5 punto importante pa un marketing Plan pa STARTUPS.

5 punto importante pa un marketing Plan pa STARTUPS.

Scirbi pa Steve Francees

Ta hopi great cu ultimo añanan mas personanan comun y coriente ta penando den Startups y ta trahando tambe riba nan. Mi mes tambe ta docente di Business Plan na IDEA y e aña aki tin un record di participante cu ta algo hopi bon.

Pa cuminsa mi kier bisa cu si bo a studia marketing mas cu 15 aña pasa manera ami, bo mester actualisa masha rapido mes door cu e strategia, channel, tools a cambia masha hopi mes y content di e mensahe ta #1 awor den tur loke bo hasi como marketer. Tambe mi kier bisa cu e aspecto “emocional” den bo strategia di Marketing ta sumamente importante, mas importante cu bo ta pensa.

Hopi empresa ainda no ta conciente di e importancia di e red-nan social y nan importancia den e Online-Marketing di e empresa y e marcanan cu nan ta representa!

Any way, lagami bai riba e 5 puntonan cu tur Startups mester tene cuente cu ne.

1. Prome cu bo bin cu e strategia bo mester sa kico e empresa kier logra, kico ecxactemente ta e meta cu nan kier logra. Esaki tambe ta pa cada producto of servicio cu nan ta ofrece. Tin servicionan cu mester implementa cu no ta genera placa pero ta juda e servicio cu si ta genera placa. Mesun cos pa productonan cu bo mester tin den stock of den tienda pero cu no ta genera hopi pero mester tey pa pusha otro productonan cu si tin un margin mas grandi. Cada departamento lo mester tin un meta cu na final hunto lo bira e meta general di e startup. Dus pone na un manera fasil kico ta e meta cu mester wordo logra den branding, benta pa luna/siman/dia etc, cultura cu bo kier promociona, cual producto y servicio bo kier lansa y kico lo ta e meta. Esaki ta varia pa cada startup.

2. Scohe ken lo ta e target, of cu otro palabra ken lo bo kier como cliente. Hopi biaha cu bo ta puntra un startup, ken lo ta boso clientenan  y nan ta contesta, wel, tur hende, y e contesta aki ta e prome fracaso door cu no por bende pa tur hende pero bo mester busca e segmento di e Mercado cu bo kier pa bira bo cliente. Un ehempel, bo por scohe, juf di scol cu ta bou di 45 aña, dus bo target-segment lo ta e grupo aki, kisas despues di a analisa e Mercado y tambe e potencial den e Mercado, bo a haya sa cu e segment aki ta potencial, door cu nan ta trendy y tin e poder financiero pa cumpra loke bo lo bai ofrece. Dus den tur strategia di marketing, interior design, business model etc lo mester ta enfoca riba e segment aki. Tin nesgoshinan cu ta bende un producto masha caro mes, door cu nan calidad tambe ta hopi superior cu e “otronan” y nan no mester di tanto cliente, door cu cada cliente cu drenta ta cumpra miles di florin na mercancia y ta suficiente pa nan cubri tur gastonan di operacion y ainda gana placa como empresa.

3. Strategia di comunicacion. Ami ta gusta tende y conta storia y asta ta inventa storia dia nos yiunan tabata mas chikito y nan tabata gusta masha e storianan cu mi tabata inventa. Wel,  hende grandi tambe gusta storia door cu esey ta atrae nos tur y cada startup mester disidi con e ta bai comunica cu e prospectonan y tambe mantene e clientenan activo, pensando riba e empresa su producto y servicionan.  E manera mas malo di comunica ta purba “bende” loke bo tin, esaki ta propaganda y propaganda ya no ta funciona mas manera antes. Henda ta cansa di tende abo bisa kico bo tin y nan no kier tende esaki. Ya caba nan ta wordo bombardia cu masha hopi anuncionan cu ta purba bendenan algo, dus e startup mester bini cu un strategia nobo pa asina drenta di porta di cushina serca e prospectonan. Scohe e strategia con lo bo bai usa y cual storia y strategia lo bo mester usa pa atrae y retene clientenan pa bo startup.

4. Sa cual herment of canal di Marketing lo bo bai usa pa hasi nomber mas conoce y respeta den e Mercado y segment di target-market. Antes tabata usa corant, dus tabata cumpra espacio den corant y tambe radio pa asina posiciona bo Branding fuerte den e mente di e Mercado, awor tin asina tanto cambio den structura di comunicacion cu bo mester scohe cual lo bo bai usa. Canal tradicional te ainda tin su fortalesa, pero no tanto mas manera antes y ami ta echt kere cu Online-Marketing mester tey presenta den un startup como canal di preferencia. Awor casi 95% di nos Mercado-consumidor ta online y ta eynan mester posiciona como startup y vooral si ta algo di negoshi online/offline. Ami ta kere cu tur negoshi mester bai online, vooral cu aki na Aruba nos ta biba di turismo y casi 85% di nos entradanan ta bini directo y in-directo di e sector turistico. Tur turista cu bini Aruba ta check tur cos online, sea ta restaurant, watersport, atraccionan turistico, cine, beauty salon, wel nan ta check tur cos online y si bo no tey online ta nifica cu bo no ta existi, as simple as that!.  App ta algo hopi bon pa asina e clientenan por download pa asina keda den contact cu bo servicionan. Dus mester tin un balans entre canalnan tradicional y tambe Online. Den e strategia di e startup esaki mester ta bon defini y tambe tin un strategia pa cada un e di social-media cu lo bo bai usa. Cada un di e social-media ta diferente, Facebook, Twitter, Instagram, youtube, nan tur ta diferente y cada storia cu conta mester ta diferente den cada un. Akinan content-marketing ta bira sumamente importante. Instagram ta creciendo masha fuerte mes y bo stratup por beneficia di dje masha bon mes. Ahan, otro cos, ningun Social-Media ta gratis, esaki ta un denk-fout cu empresanen ta hasi, “nada” cu ta bon ta gratis!!!!!! Nos tur sa esaki, loke ta gratis no ta sirbi y hopi biaha empresanan ta laga nan sobrino of yiu traha riba nan Social-Media y kere cu nan lo haya resultado y ora nan mira cu esaki no ta funciona ta core bisa cu Social-Media no ta bon pasobra no ta funciona pa nan, pero mi shon, si laga cualkier persona cu no tin nada di estudio, tampoco sa di strategia di marketing traha riba algo asina importante, lo no tin exito, y loke por pasa cu nan lo “daña” bo bon nomber cu bo tin y cliente kisas asta por bai lagabo door cu e presencia online ta pober compara cu e competencia!.

5: Monitor tur loke bo hasi den marketing: For di comienso ora traha riba e planning di e startup, bo mester pone con lo bo midi e efectividad di e esfuerso den marketing. E monitoring di e efectividad mester ta den e planning di Marketing y tambe den e business plan mester tin e fecha pa para y revisa tur cos, cual canal ta funcionando y cual no y busca tambe e pakico sea ta bayendo bon of ta bayendo malo.

Ultimo tip como bonus pa awe::: Prome cu bo lansa un strategia di marketing, trece algun hende cu ta creativo y conoce e Mercado na mesa y traha un focus-group pa asina bo haya mas ideanan hunto pa crea un strategia mas fuerte.

Pa cualkier pregunta of observacion por tuma contact cu mi libremente y tambe pa consulting lo mi ta habri pa combersa y duna opinion. Hopi exito cu bo startup, Blessings. Steve Francees, (297) 7380777 stevefrancees@hotmail.com www.stevefrancees.blogspot.com

Competi y colabora?

Competi y colabora?

Scribi pa Steve Francees

Tabata dos siman pasa cu mi atende un les online cu e pregunta aki a bin ariba cu cual ta mas fasil, sea ta competi direct den e merado of colabora hunto den e Mercado.

Den e mindset di empresario ta hopi natural cu e parti di competencia ta bin ariba mas lihe y asta esaki ta necesario pa keda fit den e Mercado. Hopi kier caba cu competencia pa asina nan por tin monopolio den nan Mercado y basicamente e idea aki ta sobre sali mas.

Asta ta crea manera un rabia riba e competencia y esey por awordo sinti hopi ora bo jega un conferencia y e competencia tambe tey. Un biaha na Miami  nos a jega di topa un competencia saliendo di un expo y tabatin bus pa bai hotel bek y ora nos grupo di trabou a drenta e bus, e competencianan cu tabatey a disidi di bai cu un otro bus pa asina ni sikiera sinta den mesun bus hunto. Wel, straño pero berdad.

Anyway, pero segun ami den e mundo moderno aki bo ta mira cada biaha mas colaboracion hunto cu competecia pa asina logra mas den e Mercado y tur dos ta sali tambe gana. Tin trabounan cu bo no por hasi, aunke ta den bo ramo pero kisas bo no tin e experencia of e personal of cualkier tipo di tools cu bo no tin, siendo cu e competencia si ta mihor cu bo den e area ey y ta mas fasil pa jama e competencia pa nan tuma e trabou. Esaki a jega di pasa mi na varios ocacion cu bo ta jega na mesun cliente y tende kico e trabou ta y toch ta duna e otro e trabou. Ami a experencia esaki despues di a Madura y toch no pensa egoista door di kier gara tur cos y eynan e colaboracion y respet pa e otro su experticio ta bin dilanti. Tambe esaki ta pasa tambe ora e competencia mes jamabo pa jude den un trabou sea pa termina un trabou of co-op cu un projecto pa asina ta mas fuerte. E pensamento di traha hunto ta birando tur dia mas fuerte y esaki tin di haber cu e cambio den nos generacion actual. Nos muchanan na scol ta mas conciente di e trabou den grupo y tambe ta kere den traha den grupo y esaki tambe ta pa e hobenan adulto cu a caba di termina nan studio y ta regresando nos isla. Dus na final colaboracion ta birando un piedra bastante grandi di e setup di cualkier empresa y traha hunto ta hasi nos tur mas fuerte. Si nos tur compronde esaki lo ta di beneficio pa henter nos sociedad.

Stevefrancees@hotmail.com (297) 7380777

Startups pa luna di mei 2016

Startups pa luna di mei 2016
Tabata 3 anja pasa cu riba pregunta di un persona pa ideanan nobo, cu mi a duna un lista di 99 ideanan pa empresanan chikito cu por a cuminsa aki na Aruba y e pregunta a bolbe bini bek pa traha riba un lista nobo pa 2016.
Esaki ta tuma hopi tempo pero lo ta un bon reto.

Pa luna di mei lo por pone e lista riba mi blog asina e followers por lesanan y tambe usa nan sin ningun problema.

Dus keda pendiente pa otro luna!

E cambio constante di cultura den nos empresanan na Aruba.

E cambio constante di cultura den nos empresanan na  Aruba.

Scribi pa Steve Francees

Bo sa cu mescos hende ta desaroya, mescos tambe negoshinan ta desaroya y esaki ta trece cu ne, cu trahadornan den e companianan tambe ta cambia.

Ora trahadornan cambia, e cultura den e compania tambe ta cambia, e manera di tuma decision ta cambia door cu tin hendenan nobo cu awor tambe ta parti di e proceso di tuma decision.

Cada 3 aña e cutura den un compania ta cambia y awor cu integracion di hopi cultura aki na Aruba, bo por haya un manager, Hulandes awe, mayan por ta Filipino, despues un Arubiano y bolbe cambia pa un Colombiano. Wel y cada un ta funciona diferente y ta crea nan propio cultura y si e trahadornan no por adapta fasil na cambio, lo nan tin un problema pa traha den e compania ey. Tambe tin cu ta kita di trabou door cu nan a haya problema cu e manager nobo y no kier sigui su linea di maneho y ta disidi di move y bai otro caminda.

E problema aki lo bira tur dia mas fuerte door cu nos mundo actual mes ta multi-cultural y pa funciona den un empresa bo mester tin e habildad pa deal cu cambio y asta cambionan drastico.

Den hotelnan bo ta mira hopi Filipinonan cu a crece y bira manager etc, y tambe Latinonan cu a tuma posicionan bastante clave y vooral si ta un corporacion internacional, nacionalidad no ta importante pa nan, pero ta e calidad di trabou cu nan kier logra ta importante y eynan nan por usa cualkier persona pa logra e obhetivo di crece nan corporacion.

Wel, esaki ta bisa cu nos tur mester traha duro pa deal cu cambio den e aña aki pa asina por sigui mantene un trabou y ta flexibel pa cambio tambe.

E problema #1 cu por strobabo di deal cu cambio ta orguyo, esaki ta pone bo rechasa e cambio y tambe lo strobabo di bai dilanti, door cu pa bai dilanti den cualkier trabou of carera ta rekeri cu bo mester ta un persona cu por deal cu cambio y keda positivo, duna bo 100% y busca pa e compania bai dilanti y sigur abo tambe lo crece hunto cu e compania.

Blessings Steve Francees

Blogger

Loke por subi bo benta awe mes!

Loke por subi bo benta awe mes!

Scribi pa Steve Francees, business blogger

Cuanto biaha ora benta baha bo ta pensa jen di strategia pa esaki subi y hopi biaha ora e manager bisa cu benta a baha den e luna ey, ta sinti de-motiva den e momento ey y akinan mester pone bon atencion vooral pa e salesmanagers pa no demotiva e bendedornan. Realidad ta cu benta a baha pero mester check bon den cual “tono” esaki wordo bisa, no pa destrui moral pero pa construi pa asina benta subi bek e siguiente luna y toch jega target bek.

E regla #1 pa benta subi ta “ta mas amistoso” “mantene un sonrisa riba bo cara” “expresa mas cu bo cara”!!!! un cara humano tin alrededor di 80 musculo cu mester wordo usa y un sonrisa genuino ta usa tur e musculonan aki y ta crea un efecto super positivo pa e prospecto. Mi conoce un tremendo bendedor cu ta benta mas cu tur otro bendedornan pero toch ta esun cu menos ta papia, esaki por mustra masha straño pero su parti fuerte den su benta ta su “sonrisa” e persona aki semper tin un sonrisa riba su cara y asta bo por mira esaki den su wowonan, ora e smile, ta tur su cara ta wordo afecta y su sonrisa ta asina normal y genuino cu ta trek prospecto y ta laga e prospecto sinti aprecia y door di esey  e ta “close” hopi mas cu e otro bendedornan. Dus e strategia mas barata y cu tur hende tin ta un bon “sonrisa” y esaki ta pa nos usa den benta.

Cuminsa awe y traha riba bo “sonrisa” cu sigur lo dunabo mas oportunidad pa atrae mas clientenan y close mas hopi cu na final bo benta subi.

Blessings Steve Francees

www.stevefrancees.blogspot.com

(297) 7380777

stevefrancees@hotmail.com

Dos manera so pa subi benta den e siman aki!

Dos manera so pa subi benta den e siman aki!

Scirbi pa Steve Francees

Tin solamente dos manera pa benta subi vooral awor cu mester sera e anja logrando e target cu awordo poni den januari!

Pa logra subi benta bo mester disidi cual di e dosnan aki lo bo bai usa pa asina subi benta, no tin otro opcion. Loke ta pasa ta cu tin hopi bendedor ta keda pega y no ta scohe cual manera e lo bai usa e siman aki pa subi benta.

Tur loke bo hasi den benta mester ta basa riba un decision, bo mester disidi di subi benta, si bo no disidi, benta lo no subi. Tambe ta exigi un cambio di mentalidad pa tuma decision y tambe traha duro pa logra pa benta subi.

Anyway, ban pa e prome cu ta, logra haya mas cliente, akinan Marketing tambe por hunga un rol, pero si e bendedor disidi di sali busca mas cliente, sigur esaki lo bira un echo, disidi e siman aki cu lo mi busca tur dia 3 cliente nobo. Si bo ta benta riba caya, bo mester djis bai bishita prospectonan nobo, djis drenta y papia cu nan y ofrece bo servicionan. Esaki ta tuma curashi y mester bai fuerte den esaki, manera mi a bisa caba, esaki ta un decision cu bo ta tuma pa busca clientenan nobo. Ken por ta bo cliente? Wel depende di bo producto, pero prospectonan ta tur caminda, e cahera na supermarket, bo partner di tennis, bo hairdresser, sirbidor na gasstation, bo propio bendedor di seguro, juf di bo yunan, bisinja enfin, djis bira super creativo. Tin masha oportunidad pa haya mas cliente y no depende riba bo compania pa hasi promocion, pero abo mes move tambe door cu mas cliente ta resulta den placa pa bo famia! Dus e prome ta disidi di busca mas cliente!

E di dos ta benta mas cu mesun cliente, kisas bo ta benda den un tienda di panya y un sra a bini pa djis mira, manera semper nan ta bisa, wel, akinan ta cu bo mester usa tur bo technicanan di benta pa asina por bende e sra panya di bo tienda y bende mas ainda, ofrece mas cos, manera asesorio, otro carson cu ta klop cu e panya, splica e calidad di e panya, e tela mes, e acabado di e panya, laga e prospecto sa di tur loke bo tin pa ofrece hunto cu loke e la bini pa busca. No tene miedo di ofrece mas, pero no“judge” hende riba nan aparencia, djis imagina bo cu e persona aki tin e placa pa cumpra door cu e kier keda bon bisti y tapesey e la bini net awe serca bo den e tienda. Ta bo obligacion pa juda e sra aki pa cumpra tur loke e tin mester y abo como experto den fashion mester guia e sra aki pa cumpra loke ta keda e bon y no mira e prijs! Ora un persona kier algo, e ta cumpre, dus no tene miedo pa pusha duro den “upselling” si bo no hasi’e, bo competencia si lo hasi’e y benda mas cu abo!  Dus disidi di bende mas awe, presenta mas opcion, pero please no brua e propecto, cu productonan cu no ta pas na e momentonan ey. Sea e experto y actua manera un experto, esey ta loke clientenan di awendia ta busca, no bendedornan di panya of producto, pero conseheronan den nan area di servicionan. No laga miedo tuma bentaha awe riba bo, djis presenta mas producto y duna e pakico e prospecto mester di dje y ora jega e momento, bai na closing pa sera e benta. Bende calidad y servicio y no prijs!! Blessings Steve Francees (297) 7380777 stevefrancees@hotmail.com www.stevefrancees.blogspot.com