E tristo guera entre Sales Execs y Marketing Department.

E tristo guera entre Sales Execs y Marketing Department.

Scibi pa Steve Francees,

E storia aki ta masha bieu mes y te ainda e mesun storia aki ta sigui ripiti y empresanan ta sigui laga demasiado placa riba mesa sin logra bende mas.
 

Cu 15 aña di experencia den Sales & Marketing, mi ta sigui mira e mesun problema di comunicacion entre Sales Execs y Marketing Department. E bendedornan ta ariba caya ta “bendiendo” pero no tin ningun idea kico ta pasando den ofisina, cu ta trahando riba e siguiente lansamento sin ningun input di esun cu na final lo mester aserca e clientenan pa asina bende e producto. Ta tristo pa e bendedor habri corant y mira cu tin un special riba loke e ta bendiendo of cu cliente jame pa e special pa tempo limita y e bendedor mes no sa di nada. E problema aki ta parse un “never ending story”, y esaki ta un falta di comunicion tremendo.

E parti mas bon ta cu tur cos tin un “excuse” pa no a duna e informacion na tempo na e bendedornan. Loke Marketing Department ta faya barbaro ta cu ta pone un graphic designer pa traha un aviso, pero e persona aki ta un artista y no un bendedor, dus e no sa kico ta pasando den e Mercado, e no ta na altura di e “efecto di cambio emocional y structural ” cu ta pasando den e Mercado. Sigur e aviso ta artisticamente masha bunita pero door cu no tin input di esun cu ta traha directamente cu e cliente, e aviso aki lo bende hopi menos. Dus door cu no tin comunicacion entra Sales y Marketing, lo afecta e ROI di e marketing Budget y lo afecta e cashflow na final di cuenta.

Dus bo avisonan no ta bende suficiente segun su rendimento, djis pa “no tin” contacto entre Sales & Marketing Dept. E unico manera pa resolve e problema aki ta traha riba comunicacion, hopi ta pensa cu reunion ta perdemento di tempo y loke bo ta gana den 1 ora di reunion por resolve hopi dolor di cabes y ta spaar compania di gastonan inecesario, pasa mal rato y si tin pas y comunicacion entre Sales y Marketing Dept, sigur lo juda pa benta subi.

Steve Francees, Business & Market Analyst

Tur radio tin sintonia?

Tur radio tin sintonia?
Scirbi pa Steve Francees

Parse cu si! Tin programa ta asina laaf cu bo ta pensa cu sigur no tin ningun persona cu ta gusta e style ey, te cu algun aña pasa mi a puntra un locutor kico e mes ta pensa di e radionan cu no ta wordo hopi menciona.
 E locutor aki ta hopi bon den su area y tin sintonia y den liña grandi por bisa cu ya e ta
gosando di un publico cu ta sintonise. Any way, el a bisami, pa mi bisa bo manera e cos ta, ami ta convenci cu tur radio tin sintonia, pa tur programa tin su audiencia, door cu tur hende tin un gusto diferente y cada persona ta sinti nan mes indentifica cu sierto locutor y e tipo di programa cu e locutor ta conduci.

For di e tempo ey, sigur mi mente a amplia mas loke ta trata sintonia, hopi biaha nos ta pensa cu pone un promo na e programa of radio mas popular lo ta e mihor invercion
door cu ta “supuestamente” ta atrae mas sintonia, pero asta nan por ta atrayendo e publico robes cu no ta bo tipo di cliente cu bo ta buscando.

Tur radio tin sintonia, dus pa hasi un mihor analisis con e lo por funciona pa bo producto, bo mester hasi un test, dus pone un aviso den e programa ey, negocia un bon prijs y mira e resultado (ROI), si e programa a atrae 1 persona cu a cumpra asina  tanto cu bo a gana asina tanto cu bo a paga e radio y keda cu placa, wel, esey lo ta un bon invercion.

Otro opcion tambe por ta puntra un otro comerciante cu tambe ta hasi propaganda pa asina tende su opinion, pero please, esey ta su opinion!. E target market of niche market ta super importante pa tur empresa, bo mester por scohe bo tipo di cliente cu abo mester como cliente y caba propaganda mester ta diseña cu bo target market den mente.

Si ta hende muher di 40 aña lo ta bo target, wel traha e text(guion) di e propaganda usando palabranan y atraccion cu  e muher di 40 aña ta relaciona cu ne. Cada programa tin su audiencia y ta mihor pa saca afo cual audiencia nan ta atrae mas y djeynan tuma bo desicion si bo ta bai pone aviso den e programa ey. Na final, tur radio tin sintonia!.

Kima bo barco

Kima bo barco

Scribi pa Steve Francees

Cuanto biaha den nos bidanan, nos no a perde oportunidadnan door cu no a actua na e ora cu mester a actua! No tin un sentimento mas horibel cu ora bo haña sa cu bo mester a actua y bo no a actua, y pa colmo e oportunidad tambe a bai manera biento cu ta bai cu tur cos. Despues di algo asina bo ta sinti un perdedor y fracasa, pero warda!!Tin un diferencia masha grandi entre perde un bataya y bida den un fracaso!. E momento cu e perdedor logra bringa atrobe y ta drenta den un bataya di nobo, na e momento ey e estado di perdedor ta wordo aboli, kita, ya e estado di perdedor ta historia door cu bo ta drentando den un oportunidad bek di nobo pa cambia bo estado pa un victorioso. E estado di biba den fracaso, nunca lo kita y lo lagabo semper sinti y keda den e estado di fracaso. Peor ta cu e estado aki ta caba cu bo, ta mata bo futuro y bo creatividad lo logra. Please, amigo(a) busca pa ta den e prome grupo y lucha pa keda tambe den e prome grupo!

No warda pa temponan bon: Mi kier revelabo un secreto masha poderoso, tempo lo no drecha, y nunca tabatin bon tempo, tur ideanan exitoso awordo lansa den e peor temponan, den crisis financiero, falta di amor a inspira e mihor artistanan pa compone, dus usa e temponan malo, dus menos bon na bo probecho. Bijbel mes ta bisa, no sinta mira e tempo pa asina bo planta, djis tuma iniciativa y planta bo simia, no sinta warda mas! Awe ta e mihor dia pa bo planta bo simian!

Ningun hende lo kere den bo: Corda cu bo soño ta bo soño, no ta di bo mama,amigo, banco, scol,gobierno, no! ta bo soño, dus no busca aprobacion di hende pa logra bo soño. E unico cu mester y ta responsabel pa bo soño ta abo mes! Ningun hende mas!

Sigui E bos cu ta guiando bo: Den tur cos tin un bos cu ta papia cu bo, E bos cu abo ta tende bisabo loke bo mester hasi, ningun hende lo no compronde E bos ey, solamente abo y bo mester sigui’E. Hopi profundo den bo ser bo sa kico ta kima den bo curason, esey ta loke bo mester hasi. Ami ta jame Dios, pasobra nos a bini na mundo cu un proposito pa cumpli cu ne, y ta abo mester cumpli cu ne, laga E bos ey papia cu bo y dirigi bo.

Tuma tur e responsabilidad: Tur persona na mundo tin un doctorado den tira culpa riba otro, te ora cu bo compronde cu ta abo mester tuma tur e resposabilidad di bo actonan. Tur loke pasa cu bo ta bo responsabilidad y tambe tuma resposabilidad di bo sentimentonan tambe, 70% di tur bo decicionan ta basa riba sentimento of mihor bisa emocion y 30% ta realidad,hopi ta tuma decision riba con nan ta sinti na e momento ey y no riba realidad!. Den bida, tin por lo menos 250 persona cu kier bo bon y djis pa 1 persona cu a kibrabo, bo ta laga e unico persona aki tranca bo progreso? Esey no ta husto!bo ta bezig ta in-husto cu bo mes y esey no ta corecto.Tuma bo responsabilidad y no laga un minoria tranca bo progreso y esaki ta bo responsabilidad.

Disidi di traha duro: Nos ante-pasadonan tabata sinti bon despues di un dia duro di trabou, awor si esey pasa, nos ta pensa cu ya ta esclabo nos ta di nos hefe y di e structura actual. Tur hende ta hasi lo posibel pa no traha duro, no cumpli cu orario, busca e manera mas fasil pa keda cla mas lihe y gana mas tempo pa asina por disfruta mas di tempo liber. Bou di ningun ley ta posibel pa no traha duro y toch logra un bon resultado, esaki nunca a funciona y lo no funcioan tampoco. Trabou duro ta e secreto di tur exito y no laga ningun hende gaña bo, djis puntra un persona exitoso y sigur e lo splica esaki.

Kima bo barco: Den bida bo no por progresa cu un man teni na exito y fracaso di bo pasado. Asta exito di pasado lo no judabo den e era di awe. E disiplina cu a judabo logra na e exito sigur lo judabo pero keda pega riba e emocion di bo logronan di pasado lo strobabo pa logra exitonan nobo. Corta cu pasado, lubida di loke a keda atras, traha awe pa logra conkista teranan nobo. Tabatin un ehercito yen di soldatnan cu masha miedo den dje, pero nan mester a bai conkista teranan nobo, teranan cu mihor soldatnan, mihor armamento y cu mihor ekiponan di combate, bou di ningun sircunstancia lo tabatin un oportunidad pa e ehercito aki gana e teranan nobo aki. E general a subi henter e ehercito riba un barco y nabega te na costa di e teranan pa conkista, ora e ehercito a baha na e teranan nobo riba nan playa, e general a duna ordo pa kima tur e barconan. Ora e soldatnan a mira cu tur nan speransa pa bai bek awordo kima, a keda solamente un meta, derota e ehercito y conkista teranan nobo. Segun historia, nan a gana e guera. Bo mester kima e barco pa asina bo por pone bo ideanan den accion, mientrastanto bo no kimanan, lo bo no logra di conkista teranan nobo den bo bida, awe ta e dia pa kima bo barco.

Relaciona, conecta y despues bende!

Relaciona, conecta y despues bende!

Scirbi pa Steve Francees, Sales & Marketing Consultant

Mi ta gusta papia cu personanan cu ya a retira cu hopi anjanan di experencia den benta, mercadeo y management y bo ta sinja masha hopi mes di nan. Hopi biaha bo ta kere cu ora bo tin hopi energia y pone meta etc ta loke lo judabo den comercio y hopi tin e pre-potencia cu sigur lo mi bai logre y pone tur mi metanan y traha duro pa logranan. Wel, tur esakinan ta bon y sigur mester tey presente pa asina bo por logra bo metanan! Pero den tur benta mester tin un relacion cu a conduci na e benta y esaki tur personanan cu mi conoce cu a “Make-it” ta bisa mesun cos!

Proceso: Den tur loke bo hasi tin un proceso, creacion di Dios tambe tin un proceso, nos ta crece door di un proceso y den comercio  tambe tin un proceso y mas ainda con nos comunidad ta desaroyando, ta exigi un proceso den tur cos y bo mester ta conciente di esaki.

Relacion: Hopi biaha bo ta kere cu door cu bo producto/servicio ta di super bon calidad, cu sigur e clientenan lo cumpra serca bo, pensamento manera, crea un bon producto/servicio y dimes clientenan lo cumpra y sigui cumpra serca bo! Wel, esaki no ta corecto, e cliente ta cumpra riba e balor di relacion cu e tin cu bo, tin compania ta bende productonan cu no ta dje bon ey, pero toch nan ta bende of tin negoshinan cu ta bende hopi mas caro cu tur otro pero, ainda e clientenan ta bai cumpra serca nan!Esaki ta e calidad di relacion cu e negoshi tin cu su clientenan y esaki nan ta mire den e calidad di servicio cu nan ta hanja. Relacion mester wordo planta y cultiva prome cu esaki por produci fruta pa bo.

Conecta: Tin puntonan di mutuo acuerdo etre abo cu e clientenan, dus ta impotante pa asina tin un bon “link” cu e “puntonan” di interes di e cliente. Busca puntonan cu boso por papia, comparti cu asina tin coneccion cu e persona cu ta e cliente. Hende ta gusta di wordo conecta, esaki ta parti di e proceso!E palabra crucial den Conecta cu cliente(prospecto) ta “empatia” lo ta bon pa buske den diccionario pa asina bo por sa su nificacion, anyway, busca di sa e interes di un otro persona, dus si e persona ta gusta cabai, bo mester bai sinja mas di cabai pa asina papia su lenguahe cu ta di cabai, dus intencionalmente busca di sa kico e persona ey ta gusta y abo conecta cu ne riba e puntonan ey!

Finalmente Bende: Si e proceso ariba menciona a pasa door di un bon proceso, sigur e persona lo cumpra loke bo ta bendiendo y lo sigui cumpra serca bo pa resto di su bida. No perde e oportunidad pa crea un proceso, lubida un rato riba e placa ora bo bende e persona, pensa con bo por crea un bon proceso, kisas esaki lo dura mas largo pero sigur lo bo crea clientenan contento cu lo keda cumpra serca bo!

-------------------------------------

Copyright by Steve Francees

Loke por stroba bo di logra bo metanan!

Loke MAS por stroba bo di logra bo metanan!

scirbi pa Steve Francees, Business consultant

Siman pasa mi tabata na un fiesta y mi a topa un amigo cu ya mi conoce pa varios tempo y manera semper nos ta termina combersando con por logra mas cliente pa su negoshi y esaki tambe ta conta si bo no ta logrando bo metanan den bida. Un di e motibonan #1 ta, cu ken bo ta canando!, ken ta bo amigonan!.

Amigo tin un influencia masha fuerte riba riba bo, pa bon of pa malo, y si bo djis keda hangout cu nan, sigur lo bo ‘end-up” mescos cu nan. Na un momento hopi serca lo bo experimenta tur loke nan ta pasando aden awor, stranjo pero berdad.  Wel, cada bes cu bo ta hanjando un conseho di nan, ta nifica cu bo ta mas serca di  nan y actua/pensa etc tambe mescos cu nan.

Loke bo mester hasi awor mes: traha un lista di tur bo amigonan y pone nan tras e bentaha cu abo tin pa ta nan amigo y tambe desbentaha cu bo tin door di ta nan amigo. Revisa cada un su bida den su trabou/famia/interesnan etc, no kere cu mi ta consehabo pa bira egoista! No! djis bo ta revisando loke ta pasando actualmente den bo grupo di amigonan.  Tambe tin amigonan cu bo kier juda y sigur bo ta hasiendo esey, wel hopi bon, sigui asina! Un amigo semper mester tey pa juda un otro amigo y esey ta Biblico, dus hasi’e.

Pregunta? Loke bo kier logra den bo bida, ta mesun metanan cu bo amigonan tin? Nan ta mas lew den bida cu bo? Bo ta den un grupo cu kier bai dilanti den bida y ta traha duro pa esey? Bo amigonan ta disidido pa tuma accion den nan desaroyo personal/empresarial/profecional. Akinan lo bo mira cu si ta bon pa keda den e grupo aki si of no! Si e contesta ta mas no cu si, bo mester hasi un cambio den bo amigonan, y mester ta “per direct”.

Busca amigonan nobo cu ajega caba na unda abo kier bai,sera amistad cu personanan cu ta mas lew cu bo den bida den e area cu abo kier bai. Traha un otro lista di personanan cu ya ajega caminda abo kier logra jega, y pone algun strategia con lo bo por jega serca nan pa asina sera amistad cu nan pa abo por sinja di nan. Amigonan cu vicion lo incentiva  vicion tambe den bo bida, awe ta e momento pa revisa ken ta rond di bo y ken abo ta rond di dje y hasi bo mes e preguntanan aki!

Pa mas informacion: por mail mi na stevefrancees@hotmail.com

15 Ideanan pa Mantene Clientenan Contento

15 Ideanan pa Mantene Clientenan Contento

Scirbi pa Steve Francees, Sales & Marketing Strategist

stevefrancees@hotmail.com  www.stevefrancees.blogspot.com

Loke lo hasi bo benta subi y tambe mantene bo benta stabil, ta con bo ta atende bo clientenan!Si bo no atende nan bon, sigur

nan lo bai serca e competencia y esey no ta bon! Problema #1 ta cu ta papia di servicio na cliente pero no ta pone den accion.

1. Invita e clientenan pa bini bek.
Hopi biaha tin algun tipsnan cu ta asina fasil pa hasi cu ta duna hopi bon resultado pa asina mantene e clientanan contento, pero door cu no ta para keto na e datayesnan bo ta perde di gana. E ultimo palabra cu bo bisa e cliente lo por ta e ultimo imagen cu e ta hiba cas di bo empresa. Na final djis invita e cliente pa bini bek.

2. Regresa jamadanan di telefon lo mas rapido cu ta posibel.
Ora un cliente ta jama pa busca cualkier informacion lo mester busca e solucion pa su pregunta rapido y mester jama e cliente direct bek. No warda te mañan pa jama bek, mas liher bo reaciona, mihor e calidad di servicio lo ta pa e cliente. Regresa e jamada rapido, esaki ta laga e cliente sinti importante, y no tin nada mas bon ora un cliente sinti su mes satisfecho cu bo servicio. Tambe no laga e telefoon ring mas cu 2 biaha!

3. Traha un structura pa atende e-mail cu ta pa busca informacion.
Mescos cu jamadanan di telefoon, bo mester reaciona lo mas rapido riba email cu ta posibel.

Mester asigna un persona pa canalisa henter e procedura aki, revisa e-mail/fax etc mester bira parti di su trabou rutinario, mainta ta e mihor ora pa atende tur email y fax cu ta drenta. Y si ta un reclamo, esaki mester wordo atende lo mas rapido posibel, si tin telefoon por bel e cliente/prospecto personal pa atende e asunto aki.

4. Set-up un answering machine of voice mail system pa despues di oranan di trabou.
Tin hopi persona cu tin preguntanan y nan ta corda net despues di oranan di trabou, wel si tin un sistema di graba esaki ta bon door cu mainta depues un persona por atende esaki. Mescos ta tambe si un persona dedica na sierto producto/servicio no ta den su ofisina, asina bo por laga un mensahe y e persona conserni por jama bek.

5. Puntra e clientenan kico mas por wordo hasi pa mantene un bon servicio.
Hopi cliente ta sintinan mes previligia ora bo inclui nan den bo strategia di trabou, e simpel accion cu bo ta tuma un feedback ta laga nan sinti cu nan ta parti di e famia di bo empresa. Ora nan duna cualkier contesta jamanan masha danki y laga semper e contacto habri pa asina si den futuro nan tin cualkier sugerencia nan lo wordo atendi direct.

6. Disculpa bo mes ora un di bo personal of compania faya.
Tur hende ta imperfecto y por faya y ora algo bai robes bo mester tambe tin e curashi di pidi sorry y si mester duna algo pornada lo mester hasi’e. Cu orguyo bo no ta gana nada, pero si bo por perde un cliente djis pa no disculpa bo mes. Esaki tambe ta ora pa motibonan di “forsa mayor” bo jega laat na un afspraak, disculpa bo mes tin mas balor cu bini cu henter un storia pakico bo a jega laat.

www.stevefrancees.blogspot.com

7. Organisa un seminario, retiro, fiesta,onder-onsje y invita bo clientenan.
Un cliente ta keda hopi contento ora bo invite pa bini pa un actividad cu bo empresa of persona ta organisa, e simpel echo cu bo ta tuma e iniciativa aki ta algo di hopi balor serca e cliente. E tipo di actividadnan aki ta trece hopi bon relacion entre abo y e clientenan. Por ta asta seminarionan cu ta di interes general, kisas cu no ta ni tin relacion cu bo producto/servicio, pero ta crea e relacion pa asina mantene e cliente contento.

8. Targeta di cumpleaños etc.
Tur persona ta sinti nan mes honra ora bo risibi un targeta riba un fecha hopi special pa bo, e por ta cumpleaños, matrimonio, yiu cu a slaag na scol, posicion nobo den compania, etc. E idea ta pa laga e cliente sinti bon door di bo gesto, semper mester firma e carchi cu pen nunca laga e carchi bai post cu solamente un stempel.

9. Ora bo haña un articulo cu ta fit bon pa bo cliente, djis forward e pa nan of tambe por fax-nan door.

Abo por sa kico ta di interes di bo clientenan, dus si bo lesa/mira algo cu ta relata na e cliente, djis mande pe, asina e ta sinti cu bo ta interesa den su propreso como persona.
10. Un sonrisa contento y habri bo wowonan mas grandi

Un persona alegre semper ta atrae mas hendenan rond di dje, dus si tuma esaki, ta importante pa tur persona cu ta atende cliente mester smile cu e clientenan, si un salesperson no ta smile, esaki lo costa bo compania perdidanan grandi, door cu e cliente no ta sinti cu mes aprecia den bo negoshi y nan lo bai serca bo competencia cu si ta smile cu nan. Ora bo habri bo wowonan mas grandi esaki ta duna un sinjal cu bo ta aprecia e persona cu bo ta atendiendo, pero please no keda exagera si!

11. Newsletter.
Diseña un newsletter cu lo mester wordo reparti pa tur e clientenan, informacion di e inovacion den e compania y tambe ofertanan cu e cliente por beneficia di nan. Duna informacion relevante di e compania y tambe por trata temanan cu ta di interes di e cliente. No djis papia di bo logronan so, esaki ta cansa e clientenan! Pero informacion bon sigur lo capta atencion di bo clientenan y mantene nan informa.

12. Traha un file di adres, nomber y otro informacion importante di cada cliente.
Mas informacion bo tin di bo clientenan, mas chance bo tin pa satisfasenan cu bo producto of servicionan. Si un producto jega, por jama e clientenan pa bin mira locual ta nobo of bo por e-mail nan sierto informacion. Update e file aki tambe regularmente pa asina e informacion por kedo actual.

13. Corda nomber di bo clientenan.
No tur persona ta bon den recorda nomber di persona pero den negoshi nomber ta sumamente importante pa recorda y usa nan nomber durante di nan bishita na bo empresa. Esaki ta asina poderoso den benta y si train bo mes pa hasi esaki, lo bo mira cu e relacion cu e cliente lo bira tremendo y ta mas fasil pa abo bendenan. Durante di un seminar di John Maxwell, pa casualidad mi a tope den banjo, y John maxwell a saluda mi"Hi Steve, how are you doing?" wel mi a keda impreciona con e por corda mi nomber den tur e 600 persona cu tabata hunto cu mi den e seminario di leadership, eynan mi a compronde e balor di corda un persona su nomber.

14. Sorprende e cliente cu un descuento of un producto como regalo.
Tur persona gusta regalo y bo por duna un cliente frequente un regalo of un descuento riba sierto productonan. Tur persona ta gusta regalo of algo gratis.

Ami ta gusta cumpra perfume door cu semper mi ta hanja un sample gratis, y esaki ta un incentivo pa bo sigui cumpra.

15. Atende e yiunan di bo clientenan bon.
Tur mayor ta gusta pa personanan duna bon y bunita comentario di nan yiunan y bo por tin mangel of un persona cu por atende e yiunan ora nan bini pa cumpra(kids corner). Muchanan ta preti-wowo di nan mayornan, dus si trata nan bon lo bo tin hopi mas chance pa bende e mayornan.

www.stevefrancees.blogspot.com

5 punto pa Aumenta productividad di e personal

Scirbi pa: Steve Francees

Pa logra exito,ta sumamente importante pa asina tin confiansa entre e trahadornan, incluyendo e managers y e trahadornan. Loke ta mata un empresa no ta cliente,cashflow,cambio den Mercado, wel tur ta berdad cu ta hasi efecto riba e empresa, pero loke ta hasi mas danjo ta e falta di confiansa den e empresa! Bo no por cumpra confiansa pero mester gana confiansa, tur empresanan exitoso tin un cultura di confiansa entre e personal. Si pensa un rato durante di e temporada cu tabatin mas exito, tabata e momento cu tabatin mas confiansa entre e personal. Tin manager cu ta incentiva confiansa entre personal y tin cu ta incentiva des-confiansa entre personal door di ta partidario y ta core tras di redashi prome cu busca e berdad. Si esaki ta e caso, mester traha urgente riba dje.

11: Habri oportunidad pa traha den grupo: E personal mester sinja pa confia riba e otro y esaki por wordo logra door di traha hunto den grupo riba planan espesifico, un manager cu ta kere den teamwork lo crea espacio pa traha den grupo y esaki lo aumenta confiansa den e personal, mester ta consistente den esaki, dus semper mantene trabou den grupo y asina tur e personal ta traha hunto pa logra un meta. Aki na Aruba tin masha hopi nacionalidad cu varios manera di pensa, dus trahando den grupo so por logra crea confiansa entre e personal.

22: Tuma e balentia di keda hunto ora di candela: Loke mas ta crea confiansa ta ora cu “cosnan” no sali manera a spera y abo ta keda para hunto cu e personal y tuma tambe e “blame” hunto cu e personal! Ta existi un avalancha di tira culpa riba otro y critica otro cu ta e otro a faya! Cosnan no a sali manera a spera, pero na final ningun hende no tin culpa! Esaki ta crea un ambiente di des-confiansa, y ta mata e progreso y e optimismo den e empresa. Pa crea confiansa mester para co-responsabel hunto cu bo coleganan y trahadornan.

33: Delega trabou: Ora no tin confiansa, tampoco por delega. Delega trabou ta un acto di confiansa y trahadornan mes gusta sinti nan mes balora ora puntra pa hasi sierto trabounan di confiansa y mustra tambe cu tin confiansa den dje.

44: Atende e problema: Ora tin des-confiansa den un empresa y esey ta nifica cu tin faboritismo den e empresa! Sierto regla ta conta pa algun solamente y esaki mester wordo atende direct, of tin regla cu awordo poni cu no ta “make sense” door cu a djis pone pa un persona y tur otro mester biba cu ne door di e persona ey! Djis bai y enfrenta e problema y bai cu e actitud no pa gana e guera pero pa mantene y crea un ambiente di confiansa, Na final di dia e intencion no ta pa sali gana pero mester ta pa asina incentiva confiansa bou di e personal y asina drecha e proceso di operacion, incluyendo tur e punto fuerte di cada empleado cu hunto por logra un mayor resultado cu ta final e meta di e empresa of organisacion mehora.

55: Duna credito: No laga te fin di anja of pa algun momento super special pa bisa algo bon na un colega of trahador. Si un colega a hasi algo bon, bise direct y dune e credito cu e merese, esaki no ta hasi bo menos, alcontrario esaki lo subi bo influencia y crea mas balor na bo persona. Un persona ta hopi mas productivo ora e ta sinti su mes balora y reconoci den su trabou.

c      Copyright(2013) by Steve Francees, no por publica sin autorisacion di autor.