10 punto pa hanja mas cliente den 21 dia!

Scirbi pa Steve Francees, sales & Marketing Trainer

1.       Conoce bo producto: Un di e strategianan super fuerte den benta ta, con bon bo conoce bo producto of servicio. Den e mercado actual, prospectonan ta cumpra serca experto y no nobato(ordinario), bo mester sa hopi informacion di loke bo ta bendiendo pa asina por duna un bon descripcion na e prospecto, tur e bentahanan cu bo producto of servicio tin pa asina bo por jena su necesidad. Product-knowledge ta un “must” pa asina bo por subi bo benta. Bai riba internet, busca pa sinja mas di bo producto, ora bo tin un oportunidad, no perde bo tempo, sinja mas di e detayesnan di bo producto y esaki lo dunabo un bentaha dilanti di bo competencia.

2.       Busca un niche (Target segment) den e Mercado: E “mindset” di cu, ta tur hende ta mi cliente, esaki no ta funciona y ta asta robes, bo no por bende na tur hende, bo mester scohe un grupo of segmento den e mercado cu lo bo duna extra atencion, e grupo aki ta bo clientenan cu tin mas necesidad pa bo producto. Busca lo mas tanto informacion di e segmento aki y busca e strategia con lo bo bai bende nan, strategia di mercadeo mester ta dirigi riba nan, mester usa palabranan cu nan ta comprende, usa imagen cu ta atrae e segmento aki. Hasiendo asina , dus scohe un segmento den e mercado y purba lo maximo jena nan necesidad cu bo producto/servicio, esaki lo aumenta bo benta y tambe lo atrae “otro” segmentonan pa bo producto. No tin miedo di ta exclusivo, esaki lo hasibo unico y apart den e mercado actual.Un niche por ta Homber di 50 – 60 anja cu tin nieto, of hoben-adulto di 23-30 anja cu ta formando un famia, of muchanan di 7 pa 9 anja etc! hasi’e y lo bo mira bo clientela crece.

3.       Puntra 7 cliente pa referrals: Sigur bo tin bastante cliente contento, e echo cu bo ta lesando esaki ta bisa cu abo ta interesa den hanja mas cliente!. Traha un lista di 7 cliente y jamanan, puntranan pa dunabo 3 persona cu tambe por cumpra bo producto/servicio, sigur cliente contento lo dunabo nombernan y jama e prospectonan aki, usando nomber di esun cu a dunabo nan nomber. E strategia aki ta sumamente poderoso y sigur si bo hasi’e lo bo hanja mas cliente.

4.       Traha oferta pa tempo limita:  Tur hende ta gusta oferta, clientenan ta para den rij, 1 dia prome pa cumpra cellular ora tin bazaar, door cu nan por hanja mihor prijs door cu tin cel na oferta. Hende ta gusta esaki y abo por tuma bentaha cu esaki. Mayoria biaha den bo prome oferta, bo no ta hanja mesun tanto cliente nobo, pero ora pa di dos biaha cu bo bini cu oferta pa tempo limita, waw, prospectonan lo bini na careda pa cumpra bo producto.

5.       Organisa un Expo chikito: No warda te cu tin expo-nan grandi pa expone bo productonan, esaki por wordo hasi den bo empresa/ofisina of na un cliente mes, por huur un sitio tambe pa esaki, no mester pensa den grandi, algo chikito cu algun cliente potencial, kisas pa 3 ora solamente, djis pa prospecto y clientenan por bini pa hanja mas informacion di bo producto of servicio. Tur persona cu bini mester tin oportunidad pa gana algo, mester bira interesante pa nan laga nan schedule pa bin bo expo. Por hasi’e den bario, buurtcentrum, na cas di famia, den supermercado etc. Djis usa bo creatividad y pensa diferente.

6.       Hasi un trabou boluntario: Tin asina tanto trabounan den comunidad cu por wordo hasi pa asina por hanja mas cliente, juda den bario y usa T-shirt di bo producto/servicio of pone banner, ora media bini, busca pa sali den corant of entrevista na radio. Den bario mes tin persona cu por ta bo cliente.

7.       Abo bai unda bo prospectonan ta: Hopi biaha ora bo jega cas, bo ta cansa pa bolbe sali atrobe, pero ta importante pa bo asocia bo mes cu e grupo potencial cu bo producto/servicio. Mas hende bo conose, mas oportunidad bo tin pa hanja mas cliente, dus abo djis bai unda nan ta, cana cu e grupo aki. Amigonan ta importante sigur, pero clientenan nobo ta sumamente imoprtante, door cu ta den esaki ta depende di bo exito den empresa.

8.       Scohe pa bira mas amistoso: Hende semper mester di keda motiva, y un persona amistoso cu hopi entusiasmo semper ta contagia otro y tur hende gusta anda cu hendenan cu ta mas felis cu nan. Nos ta bibando epocanan hopi depresivo y “hendenan” ta buscando Personanan motiva pa juda motivanan. Si bo kier mas cliente, bo mester tuma e decision di ta mas amistoso y expresa emocion ora bo tey presente.

9.       Structura bo dia: Bo dia no ta cuminsa mainta, pero e anochi prome, dus prome cu bo drumi anochi, zorg cu locual ta e ultimo cos cu bo hasi ta positivo, algo creativo, kisas lesa algo cu ta lanta bo spirito, mira un pelicula cu ta inspirabo, lesa proverbionan, usa bo tempo bon y educa bo mes. Mainta lo bo lanta cu e ultimo pensamento di e dia prome, y plania bo dia, structura bo agenda, traha un check list pa asina bo por logra tur loke bo tin plania pa e dia ey. Bendedornan mester re-structura nan ruta, bishita mas clientenan (no esunan grandi solamente) pero tur. Si bo ta traha den ofisina, traha un schedule pa asina tin un structura kico mester wordo logra y pone  como prioridad “Hanja clientenan nobo” y “mantene clientenan existente”.

10.   Revisa bo resultadonan: Hopi biaha ta traha pero no ta tuma tempo pa revisa y analisa kico a bai bon pa mehora. Re-check loke bo ta hasiendo cu enberdad ta dunando resultado, si loke bo ta hasiendo no ta produci clientenan nobo, mester cambia of adapta bo plan di trabou. Ken ta strobando, kico mi no ta hasiendo, kico por wordo hasi etc. Reuni cu bo manager of cu bo bendedornan, administratie, magazijn etc. Check alternativanan pa asina por genera mas clientenan nobo. Mester revisa y hasi cambionan na ora, corda cu competencia no ta drumi, dus abo mester hasi e “extra” ey pa asina abo por tin e cliente prome cu nan. Puntra mas hende pa opinion y ideanan “nobo” con bo por hanja mas cliente y revisa esakinan y implementa nan.

Hoip exito y sigur hasiendo esakinan lo bo hanja mas cliente, blessings  Steve!!!

5 obstaculo cu por strobabo di sera e benta y kico hasi cu nan!

Scirbi pa: steve Francees, Sales & Marketing Trainer

Si bo meta ta pa sera mas benta y logra convence e prospecto mas rapido, aki lo mi dunabo e 5 puntonan cu por judabo “close” e benta mas rapido.

1.       No tin necesidad di e producto: Manera bo presenta bo producto, direct den e mente di e cliente ta cuminsa un guera di necesidad di tin e producto, su mente ta hasiendo un scanning den pro y contra di e producto y tambe ta pone riba un lista di prioridad y na final e logica di dje ta e decision final cu ta bisa cu si e tin necesidad di dje so of no. Tur esaki ta pasa for di comienso ora e persona aki jega e fase di hanja informacion te pa tuma un decision. Si bo no  crea necesidad pa bo producto den mente di e prospecto, e lo no cumpra. Un manera pa cuminsa neutralisa su mente ta pa duna beneficio cu e producto tin y pone hopi enfasis riba e Resultado cu e prospecto lo hanja door di cumpra e producto. Hende ta cumpra resultado di e producto y no e producto riba su mes! Pa crea tambe necesidad, bo mester crea un relacion di e producto cu e emocion di e prospecto, con lo e bai sinti ora e usa e producto, con usando e producto lo subi su autoestima y con otronan lo mire, hende ta tuma mas decision riba emocion cu realidad/racional, nan ta gusta sinti nan mes bon, vooral hende muher, nan ta relaciona tur cos cu emocion y sintimento!homber ta mira mas e parti practico y style di e producto. Dus si no tin necesidad, abo mester crea esaki durante di e proceso di benta.

2.       No tin placa: Esaki ta parse e obstaculo di mas fuerte, pero na final por bira esun di mas fasil, dicon?, si un persona kier algo, cu ta mas cara cu un otro producto similar, si echt e kier e!, lo e hasi loke sea pa hanje, lo e bai y bende otro cos pa asina e por cumpre!Otro cos!! No semper baha prijs ta bende mas!!, hopi bendedor ta pensa cu baha prijs ta pusha e producto pa bende mas, e problema ta cu baha prijs tambe ta baha balor di bo producto, dus e mentalidad di baha prijs no semper ta funciona, loke Si, por hasi ta mihor prijs riba sierto volume, dus usa mihor prijs ora jega sierto volume den benta, esaki ta pusha e cliente pa cumpra mas serca bo y ta mantene e balor di e producto (den mente di e propsecto) halto!. Tambe bo mester tin un plan di pago pa asina e prospecto tog por cumpra e producto, firma un contract, paga parti di e suma pa mantene e cliente pa despues e por paga e diferencia. Como bendedor bo mester crea balor pa bo producto cu lo surpasa e prijs di e producto, pa asina e prospecto pone bo producto riba e lista di prioridad den su mente y disidi di cumpra bo producto y laga tur otro cu ta mas economico cay. E prospecto mester sinti cu bo producto tin prioridad den su bida na e momento ey y sigur e lo saca placa pa cumpre.

3.       No tin pura: Urgencia ta e palabra clave den mente di un prospecto, mientrastanto cu bo ta splicando beneficionan di bo producto, e prospecto ta bezig ta poniendo su lista di urgencia den su mente y si bo no logra crea urgencia pa bo producto, lo bo keda den e parti abou den su lista. E prospecto mester sinti cu e “mester” di e producto ey y abo mester enfatisa cu ta sumamente importante cu e mester tin e producto ey y como bendedor sigui crea urgencia pa bo producto, si abo no hasi’e, bo competencia si lo hasi’e, y abo mester crea asina tanto urgencia cu e prospecto disidi di cumpra direct. Pero crea urgencia den un manera cu hopi respet, laga e prospecto sinti cu bo producto sigur lo aumenta su calidad di bida den e areanan cu e tin necesidad di dje, awe ta e dia pa tuma un decision y e urgencia lo aumenta e proceso pa jega na closing.

4.       No tin deseo: Corda cu mas decision ta wordo tuma riba e base emocional cu e base racional. Tur persona ta diferente y ta cumpra tambe diferente segun nan personalidad, un persona cu ta cay den e seccion di analitico no ta cumpra basa riba emocion pero mas bien racional, e ta analisa tur cos cu cabes friew pa despues e tuma un decision,pero tambe e persona aki gusta cumpra “cosnan” bon cu ta duradero cu lo hisa su calidad di bida y duna resultado pe. Un persona Analitico kier detayes, y eynan e bendedor mester ta super bon den informacion relevante di e producto y informacion cu ta duna resultadonan positivo di e producto. E bendedor mester switch over na detayes pa asina crea un “deseo practico” den mente di e prospecto pa asina e prospecto disidi di cumpra. Corda cu e prospecto mas complica, hopi biaha lo bira e clientenan mihor y cu lo dura mas cu bo. Usa imagen, nomber di hende cu e conoce cu tambe ta usa e producto, mustra cartanan di recomendacion cu bo a hanja di clientenan contento y sigui crea e deseo pa bo producto.

5.       No tin confiansa: Wel, esaki ta super importante den e Mercado cu nos ta bibando, vooral aki na Aruba, si mi no conose bo, mi no sa ken bo ta, cu otro palabra, mi no tin confiansa, lo mi no cumpra. Confiansa ta algo cu hopi bendedor ta faya den dje, nan no ta profundisa cu e prospecto suficiente pa asina crea confiansa cu e prospecto, nan ta “net no” jega na e nivel di confiansa aki y esaki ta crea un obstaculo pa sera e benta. Confiansa ta mas importante cu closing, pone atencion riba confiansa, crea confiansa, hasi tur loke mester pa crea confiansa y profundisa lo mas posibel. Un tips pa crea confiansa ta, busca cosnan cu abo y e prospecto ta di acuerdo cu ne, ehempel “waw, sra tin un bunita oloshi, of e yu ta parse un baby-Gerber, bunita cartera, si ta homber y tin un camisa di Yankees, por bisa, ami tambe ta fanatico di Yankees, wel bo mester ta creativo y corda cu ta abo mester busca e prospecto su confiansa y pone tur atencion riba e prospecto, abo ni bo producto no ta importante, pero e prospecto como persona ta importante. Confiansa ta e base di tur benta, dus pone pa crea confiansa come bo meta y sigur lo bo jega na closing sigur! Duna confiansa y lo bo hanja confiansa y sigur lo bo jega na closing.

 

Kico ta pone un producto bende mas!

 

Stevefrancees.blogspot.com

1.      Ta exotico: Tur loke ta diferente ta atrae mas atencion, si pensa riba animal, por conclui cu tur loke ta completamente diferente, color, textura, ambiente, especie, wel esun mas stranjo lo atrae mas atencion.  E ser humano ta gusta cos nobo y stranjo, semper nan kier experimenta algo diferente. Bo siguiente lansamento mester ta completamente diferente, exotico den tur aspecto, e producto no ta diferente pero e manera cu lo bo lanse ta hasi e producto exotico. Tur lansamento exitoso tabata exotico y ta door di esey a logra gara atencion pa e producto. Atencion pa bo producto mester ta e prome objetivo, no pensa riba bende e producto, pero laga e producto ta diferente y usa tur loke ta posibel pa asina ta diferente y ta e prome cu ta hasi un lansamento asina. Medionan tambe ta gusta loke ta exotico, y sigur lo crea super hopi atencion den medionan cu sigur lo promove bo producto grandemente. Un lansamento exotico lo crea hopi publicidad gratis.

 

2.      Ta poderoso: Tur loke ta poderoso ta crea autoridad direct, un vehiculo grandi y fuerte ta crea importancia na e momento cu e jega. Bo producto mester cay den e nivel di ta poderoso, mester tin e abilidad pa logra resultadonan poderoso, manera e cliente use, lo mester experimenta cambionan poderoso. Esaki ta conta pa tur tipo di producto, kisas pa baha peso, wel mester mustra cu esaki si ta e producto cu a logra e mihor resultado y si bo por proba esey lo ta super. E persona cu usa bo producto mester sinti e sensacion di ta poderoso, mester activa e sensacion ey cu ta laga nan sinti mihor usando e producto ey. Dus mester saca afor tur e caracteristicanan cu ta aumenta e ingrediente aki ora usa bo producto cu lo bo lansa.

 

Scirbi pa Steve Francees     (297) 7380777 www.stevefrancees.blogspot.com

 

3.      Prijs super halto pero cu super prijs di lansamento: Ningun hende gusta usa un producto barata, door cu ta sinti cu nan ta usando algo cu no ta bon, pero si e prijs ta hopi cara, mas cara cu nan por gana, of mas cu un persona normal por paga, pero na net e momentonan ey e producto ta bira pagabel pa nan, si logra pasa e informacion aki y nan gare bon, sigur nan lo cumpra, no un pero dos, door cu nan a sinti cu nan ta cumprando algo hopi cara na un bon prijs. Nunca bende barata, barata nunca ta bende, pero mester bende cara, dus prijs halto, pero na un bon prijs pa un tempo hopi cortico. Despues hisa e prijs bek halto, pa despues di un temporada bolbe duna un special pa un temporada. Na final lo bo bende hopi mas asina.
 

4.      Link Producto cu Imagen importante: Hende ta wordo atrae pa hende,asta hende ta sigui hende, imagen ta bende,  no ta tur imagen ta bende tampoco!!! Por ta un imagen pret of cu personanan importante, of pasando bon, cu hopi emocion, relax enfin, mester usa un super imagen cu ta klop cu e producto, un imagen cu por representa e producto, akinan mester tuma idea di personanan cu sa di cual imagen ta bende mas, puntra opinion di experto den e area aki pa no pone un imagen cu stroba e mercadeo di e producto.  No tur persona por traha den mercadeo pero mester tin e “extra” ey den mercadeo cu lo duna e toke unico den e imagen.

 

5.      Crea noticia nobo: Hende ta gusta tende algo nobo y bo producto mester cera noticia y si bo logra ta den  e nivel di breakingnews! Wel, sigur lo bo bende suficiente pa varios tempo door cu bo a logra surpasa tur loke ta “normal” den noticia. E importancia di crea noticia ta loke lo hasi bo producto exitoso. No ta fasil pa jega e punto aki pero si ta posibel y si tin bon plan strategico bon disenja pa logra esaki y tambe den e temporada adecua pa lansa e producto.  Usa tur medionan posibel y tambe medionan social pa promove bo producto usando video y publicidad imprenta.

 

 

6.      Crea urgencia: Ta increibel cu e ser humano ta gusta sensacion, nos ta gusta di ta parti di un actividad cu tin suspenso den dje cu ta lanta nos emocion te jega un climax di crea un sensacion extremo. Mesun cos ta pasa ora crea urgencia pa hasi algo den un tempo limita, asta dokternan ta hasi esaki, nan ta purba jena lo mas persona posibel den un tempo limita durante algun ora, esaki ta crea e ambiente cu e dokter ta bon, door cu tin hopi hende ta bai serca dje, y bo mester warda pa bo cita. Crea urgencia ta loke lo hasi bo producto bende.

 

7.      Promove 24/7: Semper tin guera entre marketing department y accounting, Marketing ta mira e importancia pa promove pa asina crea mas demanda y accounting ta lucha pa no gasta e placa den marketing, e guera aki lo no caba nunca, door cu cada un ta mira e asunto diferente, accounting ta mira promocion como gasta placa door cu no ta mira e resultado manera nan kier mire y marketing ta mira cu ainda mester promove mas pa asina por bende mas. Promove 24/7 sigur lo logra e “ROI: return on investment” mas liher. Si bo promove, esaki lo wordo mira den bo benta y mester promove constantemente.  Mas bo promove, mas bista lo bo hanja con e mercado ta acepta e informacion di bo producto y si mester modifica esaki, tambe lo bo hanja e informacion ey mas liher pa hasi ajustenan pa sigui promove!                        www.stevefrancees.blogspot.com

Dicon mi avisonan no ta atrae e cantidad di clientenan cu mi kier.

Scirbi pa Steve Francees

Durante di anjanan trahando den un Mercado multicultural, bo ta hanja cu constantemente e mentalidad di e Mercado ta cambiando. Ami ta kere cu e mentalidad y perpectiva ta cambia den cada 70 dia, dus cada 70 dia bo mester tin un strategia nobo pa keda “fit” den e Mercado. Tin ora mi ta mira algun commercial na TV of ta tende uno na radio cu ta asina laaf cu  bo ta puntra bo mes, ta ken a scirbi e script aki, parse cu ta e persona ey a scirbi e promo aki pa su mes, ta e so ta wordo atrae pa e commercial ey! Tin varios problema den dicon bo no ta hanja suficiente cliente di bo propagandanan!  Wel awe lo mi bai djis riba dos punto solamente.

Prome: Kere cu bo mester duna hopi informacion pa atrae atencion na bo producto of servicio, wel, ta purba prop asina tanto informacion den e 30 second spot ey cu na final e oyente of esun cu ta mira e aviso no sa corda mas kico ta bo punto, kico bo kier bise! Please laga bo avisonan ta mas simpel posibel,  usa menos letra of palabra posibel, pero pone un motivacion cu por direct jega  y toka e parti emocional di e persona, usa un imagen of text cu ta laga e persona pensa y realisa cu “waw” enberdad e producto of servicio aki tin cosnan cu por juda ami ta mihor y sinti mihor tambe. E parti emocional mester wordo toca, y esaki por ta djis un palabra of un imagen, y esey ta suficiente. Lo mas simpel ta jega mucho mas leu, djis pensa riba avisonan cu a gara bo atencion, asta cantica cu a Rate halto, ta e canticanan mas fasil den letra y musica manera” Don’t worry, be happy”.

BTW bo por mail mi na stevefrancees@hotmail.com pa cualkier pregunta, ta gratis!

Anyway ban pa esun di dos!!! “Call for action” na final di cada propaganda MESTER tin un “call for action” mester tin un palabra of un push pa jama, busca, pa asina bo por hanja e producto of servicio aki. Mester crea urgencia pa actua awe, no majan pero awe! Si bo no hinca e stragegia aki den bo propagandanan, lo bo perde hopi oportunidad pa “Close the sale”. Lo mi pone e importancia di e strategia di “Call for action”!!!! wel, kisas bo a pone hopi atencion den e storia y duna informacion di bo producto, e prospecto a lese/mire y a hanja suficiente informacion pero bo no a crea e urgencia pa a tuma accion, dus bo a djis informe di loke bo ta bendiendo, wel e problema ta cu bo competencia tambe ta target riba mesun prospecto, awor lo ta hopi malo si abo a gasta bo tempo ta educa e prospecto y e competencia ta djis duna algun extra informacion di su producto of servicio, dus nan a complementa loke abo tabata falta, pero nan Si a puntra pa “Call for action” dus nan a crea e urgencia pa “close the Deal” y door cu nan si a move den e stragegia aki, nan a gana un cliente mas! Hopi tristo!! Wel esaki ta pasa masha hopi mes! Dus, bo propaganda mester ta lo mas simpel posibel y usa palabra y imagenan cu ta toca e parti emocional di bo prospecto y hinca “Call for action” den dje! Simplemente crea urgencia pa sera e benta lo mas rapido!y den hopi casonan mester pone fecha cu e promocion lo termina!

Mail mi  libremente: stevefrancees@hotmail.com  lo mi aprecia bo input! 1.000.000 di danki!

3 punto cu lo AUMENTA bo benta AWE mes!

3 punto cu lo AUMENTA bo benta AWE mes!

Scirbi pa: Steve Francees / stevefrancees@hotmail.com (297) 738-0777

Sales target ta birando mas importante tur dia, mas precion ta wordo poni pa logra jega e sales target y mester pase tambe! Loke ta bon cu si abo ta lesando esaki, ta nifica cu sigur bo kier aumenta bo benta prome cu dia sera awe tardi. Ban mira algun importancia dicon bo benta MESTER subi awe!. Wel prome, si awe bo benta subi, bo comicion lo ta mas halto fin di luna y mas entrada bo tin, mas serca bo ta di jega na bo metanan personal. Imaginabo con satisfecho lo bo sinti awe tardi ora bo jega bo cas, y sa cu bo benta a subi, sigur bo auto-estima lo ta super halto y sigur lo bo ta den un posicion mihor pa paga tur cos di bo yunan y famia! E yunan cu tanto bo ta stima por beneficia si AWE bo benta subi, bo por cumpra algo extra pa nan, kisas pa scol, un regalo y algo cu abo kier pa hopi tempo pero no tabatin e suficiente entrada pa hasi esey. Wel, awor lo bo por logra di ta mas serca di bo metanan y logranan tur y sintibo mes super emociona y motiva.

E prome punto ta Decision: Tuma e decision cu awor mes lo mi hasi tur loke ta na mi alcanse pa hanja mas cliente, pero cliente cu por cumpra direct. Decision di literalmente busca cliente pa sera benta AWE y no majan! Pero AWE! Decision di sigui traha den bo Lunch-Break si esey ta posibel awe! ta djis pa awe! of sigui traha un tiki mas awetardi. Ta disidido cu awe lo mi hasi TUR loke ta posibel pa mi aumenta mi benta y esey ta AWOR! Si bo ta dispuesto pa hasi esey! Bisa awor mes! Y bisa duro!  “Awor ta e momento, lo mi hasi tur cos pa hanja mas cliente” bise 7 biaha tras di otro!!!!!!!

Informacion Gratis pa judabo den benta:  Steve Francees  (297) 738-0777

E di dos punto ta Accion:  Scribi un lista di 7 cliente cu lo bo aserca awor mes y dunanan un oferta special pa awe. Si bo ta traha den tienda, sali pafor un rato, Saluda e prospectonan cu ta cana pasa dilanti y invita nan pa drenta, sea super amigabel y dispuesto pa judanan, 30% mihor cu normal. Si bo ta bende den tienda, move rapido y trata tur cliente como sifuera nan ta super Special y busca pa jena e necesidad cu nan tin,ora jega esaki purba “upselling” presenta e cliente algo extra cu e por cumpra, dune hopi beneficio di e producto/servicio y no lage bai sin bende algo extra, pusha pa e extra aki AWE!  Si bo ta bende cas (realestate) revisa rapido bo lista y cuminsa jama prospectonan cu tin riba bo lista, si algo ta pega na Banco, jama Banco awor y jama e cliente tambe! Move den direccion pa sera benta. Mustra interes den accion, pasobra awe benta MESTER subi! No majan pero AWE! bisa atrobe  “Awor ta e momento, lo mi hasi tur cos pa hanja mas cliente” bise 7 biaha tras di otro!!!!!!!

E di tres punto: Close the deal awe! Tur loke bo a hasi awe mester jega na Closing, awe bo mester close mas! Dus mester pusha pa close mas awe, no tene miedo pa puntra pa close. Ora bo ta dilanti di e cliente, actua manera ya nan a cumpra caba y bai den “upselling” cu confiansa, no tene miedo, cliente ta gusta di hanja algo extra y si e extra ey mester tin mas balor cu e placa cu e ta bai saca, wel, lo nan keda MAS contento cu bo! Tin confiansa den bo mes, hasi oracion pa Dios dunabo inteligencia kico bisa na e momento apropia, y pone closing como prioridad. No laga bo yunan/casa/mayornan na caya awe, traha DURO pa nan por beneficia di e dia di AWE, mas cliente bo sirbi awe mas oportunidad bo tin di close y AWE esey lo sosode! Y bai traha AWOR mes!

Dos pregunta cu tur Sales Manager mester puntra nan mes!

Dos pregunta cu tur Sales Manager mester puntra nan mes!

Scirbi pa: Steve Francees                               stevefrancees@hotmail.com

Den e Mercado cu nos ta bibando actualmente,  ta birando mas compeho tur dia pero na otro banda tambe ta crea espacio nobo pa sigui diversifica y ta crea asta oportunidadnan nobo den e Mercado.

Tur negoshi kier crece nan entrada cu intencion tambe cu nan casflow lo crece. Tin hopi biaha cu entrada ta crece pero tog e cashflow no ta crece door cu e gastonan operacional cu ta bini aserca door di lansamento di e producto/servicio ey ta hopi halto y cu na final e cashflow lo no ta dje positivo ey. Anyway, ban pa e dos preguntanan, e prome ta cu tin dos manera pa bo por crece den entrada(sales) cu na final lo crece cashflow. Pregunta?Kico mi kier subi 1-Margin(prijs kitando cost) of 2- prospectonan potencial (Expande e Market Size)

1) Margin: Bo por subi e prijs di e producto/servicio door di pone mas cosnan manera “Beneficionan” aserca cu no ta gasto pa bo, pero si ta di beneficio pa e cliente, dus crea mas balor pa e producto/servicio door di pone mas aserca. Esaki ta dunabo e espacio pa subi e prijs di e producto/servicio y e bon ta cu e cost di e producto/servicio ta keda mesun cos, ora prijs subi y cost keda mesun cos, e margin di ganashi ta subi. Ehempel, si e prijs di un producto ta Afl. 12,- y e cost ta Afl. 7,- esey ta nifica cu bo tin un margin di ganashi di Afl. 5,- pa cada producto individual. Pero si pone mas beneficio y cosnan adicional cu no ta gasto pa e negoshi aserca lo bo por subi e prijs pa Afl. 14,- y e margin lo ta Afl. 7,- enbes di Afl. 5,-. Pa e cliente esaki tambe ta bon pasobra e ta hanja mas beneficio djis pa paga un tiki mas y pa bo margin esaki lo subi.

Hopi negoshi ta keda pega cu ta solamente extra cliente ta crea mas entrada pero esey no ta corecto, un beneficio di un cliente existente ta hopi poderoso y ta mas fasil pa bende un cliente algo extra cu busca un cliente nobo.

2) Mas prospectonan potencial/Expande e Market Size: Akinan ta cu pa aumenta entrada lo mester expande e market size pa bo negoshi. Tambe tin varios manera cu por crece e Market Size, uno ta cu bo por usa mas strategia di marketing pa jega na mas prospecto cu ta posibel, dus hasi mas propaganda, bo por hasi asina den medionan masivo of bai den direct-marketing, direct riba un segmento di e Mercado, of bo kier bai mas den socal-Marketing usando mas socialmedia. Tur esakinan ta strategianan pa logra alcansa mas clientenan nobo. Un otro opcion den punto dos ta cu bo por tambe expande e market-size door di adkeri mas producto/servicio cu ta atrae otro tipo di Mercado, dus bin cu producto/servicionan extra cu por atrae otro tipo di Mercado nobo pa bo negoshi. Ta importante pa pensa bon cual puntonan cu bo scohe, sea pa crece e margin of crece e market-size y no confundi nan dos pero pensa cada uno apart den bo strategia di marketing.

99 Ideanan di negoshi pa genera extra entrada

99 Ideanan pa un Negoshi

Scirbi pa Steve Francees

stevefrancees@hotmail.com

1. Meals 2 go:

Cushina na cas y pre-bende e cumindanan na ofisinanan. Hasi delivery pa Breakfast mainta y tambe lunch pa merdia. Mester tin un set menu y clientenan por escohe loke nan kier pa e dia ey. Recomendabel di tin un website of Facebook.

2. Tas pa hende muher (Bende-Order):

Hende muher semper ta cumpra tas y ta cupra varios pa anja, por order y bendenan cu 45% di ganashi.

3. Organisa Song Festival pa scolnan:

Tur scol ta gusta e tipo di actividadnan aki, abo por aserca e scolnan pa organisa un songfestival pa nan pero abo ta keda cu e entrada na porta, tambe por organisa entre scolnan, pero mester tin bon premio.

4. Inspeciona y sugeri con pa baha gasto di coriente:

Tur hende kier baha gasto di coriente, si bo sa di electricidad, bo por usa bo experencia pa duna conseho y por cobra pa esaki.

5. Sub Contratista:

Tin hopi trabounan chikito cu contratistanan no ta tuma door cu ta mucho chikito pa nan pero abo sip or tuma nan over, aserca contratista pa hasinan.

6. Handyman:

Tin masha cos mes pa drecha na cas, no cu e homber di cas no por hasi’e pero no tin tempo y akinan tin un lugar sigur pa un handyman, mester traha serio y cobra e clientenan direct, asta por bira cu por cobra un maintenance fee pa luna, por aserca negoshinan tambe pa traha como handyman pa nan.

7. Laba glas di negoshi:

Tin masha negoshi cu semanalmente mester laba nan glas pero no tin hende pa hasi esaki bon hasi, abo por tuma e negoshinan aki over y hasi’e den bo tempo liber y despues full-time.

Pa mas informacion sin ningun compromiso:  stevefrancees@hotmail.com of (297) 7380777

8. Order muebles na roomstogo.com , cobra cliente downpayment y gana 35%

9. Bai Miami of Puerto Rico y cumpra sapato na Paylessshoes y bende cu bo friendsnan!

10. Plumbing, traha flyer y reparti den barrio cu bo ta drecha tuberia, tur cas tin cranchi cu ta lek!

11. Fotografo pa fiesta, reparti bo business cards y traha flyers

12. Busca fiesta pa lugarnan di fiesta y cobra comicion

13. Organisa fiesta pa companianan, aniversario of fin di anja!

14. Cumpra un caroshi di hotdog!

15. Benda faha di cuero pa homber, homber no ta wory cu prijs masha! Nan ta cumpra direct riba Payday!

16. Cuminsa cu un laundry cu pick-up service!, por huur lugar of por hasi’e na cas mes!

17. Caba cu musca na cas, inspeciona cas di hende, cumpra lusnan cu ta mata musca/sangura! Door di awasero, tin hopi molester di musca y sangura!

18. Coba riol pa awa core den cura!, Tempo di awa ta biniendo y hopi cas tin problema di awa.

19. Order Cashi di panja y instala na cas via IKEA

20. Conta storia pa muchanan y hende grandi

21. Instala schrootjes!traha flyers y reparti den bario y casnan den construcion

22. Scol di baile pa muchanan,

23. Scol di Drama (Theater)

24. Scol di sinja mucha toca cuarta

25. Baby-Sit profecional den Hotel

26. Verf cas den fin di siman!

27. Bende y cose panja pa cacho

28. Duna les di Ingles pa Latinonan (Spanjo pa Ingles)

29. Duna les di Hulandes pa pasa examen di passport.

30. Cuminsa un club di Domino y ajedres! Wega di mesa!

31. Inventa promocion pa negoshinan y bende negoshinan e ideanan!

32. Website pa bende auto, bende aviso cu negoshinan cu ta bende piesa di auto!

33. Bende panjanan cu ta judabo baha peso, of mustra mas delega!

34. Organisa pelicula den barrio y bende refresco y popcorn

35. Cobra fee pa busca trahador pa negoshinan, placa pa cabes!

36. Order y bend tent den temponan di Semana Santa

37. Organisa Beach volleyball den weekend y den vakantie, busca sponsor!

38. Pinta caricatura pa turistanan, busca un bon spot na sitionan Turistico

39. Parti flyers pa restaurant, hopi restaurant kier nan flyers wordo reparti bon!

40. Saca potret pa corant, cobra pa potret! Y traha un relato di esaki! FreeLance

41. Bende lingerie di Colombia! Order y bende cu bo clientenan!

42. Cobra fee pa busca cumpradornan pa autonan nobo! Aserca Cardealers y planta e idea aki!

43. Organisa les pa mamanan nobo! Con handle cu yu y e tata!

44. Organisa biahenan di vakantie pa otro pais

45. Duna les di computer pero priva! y cobra pa ora.

46. Traha joyeria/fantasia pa bende.

47. Bende kerstboom den December! na bo mesun cas.

48. Organisa Car/bike Show

49. Bende flor pa Valentine’s Day pafor di bo cas.

50. Duna les con pa drumi mas profundor.

51. Planta patia/melon pa bende (usa awa di airco)

52. Bende Girasol (Simia y flor)

53. Instala sonido pa auto

54. Organisa ModeShow cu hendenan normal

55. Bende Solar Panel, mester tin experencia den esaki!

56. Disenja Jardin tropical!

57. Order ekiponan pa Kitesurfing

Pa mas informacion sin ningun compromiso: stevefrancees@hotmail.com of (297) 7380777
Great cu bo persona a tuma tempo pa lesa tur e ideanan! Si bo ta interesa den un idea espesifico por jamami tambe y sigur lo judabo of mester di un BusinessPlan! pa un di e ideanan aki!

58. Drecha y Service Bisicleta!

59. Pega Wallpaper pa camber di mucha!

60. Bende y Instala waterheater

61. Garashi chikito pa service auto cu pick-up service

62. Bende tuinhijsjes, order na US y bende!

63. Drecha panja pa hende, si no por, contrata un persona y abo ta hanja comicion!

64. Part-time tourguide pa turistanan

65. Cria Galinja y Conew pa bende

66. Organisa caminata den mondi

67. Organisa snorkel tours

68. Cushina cuminda criollo y bende durante fiesta nacional

69. Cuminsa un Pet’s Spa

70. Bende animal exotico

71. Bira un “Green Consultant”

72. Organisa “Make-Overs” pa negoshinan

73. Jena Inkomsten Belasting pa hende

74. Disenja logo y aviso pa negoshinan

75. Bende basket den tempo di fiesta

76. Bira cabes di Sam

77. Bende setnan di cucho paga den tres paga.

78. Traha y bende bela cu potret den dje

79. Bende Arte cu ofisinanan

80. Organisa Baby Shower

81. Order y bende Tupperware y articulonan di cas den plastic

82. Cumpra un machine pa print T-Shirt

83. Facebook di motivacion y cobra pa motiva diariamente via emial!

84. Decora Negoshinan

85. Cumpra productonan na Wholesale y bende detaya.

86. Bende musica pa relaha

87. Bende y instala machine pa deodorize cas

88. Disenja y cose panja pa mesa

89. Airbrush T-Shirt

90. Edita video y pone riba DVD pa hende

91. Emboteya bo propio habon pa laba cas

92. Bende simia pa tur tipo di mata.

93. Disenja carchi di bruid/fiesta handmade

94. Disenja menu pa restaurant

95. Saca potret pa restaurant di cuminda pa propaganda

96. Traha muebles di palo pa jardin

97. Cuminsa un negoshi di blow-glass

98. Traha decoracion di klei

99. Decora cusinchi y laken y bendenan

Pa mas informacion sin ningun compromiso: stevefrancees@hotmail.com of (297) 7380777
Great cu bo persona a tuma tempo pa lesa tur e ideanan! Si bo ta interesa den un  idea espesifico por jamami tambe y sigur lo judabo of mester di un BusinessPlan! pa un di e ideanan aki!