Usa “Reverse Psychology” na bo beneficio den benta y bida personal!

Usa  “Reverse Psychology” na bo beneficio den benta y bida personal!

Parti 1

Scirbi pa Steve Francees

Hende tin tendencia di kere tur loke “un otro hende” bise y ta parse straño pero tin persona cu ainda ta biba riba un palanra cu 20 aña pasa un persona ajega di bise, un palabra cu a “hurt su Feelings” y te awe nan ta hibando nan bida riba e palabranan ey.  Esaki ta un causa hopi fuerte cu ta baha bo autoestima y sigur den benta, bo mester sa bon con ta deal cu esaki. Imaginabo si tur e politiconan mester kere tur loke e “hendenan” cu no ta gustanan ta bisa!, wel, nan lo stop eynan y bai cas na yoramento, sera su curpa den camber y nenga di sali!. Nos tur ajega di pasa door di palabranan cu awordo lansa den bo contra cu ta destructivo  y bo mester sa bon con ta cambia e cos pa e no afectabo, pero tin hopi pero hopi hende cu ta lucha cu esaki. Wel, e solucion ta sinta den usa  Reverse Psychology, sorry cu mi ta use na ingles, pero na Papiamento ta zona straño! Anyway!, ban sigui!, e splicacion mas practico di dje ta regresa cu mas forsa loke awordo manda pabo, hasi lo contrario di loke awordo bisa na bo!. Un ehempel,…MUCHA!,  bo no ta sirbi pa nada, mira bo prima con bon e ta siña y abo……! Wel e palabranan aki ta fuerte, vooral como mucha ta difisil pa deal cu ne!, pero usa reverse psychology den dje, awor abo ta disidi cu bo ta bai mustra nan bek cu loke nan a bisa no ta corecto, bai traha mas duro, studia mas,interesa mas pa bai dilanti den bida, asocia bo mes cu personanan cu ya alogra caba loke bo kier, wel usa e palabranan cu awordo lansa contra bo como gasoline pa bo debolbe bek mustrando cu nan tabata robes y asta lo bo surpasa loke nan a bisa di bo. Den benta ta mesun cos, …..Abo nunca ta jega target!!!!,  cada bes bo productonan ta keda para!!!!, wel, awor bo mester usa reverse psychology pa mustra henter e compania cu abo lo surpasa benta di esun mihor den benta, BTW esaki ta posibel??? Sigur cu SI!!!, bo mester structura bo mente pa logra loke abo kier logra, y sigur e curpa lo sigui. Bisa, ta basta!!! Awe lo mi hasi un cambio!!!, Kisas idioma ta bo problema, wel bai les y no tene miedo di bende den un otro idioma, kisas bo ta pensa cu bo ta mahos, wel sa cu Dios a crea bo perfecto manera bo ta, cambia bo manera di pensa y sigur e resultado lo cambia.Bo no por keda pega den pasado, tuma e decision di reverse bek loke awordo bisa di bo pero cu echonan, no palabranan,tuma accion,traha un plan pa traha mas duro,mas enfoca,studia mas di bo producto,revisa bo amistadnan cu tambe ta pegá of ta stroba bo di bai dilanti, probablemente bo amistadnan a pasa den mesun cos!.  E momento cu bo logra usa reverse psychology den tur cos, lo bo mira resultadonan masha grandi. Cambia palabranan malo lansa den bo contra como motivacion pa bo mes!. Esaki ta un decision personal cu bo mester tuma y unabes cu bo logra use den bo bida lo bo mira cambionan y lo bo ta un persona mas felis, bo por stima mas, door cu tin mas confiansa den bo mes .Mas metanan lo bo logra y bo autoestima lo subi di biaha, bo benta lo subi y compania lo ta mas contento cu bo y fin di luna lo bo hari ora bo bai banco! Blessings Steve

Ps. Parti 2 ta na caminda!  “3 accion pa pone Reverse Psychology bira realidad”

 (297) 7380777  Business Consultant & Trainer www.stevefrancees.blogspot.com   stevefrancees@hotmail.com   /   Diaranson y Diahuebs tin oportunidad pa Consulting segun schedule!

Upcoming Business courses:

** “Sales Certification Course” 4 weeks, 7 module, mid & final exam: Casa Del Mar Beach Resort (Papiamento)

** “Marketing Certification Course” 3 weeks, 5 module, mid & final exam: Casa Del Mar Beach Resort (Papiamento)

**”Personal & Professional Performance”  (Feb 2014) 1 Day Course, Casa Del Mar Beach Resort(Papiamento)

**  ”Plan Estrategico para Empresas” (Feb 2014) Divi Links Golf Resort (Spaño)

 

AVI BUSINESS ACADEMY

Stg. Tzedakah Performance

5 secreto pa sobre-sali como bendedor den 2014

5 secreto pa sobre-sali como bendedor den 2014

Scirbi pa Steve Francees, Sales & Marketing blogger

E aña aki lo bai ta hopi bon pa bendedornan cu ta determina y dispuesto pa bai ainda mas enfoka den e Mercado, hasi loke nunca nan a hasi prome, dispuesto pa siña cosnan nobo y tambe pone den practica. E sales pitch di 5 aña pasa ta outdated den e mercado 2014, dicon? wel hopi simpel, e mentalidad di e Mercado a cambia, nan necesidadnan a cambia, nan manera di cumpra a cambia. Aki na Aruba e structura di mentalidad ta cambia masha lihe y ta birando mas complica y lo traha negativo riba esun cu no kier siña y update su mes vooral den benta.Nos tin 90 nacionalidad den 107.000 habitante, ningun otro parti na mundo ta manera nos akinan na Aruba. Tur famia ta crea su mesun cultura door di tantisimo diferente nacionalidad cu tin, esey ta malo? No!, esey ta desaroyo y jammer pa esunan cu no kier cambia, ya den 2013 a mira con drastico benta di bendedornan cu no kier cambia nan structura di bende a baha y algun nobo cu a bini den e Mercado cu tabata willing pa siña, nos a mira nan benta subi den algun luna, despues di no sa nada den benta. Kico tabata e diferencia? Uno no kier cambia, kisas door di miedo, orguyo y e otro ta 100% dispuesto pa siña y hasi loke sea pa logra su benta!. Mercado 2014, ta exigiendo Specialistanan den benta, enbes di “Huisarts” den benta. Mesun cos cu bo ta cansa cu huisarts ta dunabo Paracetamol of mesun antibiotica y bo ta prefera di bai un specialista door cu bo ta sinti cu e huisarts no por judabo, asina mes e Mercado ta exigi specialistanan den benta, bo mester ta mucho mas cu bendedornan den e mercado di awe.Tin 5 componente sumamente importante cu tur bendedor cu kier tin exito den 2014 aki lo mester desaroya den dje.

1.    Mester tin mas abilidadnan cu simplemente bende. Tin un pensamento ironio cu bo ta nace bendedor djis pasobra nan ta papia hopi y ta zona convincente, wel esey no ta corecto y e mihor bendedornan asta no ta papia hopi pero ta papia lo necesario y na e momento necesario, nan ta duna conseho mas cu nan ta bende, nan ta crea relacion di confiansa cu e prospocto, nan kier bira e persona di confiansa di e prospecto, nan ta inverti hopi mas tempo den e contacto y relacion personal cu presenta nan producto. E abilidad pa bende ta incompleto sin crea e confiansa cu e prospecto. Ora tin confiansa cu e prospecto, no tin ningun prijs cu por stroba e benta, dus e bendedor exito mester tin e abilidad pa crea e confiansa necesario pa mantene e liña habri cu e cliente. Esaki tambe lo tuma hopi mas esfuerso,tempo y energia di e bendedor pero lo paga bon na final. E bon noticia ta cu tur esaki por wordo siña si e bendedorna mes kier, no tin nada imposibel pa ningun hende, tur cos den bida por wordo siña, pero ta depende di e mesun persona si e mes kier y sigur tambe e compania cu ta backup e bendedor mester ta willing pa duna di nan parti.

2.    Mester tin un caracter determina pa hasi tur cos pa logra e benta. Tin asina tanto bendedornan cu hopi abilidadnan pa bende y nan benta no ta subi door di nan caracter. Caracter tin di haber cu e qualidad  mental y moral cu ta distingui un persona di otro, manera personalidad,temperamento, dominio, identidad, posicion, dus ta mas riba e qualidadnan personal como persona. Un persona cu un caracter no balansa lo nunca jega di traha den su potencial y lo no sobresali. Tur atleta cu a logra premionan halto tabatin mas caracter cu asta abilidad, door cu e carater lo incentiva e desaroyo di abilidad y no visa-versa!. No tuma un persona na trabou pa bende sin e tin confiansa-propio, esaki ta e plataforma di tur bendedor y tin di haber cu su caracter. Manera mi a bisa, cu esaki tambe ta algo cu por wordo siña, hopi persona ta siña ora nan ripara cu nan carater no tabata corecto pero a disidi di hasi un cambio y nan a logra.

3.    Autoestima ta e arma secreto di e bendedor, dos aña pasa tabatin un mucha muher cu door di necesidad mester a bai traha y un compania a tume como bendedora, pero ajega su plafond den benta masha lihe y su benta no tabata por a subi mas, ora a check e persona su personalidad a ripara cu e tabata un persona cu no a termina su scol door cu a sali na estado den derde Mavo y tur e circunstancia a pone cu su autoestima tabata hopi abou. Ora a coach e pa 3 luna largo a mira cambionan masha drastico mes den su benta, despues di 5 luna su benta a mas cu dobbel y for di eynan a keda subi den temponan cu tur ta grita eyfo cu cos ta malo, su benta a keda subi. Autoestima ta keda un arma potencial y tur bendedor mester sa con ta auto-motiva nan mes y no depende di manager of supervisors.

4.    Loke ta corona e exito di un bendedor ta “Eficiencia den trabou”, y managers mester ta hopi inteligente pa deal cu e issue aki, dicon? door cu e trabou den e Mercado ta completamente diferente cu e trabou den ofisina, pa companianan cu tin bendedor riba caya y tambe cu ta traha paden. Cada bendedor individual tin su structura di bende y den su structura e mester ta mas eficiente, esey no ta nifica cu no mester spot-check nan, re-check bon di gasoline, km stand, traha ruta etc pero mester incentiva trahamento mas eficiente, asina mes mayora bendedor ta traha mas cu 8 ora, door cu nan ta traha riba comicion, nan mente no ta na pas ningun momento, sea den weekend of prome cu jega trabou y despues di ora di trabou nan ta sigui busca strategia nobo con pa bende e siguiente dia, full diferente cu un persona cu tin un salario vast pa luna, tapesey no por compara salario di bendedor cu esun cu ta traha den administratie. Eficiencia lo ta sumamente importante den e aña aki.

5.    Metanan personal ta e gasoline pa aumenta benta di un bendedor, un bendedor sin ambicion y sin metanan personal, mester bai traha otro cos pero no den benta. Tur bendedor mester tin un motibo pa bende mas, dus bende mas cu ajera y esey ta metanan persona cu e kier logra y esaki ta completamente individual, tur hende tin metanan diferente pero mester incentiva metanan cu ta pusha e bendedor pa bai e extra ey.Tabatin un sra bastante hoben, Colombiana cu a bini un di nos lesnan di benta y tambe a tuma e curashi di pone un meta mas grandi y casi inalcansabel. Tabata luna pasa cu a topa cu ne bek na un pizzeria y a bisami cu loke el a pone tabata e meta di tin su propio cas, y a traha su plan basa riba e meta y aña pasa (2013) el a logra su cas y un baby. Tur cos den bida ta un motivacion pa traha pa logra un meta. Metanan personal ta e gasoline cu por aumenta benta di e compania masha hopi mes. Blessings Steve

**Mi ta aprecia tur esunan cu ta reaciona y duna opinion, masha danki!

(297) 738-0777 stevefrancees@hotmail.com

No warda pa e mehor momento!

No warda pa e mehor momento!

Scirbi pa Steve Francees

E mentalidad di “Warda e mehor momento” no ta funciona mas y asta e palabra awordo saca for di diccionario door cu no tin valides mas. Tur cos cu bo kier den bida bo mester ta dispuesto pa crea e momento ey, ningun hende lo crea esey pa bo. Nan ta ocupa cu nan propio cosnan, dus ta abo mester crea loke bo kier, tuma iniciativa pa hasi loke bo kier logra, kisas bo mester drumi menos, traha mas, train mas duro, stop di come despues di 6or, keda sin bai cu vakantie pa 4 aña, lanta mas tempran! Loke bo kier, ta abo mester traha pa logre, no stens riba ningun otro hende, si nan no kier bai, kico ta e poblema, pero abo si lo bai, nan ta fada di cana e mesun caminda 3 biaha pa siman?kico ta e problema, abo si ta bai pasobra ta abo kier perde e 5 kilonan extra di December. No warda riba ningun hende, bo proposito di bida, ta di abo Dios a duna bo e proposito y ta abo mester cumpli cu ne tambe. No laga e mundo aki sin logra bo proposito di bida, pakico biba e bida cu sociedad kier pa bo biba?kisas bo amigo(a)nan kier pa abo tambe join nan den loke nan ta hasiendo! Si nan no kier, abo lo mester bai bo so, tuma accion y no warda mas, ya bo a warda hopi caba door di miedo y ta spera riba hende! No warda pa e mehor momento, esey lo no jega, pero abo crea bo mehor momento y e decision ta den bo man, ningun otro por tuma pa abo, tampoco bo mehor amiga(o), nan ta bibando nan bida y abo mester cumpli cu bo proposito di bida.

Si den pasado bo a faya, hopi bon! Dus bo a siña bo les caba, dus hasi’e bek di nobo, no tin miedo pa faya door cu bo mester faya pa jega exito y biba den bo potencial. Un hende normal ta logra solamente 7% di nan potencial, dus tin 93% cu ainda bo no a logra, kico bo ta sperando? E mehor momento cu no ta existi?crea bo propio momento, usa loke bo tin awor, bo abilidadnan cu Dios a dunabo, recursonan cu bo tin awor, bo tin informacion suficiente pa cuminsa move, no mira circunstancia, no mira riba hende, no tende kico nan ta bisa, abo tin potencial tremendo cu ainda bo no a explora y awor ajega bo momento pa tuma accion y crea e momento cu abo tabata spera, awor ta bo momento y bo por y lo logre!

Mi brievebus ta jen!

Mi brievebus ta jen!

Scirbi pa Steve Francees

Awor cu December drenta nos tur por a ripara cu e brievenbus ta jen di folder y propaganda di varios companianan. Tur ta buscando pa atrae atencion pa nan producto y ta bin cu strategianan pa subi benta. E aña aki augustus y September tabata bastante abou cu tabata e efecto di pre-elecion, cu tambe mi a scirbi riba dje den juli e aña aki, anyway, e temporada pa bende ta awor!entre 8 pa 24 di December lo mester tin un enfoke serio pa “close” tur persona cu drenta den e tienda, no por laganan bai door cu nan lo bai serca e competencia. Capital humano lo hunga un rol masha fuerte den e dianan aki pa benta subi, esaki ta bo trahadornan, nan ta e representante di e empresa, di esun cu ta atende cliente,deliver,werkster, esun cu ta telefonista enfin tur ta e cara di e compania. No hunga “chatiger” cu nan, duna nan extra compliment y dianan aki, sorprende nan cu pizza net 4pm ora nan tin net un tiki hamber, lo nan aprecia esaki y duna mas ainda pa trata e clientenan bon, y e resultado lo ta cu benta lo subi. Otro punto importante, kisas e aña no a bai manera bo a pensa, benta ta net subi bek, pero no laga e Christmas Dinner afo! Esaki ta un di e strategianan #1 pa motiva un personal, hende gusta wordo balora y esaki ta e mihor manera pa balora e Capital Humano den bo empresa. Dicon mi ta bisa esey? Door cu 2014, Capital Humano lo bira mas importante cu nunca! Ahan, si, hende ta cumpra serca hende, y bo personal lo disidi si tin mas benta of benta lo keda stanca!. Tristo, pero berdad, si e empleadonan no ta motiva, bo cashflow pa 2014 lo baha, hende ta cumpra serca hende, aunke si e prijs ta mas halto, nan lo cumpra serca dje toch!!! Dus motiva e personal for di awor, crea alegria den e ambiente, si bo ta manager,doño, supervisor, disidi di ta mas amigabel den e dianan aki, laga e stress di finansas un banda y disidi di ta mas felis, papia cu trahdornan, puntranan pa nan cacho,biahe, hobbie etc, crea lasonan mas cu nificacion. Den e Christmas dinner no bai papia over di con a aña a bai, pero papia di e aña cu lo drenta y “cos” lo bai ta hopi bon y cu e empleadonan ta masha importante pa 2014, y lo traha mas den teamwork, lo tin mas training pa personal y lo inverti mas den crea relacionan bon entre e personal. Asina ta motiva e empleadonan pa duna mas di nan parti y manera mi a bisa cu 2014 lo tin su retonan bastante fuerte y mester cuminsa prepara awor pa nan.  Un strategia cu semper a resulta ta cu, bo por manda un regalo pa e casanan di e empleado. Si e homber ta traha, mande cas cu un regalo pa su señora, dicon? si e sra ta contento y ta aprecia loke bo a hasi pe, y den 2014, e sra mes lo lante cu animo pa bai traha y e homber aki lo duna mas rendimento na trabou y sigur su eficiencia na trabou lo subi y e resultado ta mas revenue. Hende ta wordo mas motiva no cu cosnan grandi, pero cu bastante cosnan chikito y esey mester bira parti di e plan di incentivo, Bijbel mes ta bisa “duna y lo bo haña”.  BTW, corda reacciona riba e folders-nan den bo brievenbus, nan ta costa placa pa print-nan y aprecia e compania cu ta “willing” pa inverti te na bo cas treciendo un folder pa bo lesa y mira kico nan tin. Blessings Steve  (297)7380777  Sales & Marketing Trainer  stevefrancees@hotmail.com     www.stevefrancees.blogspot.com

8 frase pa sera benta mas lihe!

8 frase pa sera benta mas lihe!

Scirbi pa Steve Francees

E prospecto no ta cumpra si abo mes no invitanan pa cumpra. Den e proceso di benta mester jega na e punto pa sera e benta, si no!,  bo ta perdiendo bo tempo y placa di e compania cu bo ta bende pe! Pa sera e benta exitosamente bo mester por hiba e prospecto di  A pa B, A ta na unda e ta awor y B ta na unda e prospecto lo jega di tin bo producto of servicio. Un persona cu tin un auto-estima  halto, ta close mucho mas cu e otro cu ta lucha cu su auto-estima! Dicon??? abo lo puntra? Wel door cu ora jega e momento pa sera e benta, e caracter di e bendedor ta bini dilanti, esun cu mas confiansa den su mes ta bai pa e closing y e otro tin “miedo” di sigui pa e siguiente paso pa puntra pa close of actua convincente cu ya e prospecto a cumpra, y ta coy su pen y cuminsa jena e contract, esaki ta “dominio propio” y esaki lo hasi un bendedor exitoso, ora e sera e benta, no prome!

8 frasenan cu sigur lo juda pa sera mas benta:

1.       Tin mas pregunta? of sr(a) ta cla pa bai cu ne awor?

2.       Con sr(a) ta paga, cash of via carchi?

3.       Tin algun rason pa warda mas ainda?Ya cu Sr(a) kier e producto?

4.       Waw, nos ta contento di tin sr(a) como cliente!

5.       E decision cu sra a tuma awe lo “spaar” –“of gana”sr(a) hopi placa y tempo!

6.       Ami lo recomenda sr(a) pa tuma e garantia tambe!

7.       Ok, lo mi cuminsa saca e producto for di warehouse/baha for di shelf/ etc.

8.       * Djis keda keto, coy e pen y cuminsa jena informacion y proyecta bo mes cu ya e prospecto a cumpra y e propecto lo siguibo.

Ami ta recomenda pa train esaki den spiel y usa 2 pa 3 cu ta “fit” den bo proceso di benta! Blessings Steve

Steve Francees, Business-Market Analyst/ Sales & Marketing & Trainer (297) 7380777 stevefrancees@hotmail.com www.stevefrancees.blogspot.com

E parti emocional di un "Bendedor Exitoso"

E parti emocional di un "Bendedor Exitoso"

Scirbi pa Steve Francees (297)7380777   www.stevefrancees.blogspot.com

Hende tin tendencia di sinti mehor despues di risibi un bon noticia of algo bon pasa, un bon noticia ta motiva bo spirito pa sigui lucha. E parti emocional ta sumamente importante den e sentido cu hopi biaha como persona bo mester por distingui kico ta emocional y kico ta realidad. Awe mi lo comenta riba e carater di e bendedor con su estado mental mester ta pa asina por logra kibra bareranan den e mercado di awe. Manera mi a bisa cu bon noticia ta motivabo pa sigui padilanti, jammer cu normalmente un persona ta tende mas mal noticia cu bon noticia. Tin un persona di edad cu ora e bel mi, ta over di ken a muri so e ta papia, y esey ta loke e gusta pero ami no dje tanto ey, door cu mi gusta mas loke ta duna bida, pero mi no por laga su manera di bida domina mi estado mental, cu puro ken a muri. Tur dia mi ta ripara cu e hendenan den nos comunidad ta bira mas negativo, nada no ta bon pa nan,corant mester saca algo malo riba frontpage, si no, cos no ta bon. Nos ta wordo bombardia cu mal noticia y na final esaki lo afecta bo estado mental cu sigur lo baha bo desaroyo y bo performance den loke bo ta hasiendo y como bendedor, si bo bai tras di tur loke bo ta tende,bo benta lo baha. Aki lo mi duna algun punto riba e emocion cu mester ta bou di bo dominio.

1.       Maneha bo emocion: Emocion ta mesun cos cu un auto, ta abo tin e stuur pa maneha bo emocionan, si bo laga e parti emocional dirigi bo bida, esaki lo tuma over y bo benta lo ta manera un “rollercoaster” y no final no ta logra e meta. Bo por maneha bo emocion door di keda trankil y puntra bo mes si loke bo ta “sintiendo” ta bale la pena sinti asina, bo tin ganashi cu e sintimeno ey, e sintimento ta afectando bo progreso? Un persona emocional, nunca lo logra di biba den su potencial door cu semper ta wordo afecta pa  “efectonan” cu ta bini den su caminda.

2.       Keda realistico: Tin hende gusta pinta un musca pa un baca, noticia ta asina, y kisas bo mehor amiga tambe ta asina, gusta exsagera, nos tur conoce hende asina, nan gusta “trigger” nan emocion cu “cosnan” of noticianan straño etc. keda realistico, keda trankil, analisa bon kico bo ta tendiendo y busca e “kern” di loke bo ta tendiendo, hopi biaha ta djis huma nan ta purba describi y sin esencia fuerte. Keda realistico den tur cos, bo mester logra bo meta diario, y si tur ta bisa cu e cliente ey no ta cumpra, abo si ta bisa cu e persona ey tambe tin necesidad di loke mi ta bendiendo, dus ami si ta bai serca dje.

3.       Disidi pa logra loke abo kier: Ora un persona tin un meta y ta bezig ta trahando pa logra e meta, e accion aki lo minimalisa masha hopi mes cu efectonan secundario cu lo afecta su emocionan, door cu su meta ta pa jega. E momento cu e persona aki, djis pa un rato pone atencion riba loke ta “pasando” rond di dje y ta laga e informacionan aki toca su emocionan, na e momento aki, e ta perde su concentracion. Tur bendedor mester tin un meta pa traha pe, mester sa unda e kier jega y dicon e mester traha duro awe pa logra bai tur su clientenan, meta pa logra ta judabo keda den bo liña di trabou.

4.       Si nan no kier, ami ta bai mi so: Manera Joe Girard, e bendedor cu a gana Guiness record a bisa ora nan a puntre ta con e la logra e record den benta aki. Simplemente, papia cu personanan cu por judabo den bo benta, y conoce mas di bo producto, stop di sinta gasta tempo ta papia di cosnan cu no tin sentido y ta papia cosnan cu lo afecta bo emocionan. Hasi loke mester hasi pa logra bo metanan, si e otro bendedornan no kier bai dilanti, abo si ta disidi di bai bo so y traha pa logra bo metanan.

5.       Con por premia bo emocionan: Hende ta gusta gana algo, tapesei bo ta mira asina tanto reina di beyesa y asta muhernan ya hopi mayor, te ainda ta competi, door cu nan emocion kier sinti bon. Dus hende gusta wordo premia despues di un  actividad cu a costa hopi energia, y ta sumamente importante pa bo mes premia bo mes. Despues di un bon benta, ora e placa pasa riba bo salario na banco, bo por premia bo mes cu algo, custumbra bo mes di premia bo mes cu cosnan chikito. Si algo a bai bon e luna aki cumpra algo cu ta ekivalente di e resultado di e luna. Pasobra e premionan chikito ta antesala pa e premio grandi ora bo logra e meta di aña of meta di 5 aña of 10 aña. Premia bo mes y ta e mihor remedi pa mantene bo emocionan riba un nivel cu lo judabo logra bo metanan den benta.  Blessings Steve

Preguntanan: Masha danki pa e reaccionan cu mi ta risibi y door cu tambe tin varios preguntanan ta wordo hasi, lo mi cuminsa contesta algun pregunta cu awordo hasi di e Mercado actual, dus si bo tin un pregunta por mandami esaki y sigur lo mi elabora riba nan den termino general, sin pone nomber etc. stevefrancees@hotmail.com (297) 738-0777

 

 

 

Cansa di benta abou? Usa e strategia di entrada-salida!!!

Scirbi pa Steve Francees

Den e luna aki tur empresanan ta pensando con pa saca mas probecho di e ultimo dos lunanan cu a keda di e aña aki y pa asina por sera aña cu ganashi y tin cu ta bringa pa break-even. Den luna di September ultimo mi a scirbi con e economia lo mira cambionan den e efecto di pre-eleccion y mi a haña hopi reaccion cu tambe a pasa asina y tin empresanan cu tambe a hasi cambionan na ora pa no a sufri e bahada di e competencia cu eleccion. E strategia di awe ta hopi efectivo pa negoshinan den “retail” dus ta bende productonan den un edificio. Den psicologia di benta tin dos accion masha importante, entrada y salida, con ta trata e cliente na entrada di e negoshi y ora e sali di e negoshi, esakinan ta e fundeshi di un excelente servicio unda e cliente lo keda bini bek pa cumpra na e negoshi ey, asta si e prijs ta mas caro cu e otro.

Aki fayonan grandi ta wordo hasi cu ta causante di un cash-flow abou, mayoria empresa ta pone atencion riba e parti mei-mei di e sales-pitch, dus e climax di benta ora ya e person ta paden di e negoshi, pero a resulta cu esey no ta suficiente, anyway ban riba e strategia di entrada y salida.

Unda e cliente ta para su auto?, akinan tur ta grita “den parlinglot” y esey ta corecto, bo sa cu parkinglot mester ta bo strategia #1? Den cual sentido!, wel akinan ta e prome encuentro cu bo negoshi, si e parkinglot no ta sigur, bo por lubida cu e cliente lo para su auto den dje!esey ta logico, tur empresa,por ta loke sea e empresa, pero tur cu tin un bon parkinglot ta considera di tin bon servicio y e cliente lo paga loke sea pa drenta y cumpra den e empresa, esaki ta pasa hopi na restaurantnan di calidad, unda prijs no ta e problema pero servicio ta conta. Of asta si tin seguridad den parkinglot, pa cuida e autonan y si e personal di seguridad tin super bon manera y ta duna bon servicio, esaki lo genera hopi mas entrada pa e empresa. Ofertanan “jugoso” of “Juicy” mester wordo poni den parkinglot, crea demanda for di pafo, laga e mente di e persona cuminsa bende su mes for di e momento cu e drenta den e parkinglot. Pone banner di super ofertanan, y trahanan grandi, no spaar riba material, mas grandi nan ta, mas impactante nan lo ta den e decision den e mente di e prospecto pa cumpra. Vooral hende muher, ora nan mira un oferta “juicy” ta direct nan ta bisa “Ai, Papi, ban mira kico e ta”y e homber ta hala un rosea y trek su cara un tiki, pero toch ta drenta tras di e muher. Esaki tambe ta conta pa e fachada di e empresa, fachada lo trek of core cu cliente. Manera e prospecto drenta e negoshi,direct mester tin un atencion pe, hopi ta bisa cu mihor laga e prospecto cana trankil, pero mester ofrece algo, e atencion aki pa e prospecto ta simbolisa cu bo tey pa juda, no sali bisa “ala orden” esey ta core cu prospecto, e palabra aki ya ta “outdated” wel aki na Aruba esey a muri hopi aña pasa, y a mata hopi oportunidad pa comunica. E persona cu ta bende no mester bende! E mester juda, soluciona e problema cu e prospecto tin, mester ta un consehero y esey mester sosode durante di e entrada den e negoshi, den e prome secondenan. Den climax di benta, ta bisa cu e prome encuantro ta 80% di e benta mester traha riba e entrada aki, pone enfasis ta train empleadonan/bendedornan riba e importancia di e entrada.

Wel y e di dos ta salida!, akinan supermercadonan por score masha halto mes, si nan train e “pakker-nan” pa actua mas servicial, smile cu e prospecto, jama e cliente danki pa cumpra serca nos, juda e clientenan cu mas rapides y entusiasmo, pero cu respet, sigur e cliente lo keda masha contento y lo kier bini bek door di e ultimo servicio di calidad cu el a haña. Mesun cos ta conta pa net prome cu e cliente of prospcecto sali di e negoshi, mester tin un super trato pe, e ultimo imagen lo keda den su mente y basa riba esaki lo sigui traha riba dje pa bini bek y cumpra loke e kier, si e no tin placa e ta bin majan bek cu e placa door di risibi bon servicio na entrada y salida di su bishita na e negoshi. Nunca laga un prospecto bai sin dune nada, kisas un sample di algo, un coupon pa jena, un folder cu mas productonan,tur loke ta informacion balioso y “cosnan” gratis pa e prospecto, lo crea un relacion in-direct hopi fuerte cu e prospecto, mester mira esaki manera un simia cu ta wordo sembra den e prospecto cu pronto lo crece y duna su fruta cu e prospecto bira un cliente y keda tambe un cliente. Cuminsa awe pa pone e strategia di entrada-salida den funcion, Blessings Steve

Masha danki pa bo reaccion stevefrancees@hotmail.com (297) 738-0777