Loke por stroba bo di logra bo metanan!

Loke MAS por stroba bo di logra bo metanan!

scirbi pa Steve Francees, Business consultant

Siman pasa mi tabata na un fiesta y mi a topa un amigo cu ya mi conoce pa varios tempo y manera semper nos ta termina combersando con por logra mas cliente pa su negoshi y esaki tambe ta conta si bo no ta logrando bo metanan den bida. Un di e motibonan #1 ta, cu ken bo ta canando!, ken ta bo amigonan!.

Amigo tin un influencia masha fuerte riba riba bo, pa bon of pa malo, y si bo djis keda hangout cu nan, sigur lo bo ‘end-up” mescos cu nan. Na un momento hopi serca lo bo experimenta tur loke nan ta pasando aden awor, stranjo pero berdad.  Wel, cada bes cu bo ta hanjando un conseho di nan, ta nifica cu bo ta mas serca di  nan y actua/pensa etc tambe mescos cu nan.

Loke bo mester hasi awor mes: traha un lista di tur bo amigonan y pone nan tras e bentaha cu abo tin pa ta nan amigo y tambe desbentaha cu bo tin door di ta nan amigo. Revisa cada un su bida den su trabou/famia/interesnan etc, no kere cu mi ta consehabo pa bira egoista! No! djis bo ta revisando loke ta pasando actualmente den bo grupo di amigonan.  Tambe tin amigonan cu bo kier juda y sigur bo ta hasiendo esey, wel hopi bon, sigui asina! Un amigo semper mester tey pa juda un otro amigo y esey ta Biblico, dus hasi’e.

Pregunta? Loke bo kier logra den bo bida, ta mesun metanan cu bo amigonan tin? Nan ta mas lew den bida cu bo? Bo ta den un grupo cu kier bai dilanti den bida y ta traha duro pa esey? Bo amigonan ta disidido pa tuma accion den nan desaroyo personal/empresarial/profecional. Akinan lo bo mira cu si ta bon pa keda den e grupo aki si of no! Si e contesta ta mas no cu si, bo mester hasi un cambio den bo amigonan, y mester ta “per direct”.

Busca amigonan nobo cu ajega caba na unda abo kier bai,sera amistad cu personanan cu ta mas lew cu bo den bida den e area cu abo kier bai. Traha un otro lista di personanan cu ya ajega caminda abo kier logra jega, y pone algun strategia con lo bo por jega serca nan pa asina sera amistad cu nan pa abo por sinja di nan. Amigonan cu vicion lo incentiva  vicion tambe den bo bida, awe ta e momento pa revisa ken ta rond di bo y ken abo ta rond di dje y hasi bo mes e preguntanan aki!

Pa mas informacion: por mail mi na stevefrancees@hotmail.com

15 Ideanan pa Mantene Clientenan Contento

15 Ideanan pa Mantene Clientenan Contento

Scirbi pa Steve Francees, Sales & Marketing Strategist

stevefrancees@hotmail.com  www.stevefrancees.blogspot.com

Loke lo hasi bo benta subi y tambe mantene bo benta stabil, ta con bo ta atende bo clientenan!Si bo no atende nan bon, sigur

nan lo bai serca e competencia y esey no ta bon! Problema #1 ta cu ta papia di servicio na cliente pero no ta pone den accion.

1. Invita e clientenan pa bini bek.
Hopi biaha tin algun tipsnan cu ta asina fasil pa hasi cu ta duna hopi bon resultado pa asina mantene e clientanan contento, pero door cu no ta para keto na e datayesnan bo ta perde di gana. E ultimo palabra cu bo bisa e cliente lo por ta e ultimo imagen cu e ta hiba cas di bo empresa. Na final djis invita e cliente pa bini bek.

2. Regresa jamadanan di telefon lo mas rapido cu ta posibel.
Ora un cliente ta jama pa busca cualkier informacion lo mester busca e solucion pa su pregunta rapido y mester jama e cliente direct bek. No warda te mañan pa jama bek, mas liher bo reaciona, mihor e calidad di servicio lo ta pa e cliente. Regresa e jamada rapido, esaki ta laga e cliente sinti importante, y no tin nada mas bon ora un cliente sinti su mes satisfecho cu bo servicio. Tambe no laga e telefoon ring mas cu 2 biaha!

3. Traha un structura pa atende e-mail cu ta pa busca informacion.
Mescos cu jamadanan di telefoon, bo mester reaciona lo mas rapido riba email cu ta posibel.

Mester asigna un persona pa canalisa henter e procedura aki, revisa e-mail/fax etc mester bira parti di su trabou rutinario, mainta ta e mihor ora pa atende tur email y fax cu ta drenta. Y si ta un reclamo, esaki mester wordo atende lo mas rapido posibel, si tin telefoon por bel e cliente/prospecto personal pa atende e asunto aki.

4. Set-up un answering machine of voice mail system pa despues di oranan di trabou.
Tin hopi persona cu tin preguntanan y nan ta corda net despues di oranan di trabou, wel si tin un sistema di graba esaki ta bon door cu mainta depues un persona por atende esaki. Mescos ta tambe si un persona dedica na sierto producto/servicio no ta den su ofisina, asina bo por laga un mensahe y e persona conserni por jama bek.

5. Puntra e clientenan kico mas por wordo hasi pa mantene un bon servicio.
Hopi cliente ta sintinan mes previligia ora bo inclui nan den bo strategia di trabou, e simpel accion cu bo ta tuma un feedback ta laga nan sinti cu nan ta parti di e famia di bo empresa. Ora nan duna cualkier contesta jamanan masha danki y laga semper e contacto habri pa asina si den futuro nan tin cualkier sugerencia nan lo wordo atendi direct.

6. Disculpa bo mes ora un di bo personal of compania faya.
Tur hende ta imperfecto y por faya y ora algo bai robes bo mester tambe tin e curashi di pidi sorry y si mester duna algo pornada lo mester hasi’e. Cu orguyo bo no ta gana nada, pero si bo por perde un cliente djis pa no disculpa bo mes. Esaki tambe ta ora pa motibonan di “forsa mayor” bo jega laat na un afspraak, disculpa bo mes tin mas balor cu bini cu henter un storia pakico bo a jega laat.

www.stevefrancees.blogspot.com

7. Organisa un seminario, retiro, fiesta,onder-onsje y invita bo clientenan.
Un cliente ta keda hopi contento ora bo invite pa bini pa un actividad cu bo empresa of persona ta organisa, e simpel echo cu bo ta tuma e iniciativa aki ta algo di hopi balor serca e cliente. E tipo di actividadnan aki ta trece hopi bon relacion entre abo y e clientenan. Por ta asta seminarionan cu ta di interes general, kisas cu no ta ni tin relacion cu bo producto/servicio, pero ta crea e relacion pa asina mantene e cliente contento.

8. Targeta di cumpleaños etc.
Tur persona ta sinti nan mes honra ora bo risibi un targeta riba un fecha hopi special pa bo, e por ta cumpleaños, matrimonio, yiu cu a slaag na scol, posicion nobo den compania, etc. E idea ta pa laga e cliente sinti bon door di bo gesto, semper mester firma e carchi cu pen nunca laga e carchi bai post cu solamente un stempel.

9. Ora bo haña un articulo cu ta fit bon pa bo cliente, djis forward e pa nan of tambe por fax-nan door.

Abo por sa kico ta di interes di bo clientenan, dus si bo lesa/mira algo cu ta relata na e cliente, djis mande pe, asina e ta sinti cu bo ta interesa den su propreso como persona.
10. Un sonrisa contento y habri bo wowonan mas grandi

Un persona alegre semper ta atrae mas hendenan rond di dje, dus si tuma esaki, ta importante pa tur persona cu ta atende cliente mester smile cu e clientenan, si un salesperson no ta smile, esaki lo costa bo compania perdidanan grandi, door cu e cliente no ta sinti cu mes aprecia den bo negoshi y nan lo bai serca bo competencia cu si ta smile cu nan. Ora bo habri bo wowonan mas grandi esaki ta duna un sinjal cu bo ta aprecia e persona cu bo ta atendiendo, pero please no keda exagera si!

11. Newsletter.
Diseña un newsletter cu lo mester wordo reparti pa tur e clientenan, informacion di e inovacion den e compania y tambe ofertanan cu e cliente por beneficia di nan. Duna informacion relevante di e compania y tambe por trata temanan cu ta di interes di e cliente. No djis papia di bo logronan so, esaki ta cansa e clientenan! Pero informacion bon sigur lo capta atencion di bo clientenan y mantene nan informa.

12. Traha un file di adres, nomber y otro informacion importante di cada cliente.
Mas informacion bo tin di bo clientenan, mas chance bo tin pa satisfasenan cu bo producto of servicionan. Si un producto jega, por jama e clientenan pa bin mira locual ta nobo of bo por e-mail nan sierto informacion. Update e file aki tambe regularmente pa asina e informacion por kedo actual.

13. Corda nomber di bo clientenan.
No tur persona ta bon den recorda nomber di persona pero den negoshi nomber ta sumamente importante pa recorda y usa nan nomber durante di nan bishita na bo empresa. Esaki ta asina poderoso den benta y si train bo mes pa hasi esaki, lo bo mira cu e relacion cu e cliente lo bira tremendo y ta mas fasil pa abo bendenan. Durante di un seminar di John Maxwell, pa casualidad mi a tope den banjo, y John maxwell a saluda mi"Hi Steve, how are you doing?" wel mi a keda impreciona con e por corda mi nomber den tur e 600 persona cu tabata hunto cu mi den e seminario di leadership, eynan mi a compronde e balor di corda un persona su nomber.

14. Sorprende e cliente cu un descuento of un producto como regalo.
Tur persona gusta regalo y bo por duna un cliente frequente un regalo of un descuento riba sierto productonan. Tur persona ta gusta regalo of algo gratis.

Ami ta gusta cumpra perfume door cu semper mi ta hanja un sample gratis, y esaki ta un incentivo pa bo sigui cumpra.

15. Atende e yiunan di bo clientenan bon.
Tur mayor ta gusta pa personanan duna bon y bunita comentario di nan yiunan y bo por tin mangel of un persona cu por atende e yiunan ora nan bini pa cumpra(kids corner). Muchanan ta preti-wowo di nan mayornan, dus si trata nan bon lo bo tin hopi mas chance pa bende e mayornan.

www.stevefrancees.blogspot.com

5 punto pa Aumenta productividad di e personal

Scirbi pa: Steve Francees

Pa logra exito,ta sumamente importante pa asina tin confiansa entre e trahadornan, incluyendo e managers y e trahadornan. Loke ta mata un empresa no ta cliente,cashflow,cambio den Mercado, wel tur ta berdad cu ta hasi efecto riba e empresa, pero loke ta hasi mas danjo ta e falta di confiansa den e empresa! Bo no por cumpra confiansa pero mester gana confiansa, tur empresanan exitoso tin un cultura di confiansa entre e personal. Si pensa un rato durante di e temporada cu tabatin mas exito, tabata e momento cu tabatin mas confiansa entre e personal. Tin manager cu ta incentiva confiansa entre personal y tin cu ta incentiva des-confiansa entre personal door di ta partidario y ta core tras di redashi prome cu busca e berdad. Si esaki ta e caso, mester traha urgente riba dje.

11: Habri oportunidad pa traha den grupo: E personal mester sinja pa confia riba e otro y esaki por wordo logra door di traha hunto den grupo riba planan espesifico, un manager cu ta kere den teamwork lo crea espacio pa traha den grupo y esaki lo aumenta confiansa den e personal, mester ta consistente den esaki, dus semper mantene trabou den grupo y asina tur e personal ta traha hunto pa logra un meta. Aki na Aruba tin masha hopi nacionalidad cu varios manera di pensa, dus trahando den grupo so por logra crea confiansa entre e personal.

22: Tuma e balentia di keda hunto ora di candela: Loke mas ta crea confiansa ta ora cu “cosnan” no sali manera a spera y abo ta keda para hunto cu e personal y tuma tambe e “blame” hunto cu e personal! Ta existi un avalancha di tira culpa riba otro y critica otro cu ta e otro a faya! Cosnan no a sali manera a spera, pero na final ningun hende no tin culpa! Esaki ta crea un ambiente di des-confiansa, y ta mata e progreso y e optimismo den e empresa. Pa crea confiansa mester para co-responsabel hunto cu bo coleganan y trahadornan.

33: Delega trabou: Ora no tin confiansa, tampoco por delega. Delega trabou ta un acto di confiansa y trahadornan mes gusta sinti nan mes balora ora puntra pa hasi sierto trabounan di confiansa y mustra tambe cu tin confiansa den dje.

44: Atende e problema: Ora tin des-confiansa den un empresa y esey ta nifica cu tin faboritismo den e empresa! Sierto regla ta conta pa algun solamente y esaki mester wordo atende direct, of tin regla cu awordo poni cu no ta “make sense” door cu a djis pone pa un persona y tur otro mester biba cu ne door di e persona ey! Djis bai y enfrenta e problema y bai cu e actitud no pa gana e guera pero pa mantene y crea un ambiente di confiansa, Na final di dia e intencion no ta pa sali gana pero mester ta pa asina incentiva confiansa bou di e personal y asina drecha e proceso di operacion, incluyendo tur e punto fuerte di cada empleado cu hunto por logra un mayor resultado cu ta final e meta di e empresa of organisacion mehora.

55: Duna credito: No laga te fin di anja of pa algun momento super special pa bisa algo bon na un colega of trahador. Si un colega a hasi algo bon, bise direct y dune e credito cu e merese, esaki no ta hasi bo menos, alcontrario esaki lo subi bo influencia y crea mas balor na bo persona. Un persona ta hopi mas productivo ora e ta sinti su mes balora y reconoci den su trabou.

c      Copyright(2013) by Steve Francees, no por publica sin autorisacion di autor.

 

"Increase your company's sales immediately"

If you'd like a major Sales-breakthrough, then I'd like to invite you to

Matthew’s Restaurant

(Casa Del Mar Resort)

This Saturday Feb 16th 2012

8:15am - 10:45am

Price: Afl. 175,- p/p

(incl. Seminar/Hands-outs/

Full American Breakfast

& Certificate)

RAPIDLY ACCELERATE your SALES success

attendees will receive a certificate:: language: Papiamento

Reservation: (before Friday Feb 15th)

(Registration Sheet in Attachment)

Speakers:

Steve Francees is a Sales Expert, Sales & Marketing Trainer, founder of G7

www.stevefrancees.blogspot.com

Despues di atende mi prome

sales seminar, mi benta a subi 241%,

y mi confiansa den mi mes a subi

masha hopi mes! T.J.

E seminario ta fantastico, direct y

super tips y technica pa pone den

accion direct!Tur bendedor mester

di dje. G.F.

Un persona ta tuma alrededor di 120 desicion pa dia! pero ta 7% cu ta 9 desicion ta sumamente importante cu sigur lo afecta henter e curso di bo bida! 97% di personanan no ta tuma e desicionan aki pero ta lage pa majan!pero majan ta bira otro majan! dus pa logra, bo mester echt pone hopi enfasis pa tuma sierto desicionan y tambe para pe, y sigur bo mester sacrifica algo pa majan bo por tin un mihor resultado! Awe nos ta bibando e resultado di desicionan cu nos a tuma ajera!

Scapegoating

Scapegoating

Ora cos ta bon tur hende ta amigo di otro, pero na e momento algo bai robes, manera pedido a jega laat, technico no a reacciona na ora, cliente ta mal rabia pasobra ta “Simon” su falta!.

Ta parse cu ta den nos genes tin algo pa asina tira culpa riba otro, no ta ami a faya, pero ta e otro!!!.

Tanten cu tin esaki fuerte den bo grupo di trahadornan of coleganan, lo bo nunca logra e maximo potencial di e trabou den grupo. Algo cu ta kibra henter un grupo ta si ta crea partidista door di pone dede riba esun cu abo ta kere cu a faya y no mira e “fayo” aki como cu ta tur a faya.  Ora un cliente ta rabia, ta henter e empresa ta sufri, y akinan mi kier pone 10 punto pa deal cu Scapegoating.

1.       Tuma responsabildad den grupo:

2.       Mira fayo como algo bon: Pa sinja pa majan no hasi’e bek di nobo

3.       E manera cu “deal” cu e fayo mester ta objetivo.

4.       Mantene emocion riba un “chill”

5.       Pensa cu bo palabranan di critica por danja e sfeer/motivacion di e grupo.

6.       Bira parti di e mehoracion: Bira parti di e problema, juda ora cosnan bai malo.

7.       Pensa cu fayo ta temporal, pero mantene e grupo hunto tin mas futuro briyante

8.       Analisa y pensa prome cu papia.

9.       Cuidou cu coleganan cu ta fomenta partidista door di punta dede riba otro colega.

10.   Tira falta of culpa otro ta corta cu creatividad den e grupo.

 

Ta sumamente importante pa keda objetivo den tur loke hasi y mira e proceso como algo bon pa logra un bon resultado majan. Ta mas importante pa mantene e grupo hunto y asina logra un mayor victoria, nos tur lo gana y sigur hunto lo nos gana mas!Cu e mentalidad aki, sigur cash-flow lo subi!

 

Benta lo subi awe, si bo hasi lo siguiente!

Scirbi pa Steve Francees, Sales Trainer

---Jan 2013---

Si bo echt kier bende mas awe, mi kier bisabo cu esey ta posibel, ta posibel aumenta bo benta awe, djis haciendo algun cambionan chikito den bo manera cu bo ta aserca y bende bo clientenan. Tin hopi Beneficionan cu lo bo bai tin si benta subi awe!, e prome ta cu lo bo aumenta bo auto-estima, dicon?, simplemente, bo auto-estima ta subi ora bo pone un meta y bo logre, na e momento ey bo auto-estima ta halto.Auto-estima ta e influencia #1 cu bo mester tin pa asina por bende exitosamente den e Mercado di awe.

Bende solucion: Hende no ta cumpra producto! Un cliente no ta interesa den e producto ni e servicio, pero, ta kico e producto of servicio ey por hasi den nan bida, nan ta cumpra e efecto cu bo producto lo bai genera den nan bida ora nan hasi uso di bo producto/servicio.  Hende kier solucion pa nan problema y si abo logra den soluciona nan problema, sigur nan lo cumpra y keda satisfecho tambe. Si e prospecto aki compronde cu loke bo ta bendiendo por judanan kisas spaar mas tempo,bira mas jong,traha mas placa,biba mas largo, tin mas amor,un bida spiritual mas completo, baha peso,bira mas sabi, kita malesa, hanja mas forsa, traha mas liher, come menos, wel, tur esakinan ta problema cu MESTER di solucion y bo producto/servcio por judanan. E prospecto mester wordo splica di e resultadonan di loke nan por hanja di bo producto/servicio.

No bende prijs pero resultado: No cansa bo cabes awe ta traha descuento y pensando cu tin menos placa riba caya, cu e Mercado no tin placa etc, cambia bo manera di pensa awe, e unico hende cu tin problema cu prijs ta abo!!!y e cliente NO!, si e resultado di bo producto ta asina bon y si bo a logra duna tur e resultadonan positivo cu bo producto lo genera den bida di e prospecto, wel, e prospecto aki lo hasi su maximo di pagabo loke bo ta bendiendo, y awe mes! Dicon? Pasobra e balor di e producto a surpasa e prijs den e bista di e prospecto, kisas bo producto ta 10,- mas  cara pero ora e prospecto a ripara cu berdad e resultado di e producto aki ta hopi mas halto y kisas e balornan di tin e producto aki bal 25,- mas, wel, sigur e propecto lo cumpra esun di bo pasobra den balor agrega di bo producto, esaki a surpasa e prijs den mente di e prospecto.

Con bende resultadonan?

Hasi pregunta ta e prome  manera pa hanja sa cual ta nan problema y con abo por usanan den bo presentacion na bo prospectonan, contesta e siguiente preguntanan:!

Cual ta e frustacion di bo prospectonan?

Kico nan kier logra den nan bida?
Cual ta nan deseo y necesidadnan?
Unda nan tin dolor?
Unda nan dudanan ta?
Cual metanan nan tin?
Cual problema nan ta pasando aden(trabou/famia/deporte/fisico) etc?
Cual ta nan miedonan?
Cual tabata nan fracasonan?
Con nan emocionan ta?
Ora bo tin e informacionan aki, scirbinan y traha un lista di e beneficionan cu bo producto/servicio tin pa asina bo por cuminsa bende resultado y no producto.

 Accion pa exito:

Wel, loke bo falta awor ta pa tuma accion, cuminsa bende resultado y lo bo mira sigur, mi ta garantisa bo cu bo benta lo mester subi y bo clientenan lo ta mucho mas satisfecho cu bo producto/servicio.

Cambionan empresarial pa 2013

(parti 1)

Scirbi pa Steve Francees,

Un anja cu hopi bon oportunidadnan pa esunan cu tin nan wowo habri y ta dispuesto pa inverti den nan empresa pa asina por logra lo mas cashflow posibel. Relacion cu cliente lo bira un “must” den tur sentido, si bo no inverti den relacion cu e cliente, bo benta lo baha sigur y sufri e consequencia. Dicon?, wel, door cu e buyingpower ya pa 5 anja caba awordo sinti, e clientenan ta mas sensibel con nan ta saca nan placa y bo mester tin balornan adicional pa asina tog logra pa e clientenan sigui cumpra bo producto of servicio. Esaki lo rekeri cu abo como empresa of bendedor individual mester tuma mas tempo pa desaroya relacionan objetivo cu e clientenan, corda den cada negosacion tin e relacion personal cu ta mas poderoso cu asta e prijs di loke bo ta bendiendo.

Si analisa rapidamente e Mercado actual (Aruba) por mira cu desde 15 di November, Valero a manda 450 trahador cas cu ta nifica cu 450 famia lo no tin entreda. Valero a paga algun mil na e trahadornan, pero esaki lo caba den e temporadanan di fiesta cu tabata Pasco/anja nobo y awor carnaval. Despues di carnaval lo sinti y peso financiero cu lo preciona atrobe e buyingpower di e Mercado actual. Tur persona cu risibi un cantidad di placa cu normal nan no a logra nunca di tin den nan poder, ta crea un actitud di ta poderoso y kier cumpra loke “nunca” nan por a cumpra, y esaki a sosode den temporada di Pasco/anja nobo. E problema lo bini ora e placa cuminsa caba den luna di maart-april y no tin entrada pa jena e saco bek, akinan e benta general lo sufri nan prome caida, door cu e Mercado lo mester paga nan gastonan cu menos placa, negoshinan cu no tin e cliente como algo importante, ta e promenan cu lo sufri den e Mercado cu lo bini.

Pero no spanta, ainda tin tempo pa re-evalua bo posicion y tuma pasonan. E problema ta cu mayoria hende ora bo bisanan cu cos lo cambia no pa bon, prome cos cu nan ta hasi ta cuminsa corta y baha gasto y ta net esaki lo costa cu lo bo sufri mas e caida den bo benta. Si bo no expone bo mes bon, y mantene bo producto/servicio den mente di e clientenan, lo bo sufri mas!. Hopi cuidou cu corta den loke bo no mester corta, dus enbes di corta vet, bo ta corta un ader importante, akinan bo mester laga bo instinto como comerciante funciona y no esun di un manager/accountant (kier controla tur cos). Bo mester inverti awor pa bo por pasa temponan difisil y mira tog benta subi, si bo corta den beneficio di trahador, lo bo mira bo benta baha, si bo inverti den empleadonan y laganan sinti cu abo tey pa nan den e tempo aki y ta willing pa incentivanan un tiki extra, y bo mester hasinan parti di e solucion, laganan sinti cu nan tambe ta den mesun boto y cu hunto por sali padilanti.

E capital humano lo bira algo masha importante den 2013, sin nan, benta lo no subi, nan mester ta willing pa duna e extra cu bo mester pa asina por “boost” e compania den 2013. Empleadonan mester wordo motiva den e structura di jega na e meta pa mantene y suprasa benta di 2012. Empleadonan mester wordo motiva pa ta mas creativo, bin cu ideanan nobo, ta dispuesto pa cambia nan manera di traha y ta mas agresivo, conciente cu nan tambe ta parti di e solucion.

Tur empleado ta wordo motiva na maneranan diferente y akinan e reto ta bira mas difisil pero mester saca afor ta kico ta motiva e empleado ey pa funciona mihor! Middle management mester tin mihor bista riba e Mercado, cambionan den e manera con e cliente ta cumpra nan producto/servicio, y e unico manera ta pa sali riba caya pa saca afor exactamente kico ta pasando y bini cu ideanan inovativo pa pusha e compania di nobo.

Directornan no por keda sinta tras di lesenaar mas, mester intercambia ideanan inovativo cu empleadonan, 71% di entrada ta bini di turismo (Aruba) y esaki ta efecta henter e Mercado directamente, menos tips, menos placa na cas y tips-nan ta bahando ya pa 3 anja caba (pa empleadonan cu no kier cambia nan manera di pensa/cultura).

Hopi hotel, a pasa y ta pasando door di renovacion, hopi empleado ta keha, pero esaki ta bon, pa bo keda “fit” den 2013 bo mester inova den imagen,structura, servicio y benta. Empresanan sabi, ta inverti grandemente den nan empresa y esunan bobo ta mara faha y corta bai gol

Pa benta subi ta imposibel hasi’e, si bo corta den bo compania, ta ilogico cu bo mester corta den bo productividad y na mes momento kier pa benta subi, esaki no ta asina. Un comerciante sa ki ora e tin cu inverti, aunke accountant bise algo diferente. E abilidad di comerciante bo no ta sinje na scol pero ta hanje ora bo tuma sierto risiconan empresarial y usa bo instinto cu ta bisabo cu esey ta posibel, literalmente cana riba awa! E “mindset” aki lo mester pa 2013, tuma risiconan y inverti den loke lo crea entrada extra pa e empresa, promociona inteligentemente y constante, hasi cambionan y monitor direct loke cu ta duna resultado.