di bende pa henter e Mercado, bo mester enfoca riba e grupo cu mas lo cumpra bo producto/servicio.

Bo mester scohe exsactamente ken lo ta bo clientenan, nan edad, sexo, nacionalidad, creencia, aparencia, nivel economico, nivel intelectual, nan custumbernan, hendenan pretencioso, hendenan poco loco, wel asina e lista lo sigui, pero bo mester scohe bo Mercado.

Pa esaki bo mester hasi un research prome, pa asina bo por sa unda  e “niche-Market” ta, cu tin mas potencial, cu tin mas demanda, y hinca tur bo esfuerso,placa,energia pa logra solamente e Mercado aki, y NO mas!

Tin hopi negoshinan latino cu ta bayendo hopi bon, (Wel, aki na Aruba), dicon, ora bo drenta, ta vallenato bo ta scucha, e TV ta na un canal Latino, e sra cu ta sirbibo ta latino(a), y e cuminda tin sabor Latino, dus tur Latino sa bon-bon kico nan lo haya y nan  ta target riba e mercado Latino. Negoshinan manera Salvadore Ferragamo, ora bo pasa banda di nan, no tin hopi hende den e tienda, pero ora un cliente cumpra, e ta cumpra pa 20 hende cu ta drenta den un negoshi mas barata! Un camisa Tommy ta 4 biaha mas caro cu un camisa normal, toch tin hende ta bai cumpre door cu esey nan kier, y e camisa ta bon. Ami ta gusta jeans Levi’s, door cu e jeans aki ta sinta bon na bo curpa y ta bini cu bo size, bo mester paga mas pe?, sigur cu si, door cu loke bo ta haya, ta mihor cu e otro, y esey bo kier, cos bon!

Den marca di auto ta igual, tin marca cu no mester bende hopi auto, door cu djis algun  nan bende ya nan ganashi a surpasa e benta di autonan mas economico, y tin hende ta gusta cumpra auto caro. Dicon e muhernan ta muri pa un Pandora?, door cu esey ta original, y nan ta paga hopi mas djis pa asina tin un Pandora. Tin masha variacion di restaurant, dicon ora tin algo special, toch bo kier bai un restaurant di clase, door di e servicio, calidad di cuminda y esaki ta crea un emocion y un ambiente di clase y masha romantico, y ta mesun pisca cu bo por cumpra na Zeerover y prepare na cas!.

Anyway, loke awe mi kier bisa ta cu, mester busca bo “niche-market”, no worry y perde tempo cu e multitud, scohe bo e Mercado cu abo kier sirbi y hinca tur bo placa,esfuerso,energia y gana den dje, si bo mester hisa bo prijs pa esaki, wel, bo mester hasi’e, door cu e “niche-market” aki gusta paga mas pa cosnan bon, wel, mi shon, masha stranjo pero asina e ta, hisa prijs y bende mas!!! Blessings steve francees

(297) 7380777 stevefrancees@hotmail.com /  www.stevefrancees.blogspot.com

3 Pilar pa aumenta bo benta den 2015.

3 Pilar pa aumenta bo benta den 2015.

Scirbi pa Steve Francees

Nos Mercado ta hopi bon, tin hopi bon oportunidad den dje y sigur lo bira hopi mihor cu 2014, esaki mi a bisa un amigo y el a spanta, habri wowo asina grandi! E no por a kere cu lo tin cos bon den 2015!

Su problema ta cu, e ta tende di hendenan negativo y esaki a cuminsa domina su accionan y tambe a crea miedo den dje, un persona cu ajega di bende masha hopi cu awor ta mira futuro hopi skeptico.

E prome manera pa subi benta ta pa revisa bo amigonan di mas serca, nan ta negativo?, nan kier logra mas den bida? ta nan ta esunan cu ta hinca miedo den bo? Nan ta mira problema y sin mira oportunidad? Revisa ken ta rond di bo? Y saca afo ken ta esunan cu a strobabo!. Scohe amigonan nobo y sera amistad cu bendedornan cu ta bende hopi mas cu bo y sinja di nan!

E di dos ta cu bo mester traha un lista di tur loke bo a hasi den 2014, cuanto biaha bo a bishita un cliente, cuanto benta bo a hasi, cuanto cliente nobo bo a logra etc, y tras di tur loke cu bo a scirbi bo mester duplica esaki 2X !!!! Den serio, djis Duplica loke bo a hasi anja pasa!!! Busca tur maneara posibel pa duplica loke bo a hasi y esaki por wordo hasi si bo plania mas eficiente y traha mas duro pa logra nan. Bo por duplica loke bo a logra anja pasa, tin mas hende cu alogre dus abo tambe lo por sigur. No spanta pero traha duro pa logra duplica bo target.

E di tres ta e “mindset” cu bo mester adkeri pa logra duplica tur loke bo a hasi anja pasa, e mindset adecua ta principal den tur cos pa e anja aki. Esaki ta un decision personal cu lo bo mester hasi, ningun hende por tume pa bo, pero ta bo mes. Esaki lo drecha con bo ta usa bo tempo, con bo ta traha mas eficiente, con bo ta traha mas duro, con bo ta us abo tempo personal y cu bo famia. Con lo bo tuma rechaso den e mercado, con bo ta mira bo mes y bo autoestima. Un decision personal pa hasi loke sea pa logra e metanan pa 2015, y esaki ta sumamente importante den nos mercado actual. Solamente esunan cu e mindset adecua lo vence den nos Mercado local aki.

Cuminsa awe traha riba loke bo a hasi anja pasa y duplica esaki como meta pa 2015, bini cu strategianan nobo pa logra e metanan aki, kisas bo mester re-educa bo mes, busca judansa den un area cu bo ta swaak den dje, of asta paga otro pa hasi algo cu ta tuma bo mas tempo pa hasi. Stop di gasta tempo tras di tv y celular, menos facebook ora di trabou y mira djis loke ta necesario. Si mainta ta e mihor tempo pa produci, dus zorg cu e tempo aki ta pa prospecting y traha duro riba clientenan nobo y service clientenan existente. Laga cosnan menos importante pa despues y no bruha e tempo cu otro cosnan. Traha eficiente y cuida bo autoestima!!!, si bo hasi esakinan sigur lo bo logra bo metanan den 2015. Blessings Steve Francees, 

stevefrancees@hotmail.com www.stevefrancees.blogspot.com

E prome paso pa exito den 2015!

E prome paso pa exito den 2015!

Scirbi pa Steve

E prome paso den 2015 mester ta pa tuma bentaha! Pero lagami splica esey!

Ami ta core mountainbike y den competencia tin varios strategia cu bo mester usa pa asina por logra jega den e promenan y asta #1, y esey ta cu for di comienso bo mester tuma bentaha Si for di tempran bo cuminsa duro y bai dilanti, lo bo tin bentaha riba esunan cu no a sali dje rapido ey. Hopi ta pensa cu nan lo cuminsa trankilo y catch-up mas despues, pero esey no ta e caso, den tur careda tin berehanan/camindanan cu ta un so por pasa y ta den e momentonan ey ta cu lo bo keda #1 den bentaha door cu ta imposibel pa esun patras di bo por pasabo. Akinan bo por descansa un tiki pa despues  sigui tuma bentaha y sigui bai dilanti! 

Dus pa 2015, bo mester sali riba un speed, no por sinta papia, reuni, debate, riba hopi ideanan, no, esey lo no por, djis tuma sierto desicionan cu tin prioridad, splica e strategia y planan pa 2015 y move, tuma bentaha, lansa e servicio nobo, promociona mas e negoshi y su productonan. Asina bo ta tuma bentaha riba e competencia y sigur lo bo ta mas dilanti durante di e anja 2015!

Dus tuma bentaha for di e prome simanan di e anja y mantene bo posicion dilanti y sigur lo bo jega den e promenan y probablemente #1 tambe.

Blessings Steve

Mentalidad pa dobel e exposure di bo propaganda!

Mentalidad pa dobel e exposure di bo propaganda!

Scirbi pa Steve Francees

Un di e mihornan den lansamento y ta un bon propaganda ta ora nan ta bai bini cu un pelicula nobo y akinan por sinja masha hopi mes.

Hende ta gusta di ta parti di un grupo of un momento espesifico, unda nan emocionan ta wordo altera, sea ta pone nan den spanto of den tristesa, crea emocionan fuerte di rabia,despues na final ta bini cu un final felis y wordo motiva di nobo. 

Mi a jega di bai un workshop di conta storia y teatro, y tur e ingrediente ta hinca den e script, esun cu scirbi e script mester sa bon con ta hinke den otro pa asina por crea un mayor emocion durante di e obra. Tin un secuencia con pa scirbi un script y tambe den marketing esaki ta esencial pa asina bo por logra aumenta e exposure di bo propogada.

Ora un persona drenta pa mira un pelicula, esey ta parti di e producto, pero ya prome cu esey bo awordo bendi caba cu e idea di bai mira e pelicula.

E lansamento di e pelicula ta cuminsa  casi un anja prome cu e pelicula sali y progresivamente ta bai jega e climax cu tur hende kier bai mira e pelicula.

Kico asina bo por sinja di nan pa asina logra mas exposure pa bo producto: Nan ta usa actornan bon y cu ya tin hopi hende cu ta gustanan como actor. Un progaganda mester tin imagen cu e prospecto por relaciona cu ne y esakinan ta imagenan humano, usa hendenan cu ta trek atencion y akinan no ta cara bunita so ta conta, Shrek segun regla normal no ta conta di asina bunitesa pero alogra di alcansa curason di miyones di hende. Pero mester usa imagen, sea fuerte, no comun pa asina por trek atencion na bo producto y servicionan.

Bon design tambe ta un parti masha importante den un lansamento di un propaganda, no laga cuakier persona design bo propaganda, pasobra e no sa con ta hinca e aviso den otro cu ta trek atencion pa bo producto. Un design mester capta atencion di e publico cu abo kier gana nan atencion, kisas e aviso ta masha bunita y falta e ingrediente pa trek e prospecto pa tuma e decicion pa bin cumpra of bishita bo negoshi.

Traha un calendario, no lansa un campanja grandi den un temporada di boroto, asina lo bo perde exposure, sea hasi’e net prome cu e boroto general pa asina tin mayor atencion riba bo propaganda.

Inverti den publicidad cu ta klop cu bo producto, no kere tur cu bini bende bo propaganda, kisas e media ey ta bon pero no ta bo mercado cu bo kier nan como cliente. Sa ta ken ta bo target-segment(Mercado meta), y enfoca riba nan solamente, si e media ta barata no tume, pero si e ta caro pero ta jega direct riba e target-market, bai pe. Inverti den publicidad ta sumamente importante pa e exito di e compania. E problema actual di varios negoshi ta, cliente, nan no tin suficiente cliente y gran parti di esaki ta sinta door cu nan no ta inverti den publicidad, nan ta cumpra producto,drecha interior y cumpra propaganda robes y menos den crea demanda.

Traha trailers: Esaki ta peliculanan chikito cu ta duna un tiki di kico lo por spera, y akinan ta un strategia di mercadeo masha importante, duna “taste” di loke lo bini, si un campanja bon ta biniendo, cuminsa traha “trailers” chikito di loke ta biniendo y promociona esakinan. Si bo tin un bon producto ta biniendo, cuminsa bai den supermercado y hasi “Tasting” pa asina e prospectonan por cuminsa purba e producto. Esaki ta cuminsa habri caminda y progresivamente lo jega na un exito.

Lugar di lansamento: Esaki ta masha importante, nos tur ajega di mira un red-carpet y esaki ta un lugar ta masha special pa e personana special por jega y ta hopi exclusivo y prensa tambe lo tey, wel akinan ya e emocionan ta birando masha halto y e Mercado general lo ta intigra di bai mira e pelicula ora e sali e dia siguiente. Esaki ta e magno evento cu ta atrae mas atencion pa e pelicula y ta crea un enorme publicidad pa e pelicula por bende y gana placa. Tur esakinan ta pa crea mas atencion pa e pelicula.

Crea controversia: Esakinan ta trabounan di e criticonan di pelicula y esakinan ta crea controversia, un ta papia malo, e otro ta papia bon, un awordo ofendi di loke e otro a bisa, pero tur esakinan ta crea mas atencion pa e pelicula y  tambe ta hisa masha tanto e demanda pa e pelicula y peliculanan ta gana tur e placa den nan prome weekend ora e pelicula sali, door di tanto “fanfara” den publicidad. Den menos cu 3 dia ya nan bentanan ta cla y a surpasa sales-target y nan ta gana hopi placa, loke bini despues ta mas placa pa nan ainda.

Marketing ta un mindset, risico y inovacion, y mester tin e e puntonan aki pa asina por aumenta demanda pa loke bo ta ofrece. Blessings Steve

(297) 7380777 stevefrancees@hotmail.com