Dos manera so pa subi benta den e siman aki!

Dos manera so pa subi benta den e siman aki!

Scirbi pa Steve Francees

Tin solamente dos manera pa benta subi vooral awor cu mester sera e anja logrando e target cu awordo poni den januari!

Pa logra subi benta bo mester disidi cual di e dosnan aki lo bo bai usa pa asina subi benta, no tin otro opcion. Loke ta pasa ta cu tin hopi bendedor ta keda pega y no ta scohe cual manera e lo bai usa e siman aki pa subi benta.

Tur loke bo hasi den benta mester ta basa riba un decision, bo mester disidi di subi benta, si bo no disidi, benta lo no subi. Tambe ta exigi un cambio di mentalidad pa tuma decision y tambe traha duro pa logra pa benta subi.

Anyway, ban pa e prome cu ta, logra haya mas cliente, akinan Marketing tambe por hunga un rol, pero si e bendedor disidi di sali busca mas cliente, sigur esaki lo bira un echo, disidi e siman aki cu lo mi busca tur dia 3 cliente nobo. Si bo ta benta riba caya, bo mester djis bai bishita prospectonan nobo, djis drenta y papia cu nan y ofrece bo servicionan. Esaki ta tuma curashi y mester bai fuerte den esaki, manera mi a bisa caba, esaki ta un decision cu bo ta tuma pa busca clientenan nobo. Ken por ta bo cliente? Wel depende di bo producto, pero prospectonan ta tur caminda, e cahera na supermarket, bo partner di tennis, bo hairdresser, sirbidor na gasstation, bo propio bendedor di seguro, juf di bo yunan, bisinja enfin, djis bira super creativo. Tin masha oportunidad pa haya mas cliente y no depende riba bo compania pa hasi promocion, pero abo mes move tambe door cu mas cliente ta resulta den placa pa bo famia! Dus e prome ta disidi di busca mas cliente!

E di dos ta benta mas cu mesun cliente, kisas bo ta benda den un tienda di panya y un sra a bini pa djis mira, manera semper nan ta bisa, wel, akinan ta cu bo mester usa tur bo technicanan di benta pa asina por bende e sra panya di bo tienda y bende mas ainda, ofrece mas cos, manera asesorio, otro carson cu ta klop cu e panya, splica e calidad di e panya, e tela mes, e acabado di e panya, laga e prospecto sa di tur loke bo tin pa ofrece hunto cu loke e la bini pa busca. No tene miedo di ofrece mas, pero no“judge” hende riba nan aparencia, djis imagina bo cu e persona aki tin e placa pa cumpra door cu e kier keda bon bisti y tapesey e la bini net awe serca bo den e tienda. Ta bo obligacion pa juda e sra aki pa cumpra tur loke e tin mester y abo como experto den fashion mester guia e sra aki pa cumpra loke ta keda e bon y no mira e prijs! Ora un persona kier algo, e ta cumpre, dus no tene miedo pa pusha duro den “upselling” si bo no hasi’e, bo competencia si lo hasi’e y benda mas cu abo!  Dus disidi di bende mas awe, presenta mas opcion, pero please no brua e propecto, cu productonan cu no ta pas na e momentonan ey. Sea e experto y actua manera un experto, esey ta loke clientenan di awendia ta busca, no bendedornan di panya of producto, pero conseheronan den nan area di servicionan. No laga miedo tuma bentaha awe riba bo, djis presenta mas producto y duna e pakico e prospecto mester di dje y ora jega e momento, bai na closing pa sera e benta. Bende calidad y servicio y no prijs!! Blessings Steve Francees (297) 7380777 stevefrancees@hotmail.com www.stevefrancees.blogspot.com

E ultimo conseho di 10 miyonario!

E ultimo conseho di 10 miyonario!

Scirbi pa Steve Francees, blogger

Tabata algun aña pasa cu tabatin un entrevista cu 10 miyonario na televicion y tabatin hopi preguntanan na nan over di empresa y con bira exitoso etc, y e publico tambe tabata hasi pregunta na e miyonarionan aki.

Na final di e preguntanan, un persona a hasi e pregunta lo siguiente: Si boso mester cuminsa completamente di nobo, con boso lo reparti boso mercancia, of mihor splica con lo bo inverti e placa den e negoshi!, cuanto ta bai pa mecancia, decoracion, promocion etc?.

Wel e prome miyonario a bisa cu e lo inverti 10% den mercancia y 90% den promocion, y e mesun pregunta a bai pa e siguiente, cu tambe a contesta, lo mi cumpra 10% di mercancia e 90% den crea demanda pa loke mi ta bende, e di tres tambe a bisa, cu inverti 90% den bon promocion tin bentaha cu lo bo crea hopi demanda pa loke bo ta bende y si demanda ta halto den e prome salida, sigur tur loke bo trece den mercancia lo bende door cu ya e mercado sa cu bo tey y kico bo ta bende. Asina e siguiente comerciante tambe a bisa cu mester inverti den crea demanda pa loke bo ta bende.

Wel wel, straño cu negoshinan cu ta lantando ta pensa net contrario, ta hinca casi tur e invercion den mercancia y ta kere cu e demanda lo bini dimes, y esey no ta asina. Tin negoshinan hopi exitoso manera Pepsi Cola, Coca Cola, Apple,  etc cu ta inverto miyones den promocion y pa loke ta e procentahe di invercion, ta hinca hopi mas cu cualkier negoshi!

E secreto den esaki ta e prome salida mester ta fuerte den mercadeo pa asina crea demanda y si nos mira riba nos isla mes e negoshinan cu ta bayendo bon, ta door cu nan ta inverti bastante placa di nan ganashi bek den promocion pa asina por sigui bende y akinan tur negoshi vooral esnan chikito mester inverti den bon promocion, tuma e conseho di e miyonarionan aki y inverti fuerte den promocion, pero promocion cu ta fit cu bo target-market.

Utimo aki tabatin expo-cas y kisas negoshinan no sa pero fasilmente un negoshi ta inverti 20.000 florin pa asina tey presente na expo, den paga e booth, den imagen,productonan nobo, promocion, den regala articulonan di promocion, paga overtime na empleadonan pa traha, dus esaki ta rond e bedrag aki djis pa 2 dia di promocion. Pero na final esaki lo crea demanda pa sigui bende henter aña, dus loke nan a inverti nan lo sake bek sigur den e prome lunanan despues di expo!

Mi a menciona expo door cu esaki ta recien pero promocion mester sigui y no por para. Loke mi a ripara ta cu no tur hende ta pensa asina, dus cu promocion ta importante, door cu promocion ta intangibel, dus bo no por mire manera un producto, asina nan no ta kere den dje, pero ta sumamente importante y mester ta parti di bo business-plan for di comienso. No por faya cu esaki pero mester plania esaki for di prome cu e negoshi cuminsa opera.

*Lo ta bon pa lesa un blog cu mi a scirbi aña pasa over di e “Guerra entre accounting y marketing department” den un empresa, ta bai over di e “mindset” di nan dos y e problema entre nan dos cu ta presente den tur negoshi!, accounting ta pensa cu marketing no ta importante door cu nan no ta mire y marketing dept ta pensa cu mester inverti pa crea demanda, esaki tambe ta pasa hopi den empresanan  cu e hefe ta un technico y no ta kere den promocion dje fuerte ey.

Na final kico ta conta? Mester crea demanda pa loke bo ta bende y esaki tambe ta un invercion bastante fuerte y no tin otro opcion, mester inverti, no ta existi un formula exacto cuanto mester inverti den mercadea bo negoshi pero ami toch ta pensa cu bo mester inverti minimo un 30% di bo capital di e negoshi den mercadea bo productonan, djis usa esaki como salida y si mester inverti mas, mester hasi esaki.

No por stop di inverti den promocion pero manera benta subi, e invercion den promocion tambe mester subi. Negoshinan den retail ta traha cu un margin di ganashi y normalmente na marketing-budget ta entre 3% pa 8% di revenue di luna, esaki ta depende tambe di e tipo di productonan den retail y e margin cu e negoshi ta usa! Blessings Steve  stevefrancees@hotmail.com  www.stevefrancees.blogspot.com  www.franceessteve.com (esaki ta mi website di mi potretnan) (297) 7380777

5 punto cu lo subi benta den retail-stores!

5 punto cu lo subi benta den retail-stores!

Scirbi pa Steve Francees, Marketer & blogger

Ultimamente mi ta traha hopi cu beyesa y tambe fashion un tiki y mi a sinja tambe hopi y por a mira kico ta juda pa subi benta vooral den retail y awe lo mi elabora den e seccion di retail!

1: Henda ta cay pa bista, y imagen ta hopi importante den retail, posternan grandi parti paden di e tienda ta trek hopi atencion y ta crea ambiente! No print poster chikito pero semper print mas grandi cu abo ta pensa, dus mester exagera semper den grandura. E poster mester tin 1 imagen, dus no bai jena e poster cu hopi texto, djis un imagen grandi y un texto reduci cu ta fit cu e contenido di e poster y pone paden, den e tienda!!

2: Pone nivel di promicion tur dia: No decora tur producto/panya riba e mesun nivel, mester tin cu ta sobresali e dia ey!. Pone esaki na lugar special, cu decor special, kisas usa un manera pa asina e por ta riba “stage” di e dia ey! Dus crea nivelnan di importancia den e decoracion! (Traha pedestalnan y pone e producto/panya riba dje).

MC Donald’s  tambe ta hasi esaki, nan ta display tur nan 8 cumindanan (combo), pero toch tin 1 cu ta haya mas atencion door cu tin un diferente design, tin indicacionan mas fuerte cu tur sobra cu lo trek bo wowo pa miranan. Asina nan ta pone atencion riba 1 cuminda y e otro siman lo tin completamente un otro “combo” cu lo tin e lugar di preferencia!

3: Schedule e décor di e interior! Cliente ta GUSTA cambio, dus bo interior di negoshi mester tin cambio por lo menos cada 3 luna, crea ambientenan completamente nobo, esaki lo trek mas cliente pa bin bek, door cu cada bes nan bini tin algo nobo y nan ta gusta esaki! Traha un schedule pa e decoracion y plania esaki for di tempran, cual tema esaki lo bai ta y pone den accion.

4: Semper sorpresa y cliente! Bo mester tin algo pa “waw” e wowonan di e cliente, por ta algo gratis, un descuento no spera, un cadeau-bon, pero mester tin algo pa e cliente keda sorpresa cu ne. Por test varios strategianan pa check cual ta fit mihor pa bo clientenan.  E factor di “waw” aki lo exigi e cliente pa bin bek serca bo cada bes cu e mester di algo.

5: Crea ambiente di “hands-on”, “Wear-it”,  “Tast-it”!! Den tur loke bo ta bende, clientenan kier experimenta kico e ta, dus mester por test e, bisti’e of proef e. Den Herbalife, nan ta duna bo un shake gratis pa asina bo por test e producto pa despues bendebo e plan mes cu nan tin, esaki ta nan strategia cu ta funciona hopi bon pa nan.

Si ta cosmetic bo ta bende, bo mester sinta e cliente pa make-up e pa asina e por mira con e producto lo keda riba su cara y durante di e etapa aki, lo bo tin tur e momento pa duna informacion y bende e cliente. Si bo ta bende cuminda, pone algo pa e cliente “Taste” e smaak y duna comentario. Kisas ta algo nobo y e clientenan mes lo dunabo e feedback cu bo tin mester di dje! Corda cu e cliente lo bisabo tur loke bo mester hasi pa sigui bende e mes mas biaha!

Danki pa e comentarionan y si tin pregunta por lagamisa y mi por duna mi opinion of blog riba dje pa mas hende por lese! Blessings Steve

stevefrancees@hotmail.com www.stevefrancees.blogspot.com (297) 7380777 (Aruba)

E problema mortal di tur empresa!

E problema mortal di tur empresa!

Scirbi pa Steve Francees,  Marketer / Blogger

Esaki ta “promocion” pa loke bo ta bende!!! Si, hende no sa kico bo tin, ta hopi difisil nan cumpra loke bo tin y esaki ta un problema mortal cu por costa hopi dolor di cabes!.

Un bon producto sin promocion lo no bende, y asta un mal producto cu bon promocion ta bende door di e promocion.

Jammer cu negoshinan ta lanta y ta inverti den tur cos menos promocion y despues ta keda pega cu producto door cu ningun hende no sa di nan.

Tambe wholesalers mester hasi promocion pa promove nan linja di producto pa asina juda e bendedor bende mas, promocion mester ta “pan di tur dia” dus no por lage pa un temporada solamente of net ora cos ta slow, mester promociona tur ora bai.

Strategia di promocion: E problema mortal tambe por ta den e tipo di promocion cu bo ta usando y tambe e ciclo di promocion.

Tur media tin su infuencia riba un grupo den nos Mercado, pero  bo mester promove den e “target-market” cu ta fit cu bo productonan. Manera awor den e Mercado bo ta haya hopi panja di Colombia, door cu e Mercado Colombiano ta grandi vooral aki na Aruba pero tin Mercado pa otro paisnan tambe. Negoshinan cu ta bende panya Oropeo tin su clientela y e meccado aki ta hopi potencial, door cu nan ta cumpra varios mil florin door cu ta gusta marcanan Oropeo. Dus e tiendanan aki ta target riba e Mercado Oropeo den nos Mercado.

Ciclo di promocion: Ta hopi difisil pa djis saca un anuncio of post algo riba Facebook of Instagram y haya resultado direct, den mayoria caso esaki no ta asina, pero mester plania un ciclo di promocion. Scohe kisas 2 bes pa siman pa promocion fuerte riba Facebook, usa Corant riba dianan espesifico y laga esakinan core segun un schedule. Bo website ta importante y mester tin su updates tur siman si ta posibel, y e design mester ta atractivo. Bon potret ta sumamente importante pa duna un bon imagen di loke bo kier promociona.

Placa inverti: Mester saca un budget pa promocion tur anja di nobo, mester inverti den promocion pa asina e Mercado por keda atento na loke bo ta bende! Placa inverti di mas den promocion NO ta perdi, pero placa menos inverti den promocion lo ta desastroso.

Cuanto mester inverti?: Wel esaki ta depende di varios factor pero lo mi duna bo un mas simpel!. Inverti minimo 5% di omzet den promocion, dus si bo omzet di dia ta Afl. 1000,- bo mester inverti Afl. 50,- den promocion pa dia!

Dus pa luna bo budget di promocion lo ta Afl. 1250,-  y bo omzet lo ta rond Afl 26.000,-. (esaki ta djis un splicacion general, pa duna bo idea)

Anyway!, dus si bo kier  bende 26.000 pa luna lo bo mester inverti por lo menos dos luna prome cu bo bende, dus bo mester inverti Afl. 2500,- den promocion prome cu bo bende Afl. 26.000,- , y mantene tur luna e bedrag di Afl. 1250,-.

Si, bo tambe ta lesando mi blog, ta great di sa esey y si bo tin pregunta, sigur lo mi contestanan.

Blessings Steve

stevefrancees@hotmail.com  www.stevefrancees.blogspot.com

Online Marketer/Blogger

ONLINE MARKETING-WEBSITES – SOCIAL MEDIA – STRATEGIST - DESIGN

(297) 7380777

Photoblog: www.franceessteve.com

Bendedor ambulante ta den style bek?

Bendedor ambulante ta den style bek?

Scirbi pa Steve Francees

E manera di mas antiguo di benta ta y tabata di bai serca e cliente na cas, bati porta y ofrece bo productonan. Mi ta corda den mi infancia, den e temponan ey na Hulanda, mi tabata gusta ora e melkboer tabata bini door cu e tabata trece e lechinan den boternan special y tabata laga nan dilanti nos porta y despues di algun dia e tabata bini atrobe, busca esun bashi y entrega esun nobo. Wel mi tata tabata mester a paga e lechinan, pero nunca mi no a mira e transaccion aki. Dus e melkboer tabata bini te nos cas pa bende lechi di su bacanan. Esaki tabata pasa masha hopi te cu empresanan a bira asina bon structura cu departamentonan y ta hasi propaganda pa asina e prospectonan por bin te serca nan pa asina nan cumpra loke nan tin pa bende, dus e prospecto mester bai te serca nan pa cumpra. Enbes di e bendedor bai na cas, awor a bira cu e prospecto mester bai serca e negoshi y bendedornan awor ta den e negoshi, spera prospectonan drenta pa “mira” kico tin pa asina por bendenan.

Awe mi tabata biahando di Tilburg pa Rotterdam pa un reunion y den trein, mi a wordo aserca pa e mucha homber cu tabata bende su productonan y bo por paga online tambe door cu e tin un pin-machine wireless hunto cu ne. Mi a echt gusta esaki door cu e bendedor aki a bin te serca mi pa ofrece su productonan, wel, bastante caro tambe, mi a cumpra un Coca Cola pa 2 Euro, cu ta bastante placa pero, mi awordo aserca pa un bendedor pa cumpra su productonan. Ora bo tin sed, wel, lo bo paga loke sea pa un refresco, y esey e hoben aki a hasi.

Bendedor ambulante lo aumenta bek den nos mundo moderno, kisas bo ta pensa duro, cu si berdad ta asina, wel si bo logra aserca un prospecto cu bo producto, na e ora cu mas e mester di e producto ey, lo bo bende sigur, maske e prijs ta mas, y mucho mas halto cu normal!

No warda pa e prospecto bin serca bo, pero busca tur ocacion pa abo jega serca e prospecto y ofrece bo producto y servicionan!

Cuminsa incorpora e concepto di bendedor ambulante den bo negoshi, kisas den prome esaki lo ta stranjo, pero si bira mas creativo, por bini cu strategianan nobo pa asina por crea extra entrada den e concepto aki!

Blessings Steve Francees, Business Blogger, Online-Marketer  stevefrancees@hotmail.com  www.stevefrancees.blogspot.com