Ideanan den accion lo triumfa den e Mercado actual!

Scribi pa Steve francees

Nos a drenta un temporada di anja hopi decisivo y cu hopi oportunidad pa esun cu ta move padilanti.Nos tur conose amigonan y conocirnan cu tin hopi bon ideanan y semper nan tin un idea cu pa nan ta e mihor idea y cu speransa cu un dia nan lo bai pone den accion. Pero a pasa hopi dianan y te ainda e idea no a concretisa y ainda  ta den nubia. Nan ta buscando e “mihor” momento pa lansa nan idea pero segun nan e tempo apropia no ajega ainda y nan ta sperando anciosamente riba esaki. Wel, kisas y tempo no ajega, pero kisas ya e tempo ajega y ta pasando caba y otronan cu si a tuma e iniciativa pa pone e idea den accion ta gosando di un bon idea den accion.

Den comercio esaki ta pasa masha hopi mes, kisas den e empresa por tin bon ideanan pa pusha e benta riba,of pa lansa un producto of servicio nobo,  y a papia riba e ideanan y a busca informacion alrededor di e idea. Asta a traha un plan riba e idea pero te ainda no a lansa e idea aki cu sigur por ta bon pa e empresa! Ideanan ta gratis y ta fasil pa imagina, pero ora bo hanja un bon idea, no ta abo so a hanja e idea,  pero porlomenos 10 persona mas a hanja mesun idea, dus bo mester ta conciente cu ya ora bo hanja un idea, ya na e momento ey e competencia a cuminsa, y den e competencia ey, esun cu logra pone su idea den accion lo hanja e prome oportunidad pa pone su idea riba Mercado. Semper esun cu lansa su idea prome tin bentaha den e Mercado competitivo. Dus un idea pro-activo semper tin bentaha den e Mercado. E pret ta cu nos mes ta crea nos mesun “roadblocks” den e trayectorio pa lansa e idea!Mayoria biaha pa no bisa semper, esaki ta miedo, miedo ta paralisa tur bo accionan y ta frena bo progreso den practicamente tur loke bo hasi, y si bo no por “deal” cu esaki, na final bo progreso tambe lo ta limita y lo bo no alcansa e proposito di loke bo ta jama  pa hasi!

Mester diversifica den e Mercado y hasi cosnan diferente cu normalmente bo ta hasi, tuma iniciativa riba ideanan cu segun bo ta un bon idea y cuminsa pone nan den accion. E miedo  pa faya ta esun di mas grandi y djis pensa riba e retonan aki ta pone hopi persona paralisa y no sigui pa lansa e idea! Nos ta bibando un era di hopi cambionan den nos Mercado local door di integracion di hopi mas pensamento y culturanan nobo den e Mercado, y esaki bo no por cambi’e y no por pare tampoco pero mester saca lo mas probecho di esaki, y ta ensera cu bo mester adapta bo mes segun e Mercado ta desaroyando.

Busca deseo y necesidadnan nobo y si bo ideanan ta bai paralelo cu esakinan, sigur bo idea lo triumfa. Stop di critica cu antes cosnan tabata mihor, awor tambe ta bon pero ta nos mester saca lo mehor for di dje. Tin hopi oportunidadnan nobo cu tur dia ta aparese den e Mercado cu no ta satisfase ainda pero esakinan ta jega serca esun cu ta buscando y no pa esunan cu ta sinta mira. Hopi biaha un empresa ta warda te cu e plan ta 100% pa lanse y esaki nunca lo jega, y un problema ta cu tin hendenan crucial cu ta tuma decision rond di e plan cu tin miedo di tuma e risico y no kier pone fecha pa lansamento, y esaki lo costa hopi ora bo lansa un idea mucho laat. Esaki ta pasa pa un persona normal tambe, cu net bo kier hasi algo, un otro ta bai y hasi’e prome cu bo, anto bo kier rabia cu nan a horta bo idea!. Den e mercado actual aki, accion ta bira e motor tras di tur exito den e mercado.  Dus si bo tin un idea ya pa bastanta tempo caba, awor ajega e momento pa cuminsa pone nan den accion cu cuminsa move “out of the box”, tuma iniciativa, determinacion pa cuminsa move pa asina bo por logra bo metanan. Hopi biaha pa pone ideanan den accion ta exigi sierto sacrficio di bo banda cu ta parti di e trayectorio pa pone un idea den accion! Na final, ta esun cu ta pone su ideanan den accion, ta esun cu lo gara y aumenta  mas porcentahe di market-share den e Mercado, y semper den un careda ta e mihor coredor ta logra jega prome, dus awor ban pone ideanan den accion.

12 punto pa aumenta BENTA den cualkier tempo

Scirbi pa: Steve Francees

stevefrancees@hotmail.com

Tin hopi persona cu ta traha den benta y tambe negoshinan cu tin urgencia pa benta subi y mi ta convenci cu si pone e puntonan aki “den accion” lo subi bo benta.

1. Responde rapido: Ora un prospecto bini pa puntrabo pa un informacion di loke bo ta bende of ofrece, move rapido! Un prospecto a bini serca bo sea el a jamabo of a pidi mas informacion via bo website of a bini personal serca bo, loke sea ta e caso, move rapido. No prospone prospecto cu kier informacion. Mas liher bo dune un contesta di loke e persona aki a puntrabo, dus mas liher bo move, mas experto lo bo aparenta den e mente di e prospecto. Ora un persona hasi algo rapido pabo, bo ta sinti cu abo ta importante, unabes cu e prospecto sinti esaki di bo parti, lo bo gana su aprecio direct. E prospecto ta sinti su mes bon cu abo ta dispuesto pa jude lo mas rapido posibel.

2. Usa palabranan bunita cu ta anima: Un prospecto kier sinti su mes balora y wordo trata cu honor y respet, dus bo palabranan, bo forma di traha e frasenan mester ta palabra cu ta anima y crea honor na e persona. E prospecto na telefoon mester sinti cu bo ta admira y balore, door cu bo ta usa bo palabranan cu ta crea motivacion y un bon relacion entre abo y e prospecto. Bo ta na telefoon cu un prospecto, wel, hasi manera e ta dilanti di bo, hari, hasi bo cara cu exprecion di alegria ora cu bo ta papiando cu e prospecto. Abo actua manera e ta un persona masha importante mes pa bo y ta un previlegio pa jude. Bo exprecion di cara ta wordo expresa den bo palabranan, cu otro palabra, bo palabranan ta vibra e aparencia di bo cara.

3. Trece humor den bo palabranan: Humor semper ta crea e laso di relacion, y ta duna un toke special den e relacion, den tur loke bo hasi crea espacio pa un humor chikito, no hunga payaso, pero djis algo chikito cu asta abo so lo hari, pero esaki e prospecto ta tuma como cu abo ta contento di jude. Dus selecta e palabranan di humor adelanta y cada bes bo ta test cual ta funciona mihor, durante di algun test bo tin sierto palabra of exprecionan cu ta crea humor, y bo por keda usa e exprecionan den e direccion aki.

4. Conseheria: Duna informacion relevante pa e prospecto, nos a bai come den un restaurant y a bisa e waiter cu nos kier un sopi grandi pa nos cada un, e waiter a bisa nos cu kisas esey lo ta mucho grandi pa nos por caba di come y e ta conseha nos pa come un chikto cu tog ta bastante grandi y door cu ta bini cu mas cos adicional etc esaki ta suficiente. E waiter por a bende nos mas, pero a scohe pa asina nos por tin mihor probecho di e cuminda, e no a pensa di bende nos algo cara, pero a pensa cu otro biaha pa nos bai bek. Duna conseho na e prospecto, dus pa bo hasi esaki bo mester conoce super bon bo producto/servicio. Saca tempo pa lesa di bo producto of servicio, pa asina bo por duna un bon splicacion di dje. Lista tur loke ta practico di bo product/servicio, e prospecto sigur lo aprecia esaki ora bo dune bon informacion.

5. No confundi e prospecto cu hopi alternativa: Kisas bo tin hopi mas pa ofrece y bo kier bende tambe e prospecto aki y kier logra di duna lo mas informacion posibel di otro producto na e prospecto. Wel esaki lo confundi e prospecto y por ta cu lo e no cumpra door di demasiado informacion. Si e prospecto kier un producto, dune djis algun variedad di e mesun producto pa asina e por disidi cual e kier. Kisas por dune mas informacion di otro productonan usando un folder etc pero no trata di bende tur cos den un biaha. Si bo ta sinti cu e prospecto mester di mas cos y e mes ta puntrando pa mas cos, bo por sigui e coriente aki. Idea ta pa e cliente aki ta asina contento cu bo cu lo e bini bek, asina bo ta crea clientenan pa bida largo.

6. Hasi pregunta inteligente: Bo preguntanan mester ta habri pa asina bo por hanja lo mas posibel informacion di e prospecto, kico exactamente e tin necesidad di e dje, y kico e kier. Unabes bo sa kico e mester, abo por dirigi’e na e producto/servicio cu ta jena e necesidad cu e tin.

7. Relaciona emocion cu e producto/servicio: Tur persona ta relaciona tur cos cu nan emocion, un ehempel, cumprando e artefacto aki, lo sra.. spaar hopi tempo y spaar hopi placa tambe cu sra por inverti den algo mas cu sra gusta, si bo mira un cadena cu e tin bisti, bo por bise, wel, sra por cumpra kisas un otro cadena manera esun bunita cu sra tin bisti. Of tin mas tempo pa comparti cu e yunan y of bai cu vakantie, y akinan bo ta hari tambe!!!Ora bo ta relaciona e producto cu e emocion, na e momento aki bo tambe ta bisa si y ta indica si cu bo cabes y bira bo cabes un tiki na banda, asina aki e prospecto ta aprecia mas bo palabranan cu lo toca su emocionan y djis hari un tiki.

8. Beneficionan di e producto of servicio: Lista tur e posibel beneficionan cu bo producto/servicio tin, revisanan, y bisa nan durante di bo demostracion, si nan ta hopi, scohe loke e prospecto tin mas necesidad di tende pa asina tuma un decision. Duna suficiente informacion pa e prospecto por tuma un desicion racional di bo producto/servicio.

9. Usa personahenan famoso cu ta usa bo producto/servicio: Tur hende ta imita otro y tin un heroe den nan bida, ta pesey propagandanan ta usa imagen den tur loke nan hasi. Bo por usa nan nomber, no ganja si, si bo sa cu un primo di dje tambe ajega di cumpra e producto ey, bo por bise esaki, tur ta crea balornan adicional na e producto/servicio cu sigur lo logra pa bende e producto.

10. Visualisa y actua manera e prospecto ta cumprando: 93% ta lenguahe corporal, asta via telefoon esaki por wordo sinti, wel Visualisa bo mes cu e prospecto aki cumpra bo producto y actua den e direccion ey, ora bo actua, e prospecto lo siguibo, y si e proscpecto sigui bo, bo mester bai na closing pa sera e benta. No tene miedo den e momento aki pero keda den control, si bo a hasi bo trabou bon den e prome parti, sigur e parti aki lo ta mas fasil.

11. Puntra pa sera e benta awe: No warda pa e cliente mes disidi di cumpra, abo mes puntre! Si encaso e tin mas pregunta, bo mester bai bek na bo presentacion y splike kico ainda e tin duda ariba dje, pero bini bek na closing, bo mester close. Si ainda bo no por close, bo por puntre kico por ta e motibonan dicon e no por cumpra e producto/servicio awe! asina bo sa kico ta pasando den su mente. E por tin varios motibo, placa, su casa no tey, mester bai cu vakantie prome, auto a danja,no mester di dje awe etc, loke e bisa ta di importancia pe. Si bo por jude cumpra awe tog, lo bo mester hasi’e, kisas den areglo di pago, of un descuento, of oferta cu tin riba e producto ey. Semper crea urgencia!.Akinan bo mester lista tur e excusanan cu bo por hanja y bo mester tin un solucion pa nan tur. Si bo logra tog pa convence pa cumpra, wel esaki tabata tremendo, pero pensa cu e persona aki por cumpra otro luna tambe. Corda cu bo kier pa e prospecto aki cumpra bida largo serca bo!

12. Invite pa bini bek: Den tur momento,sea e prospecto a cumpra of no a cumpra bo mester invite pa bini bek, dune informacion pa bai cas cu ne, e website, social media ta sumamente poderoso pa duna informacion. Hopi hende ta riba facebook, dus invitanan pa check ofertanan riba facebook of otro social media, duna bo business card, duna flyers di campanjanan cu lo bini otro luna, mustra interesa pa e prospecto of cliente sigui bini bek y cu abo lo ta contento di sigui jude den tur loke e tin mester di dje, e exito di tur empresa ta clientenan pa bida largo.

Pa cualkier pregunta of conseho, por mail mi na stevefrancees@hotmail.com 

Ley di Mercadeo: Ta e prome ta keda prome!

Scirbi pa : Steve Francees

Increibel pero tur empresa kier grita mas duro cu e competencia cu nan producto/servicio ta mihor. Nan ta gasta hopi placa den trata na convence e Mercado cu nan ta e mihor, y tur e Mercado mester cumpra nan producto door cu nan tin mihor calidad cu e competencia. Esaki ta no ta berdad, si bo kier marca e diferencia bo mester ta e prome, hende ta corda semper e prome y no di dos.

Kleenex, tabata e prome cu a sali, y te ainda ora di bai cumpra, e Mercado ta puntra pa un Kleenex, y awor tin asina tanto tipo di marca, asta kisas mihor cu Kleenex, pero e nomber aki a keda den nan mente.  Un senjora ta drenta un lugar y ta puntra si nan ta bende frigidair marca Weston,?,of Kenwood?, ta algo cu den nan mente e nomber a keda y no por sali, a pasa hopi generacion y te ainda nan ta sigui cu e tradicion. Of un meneer ta puntra pa scotchtape!Of ta puntra pa Calpol, enbes di Paracetamol, ora un hende tin dolor di cabes y no por pensa, djis e dolor e kier kita, ta Calpol ta sali, y ya Calpol tin varios anja cu a cambia nomber.

Please Fedex e paki aki pami! E prome semper lo keda den mente di e Mercado consumidor.  Den e generacion prome, nan ta jama tur camera pa Kodak, asina nos por sigui  menciona y pone enfasis cu ta e prome lo keda. Jello, Krazy Glue, Q-tips, tur a bira nombernan generico pa sierto productonan.

Si puntra? Ken tabata e prome pilot cu a bula Oceano Atlantico prome? Sigur nan lo bisa, Charles Lindbergh, pero e di dos a pasa Atlantico hopi mas rapido, usando menos combustible y hopi mihor prepara cu tabata Bert Hinkler, pero ningun hende no sa ken e ta, door cu e tabata di dos! Awor ta cu e di tres persona cu a pasa Atlantico si tabata e prome cu ta Amelia Earhart, e prome hende muher cu a bula pasa atlantico, dicon e tabata prome, door cu den e categoria di hende muher, e tabata prome!

Importante pa ora di lansamento di producto/servicio bo mester ta e prome. Den e Mercado actual ta exigi hopi curashi, door cu casi no tin tempo pa test si e producto/servicio lo bira exitoso si of no, si bo laga un otro ta e prome, kisas lo bo tin un tremendo producto, pero semper lo keda despues di esun prome, prome ta hanja mas exposure den medionan masivo, y e di dos mester paga hopi mas placa pa purba convence e Mercado cu e producto/servicio ta bon. Hende ta kere semper cu e prome ta mihor, pero si bo no tabata e prome den e prospecto su mente, tin chance ainda, door di traha un categoria nobo y lansa e producto/servicio den un categoria completamente nobo.

Ora bo mester lansa un producto/servicio nobo, e prome pregunta cu bo mester puntra bo mes, no ta, con mihor mi producto/servicio ta cu e competencia pero, den cual categoria e producto/servicio lo ta e prome! E Mercado general ta gusta di ta den e promenan den cualkier categoria, algo “nobo Diferente”a  sali, ya nan ta bai su tras, door cu den nan mente, esun nobo aki ta mihor cu e “otronan”. Na otro banda di medaya, kisas bo tin un tremendo producto/servicio, cu por ta e prome den su categoria, pero si bo no logra pone den e mente di e mercado, lo bo no jega di ta e prome, dus e salida of lansamento ta super importante, pa crea percepcion, deseo y demanda pa cualkier producto/servicio.

E empresa cu lansa prome ta spaar hopi den nan Marketing Budget, door cu e prome imprecion ya tey caba den e mente di e Mercado, djis mester mantene esey y crea algun “hype” regularmente. Bende un persona un bril ora su wowo no ta mira bon ta hopi mas fasil cu trata na cambia e bril cu e tin bisti caba, dus, ta e prome. Crea bo mesun categoria prome cu lansa cualkier producto/servicio y lo bo tin 90% di exito den e Mercado den e prome salida!

stevefrancees@hotmail.com

Great sales

Great sales people don't stay busy, they stay productive!

GREAT Salespeople

GREAT Salespeople don't need others to hold them accountable, they hold themselves accountable

GREAT Salespeople

GREAT Salespeople build their business one customer at a time and then always leverage the last customer into more customers.

Each customer is valuable, so treat them that way!
You should treat every single customer as if they are going to buy. They might not buy immediately, but they will be buying 3 months from now, 6 months from now, or even a year from now. Make every single person feel valued, respected, and important! You can only close someone when they feel they are getting much more than just the product. Product plus service and, potentially, a long-term client-customer relationship will guarantee returning customers and customers through existing customers.

Focus, hard work, consistency

Millionaires become millionaires due to focus, hard work, consistency, investing money, and passion for the purpose that drives them!