Dicon ideanan di Startups por faya y con evita esaki.

Dicon ideanan di Startups por faya y con evita esaki.

Scirbi pa Steve Francees

Bo sa cu tur dia, tur hende ta haña un bon idea y ta kere cu esey ta e mihor di mundo y e pret ta cu ora abo haña un bon idea, ta 10 mas den mesun Mercado cu bo ta,ta haña e mesun idea, dus bo no ta bo so, ni maske con bon e idea ta.

Loke ta bai hasi e diferencia ta, cu ta ken lo bai executa e idea ey y lage bira realidad.

Ta pasa hopi cu bo a pensa algo y despues di algun luna bo ta mira cu un otro a bai hasi bo mesun idea, ta parse cu nan a lesa bo pensamento y a haña sa di bo idea!!!

Anyway, ban check kico ta e problema!

Tin dos base pa un bon idea pa  startups!!

A: Un idea cu bo tin pa e Mercado

B: Un problema den e Mercado cu abo por tin e solucion

Mayoria persona ta bin cu punto A, dus nan tin un idea cu segun nan ta kera cu lo ta un bon negoshi.

Pero esun di dos ta diferente, esaki ta cuminsa prome den un buskeda habri, dus hasi un research habri pa busca tur e problemanan no satisfice den e Mercado y abo por hasi un reseach y si e mesun problema ta keda bini ariba, y si abo tin e solucion, esey lo ta un bon idea pa startups.

Mayoria startups cu ta faya ta sali mas di punto A y no B!!!

Un ehempel clasico: Ban pone cu tia ta bon den traha pastechi na cas, tur sobrinonan y famianan ta bai ora e ta traha pastechi pasobra e ta bon den esey. Pa caba biaha e ta traha 25 pastechi pa su famia y nan ta bai masha lihe, vooral ora tio Mario jega, pasobra e so ta come 3.

Wel,  e storia ta sigui cu un di e sobrinonan a haña e bon idea di cuminsa comercialisa tia su pastechinan. Nan ta papia cu e tia cu nan kier cuminsa bende pastechi pa hasi algo di famia y tabata un bon idea segun e sobrinonan.

Nan a didisi di bende pastechi mainta na cas di Tia, door cu tio Jopi ta traha security anochi y mainta e ta na cas dus nan kier pa tio Jopi para den un kiosko cu nan a traha cu ta habri pa caya den cura di Tia.

E cas di Tia ta keda no riba un caminda principal dus mester pone un borchi pafo riba caya principal.  Den e prome dia nan a bende 18 pastechi, di unda 16 awordo cumpra pa e propio sobrinonan cu a pasa cumpra prome cu bai trabou y tambe ya Juan a tuma 3 riba credit y lo paga pa fin di luna.

Despues di 5 dia ya e sobrinonan no por bin te serca tia pa cumpra y door di e borchi pafo nan a bende 5 pastechi cu e trahadornan den construccion na cas di e bisiña. Despues di 8 dia ya tio Jopi ta cansa di traha bende pastechi door cu e tin soño door cu a traha overtime e dia prome.

No tin ningun hende pa para bende pastechi y tia mes tambe tin cos pa bai paga dus no por keda cas y a disidi di sera e dia ey. Despues di 10 dia tur cos a caba na “aroz con coco”.

Otro ehempel: Maria ta core autobus y ta hopi interesa den lanta algo pa su mes y a disidi di tuma un les di empresa di Business Plan. Su idea tabata pa lanta un boutique di paña pero durante di e les e la haña sa cu e mester hasi un research pa check cual ta e problemanan den e Mercado y tambe si e tin e solucion. Segun Maria ta hasiendo su research a haña sa cu toch tin un segment den e Mercado cu gusta come pastechi pero nan ta willing pa cumpre frozen y na cas nan mes mainta ta hase den panchi pa asina nan bai trabou cu ne. Dus nan no por traha e pastechi pero si ta willing pa hase mainta den panchi pa bai scol of trabou.

Maria ta aserca su tia cu e posibilidad pa traha pastechi no hasa y cuanto esaki lo costa na cost (Food-cost).  Maria, tambe a pasa na 28 supermercado y 12 a bisa cu nan ta dispuesto pa bende e pastechinan frozen y 3 Supermercado a trate masha malo mes!!!. Despues di evalua, puntra aki y aya, scirbi y analisa tur e gastonan, Maria a mira cu tin un manera cu e por genera placa y tambe asina juda su tia na cas. Maria ta papia di e otro sobrina pa jude traha e pastechinan tur diasabra atardi na cas di tia. Maria ta inverti den freezer y alogra pa page den 12 luna sin interes y un cumpracash un mesa grandi, cumpra un KitchenAid grandi y tur cosnan di cushina cu mester y tambe saconan grandi di hariña, tambe a order saconan di plastic cu nan zip cu e logo di “Tia Pastechi” riba dje. NA final a cumpra tur loke mester pa traha pastechi. Maria a bai habri un negoshi na KvK y a cuminsa entrega na e 12 supermercadonan cu lo bende nan. Door cu Maria ta constant riba caya, e entrega di pastechi no ta nada di molester. Despues di 6 dia e prome supermercado a jama pa pidi mas y den 10 dia tur e otronan mester a bai pa entrega. Pa 8 luna  Maria e keda traha tur diasabra y awor tambe diamars atradi y diahuebs tambe door cu e demanda a bira mas tanto. E negoshi a cuminsa genera y nan por a drecha e cushina y tambe cumpra otro tiponan saconan di plastic cla pa pone den microwave.

Asina e historia a sigui y awor Maria a huur su bus na Andres y awor a dedica su mes completamente na “Tia Pastechi”

Wel wel, dos storia cu e mesun producto, pero tur dos a cuminsa diferente.

Busca loke ta e problema den e Mercado y esey ta prome paso pa exito!

Un dia cu exito y hopi productive,

Blessings Steve

Stevefrancees@hotmail.com (297) 7380777 www.stevefrancees.blogspot.com

3 “dicon” hende no ta cumpra bo producto /servicio

3  “dicon” hende no ta cumpra bo producto /servicio

Scirbi pa Steve Francees, business blogger

Hopi biaha ta puntra bo mes dicon tin hende ta scohe pa paga mas pa esun producto siendo cu e por haye mas barata serca un otro.

Cuando biaha nos mes ta bai mas lew di unda nos ta pa bai cumpra algo cu toch por haye mas serca y tambe mas economico pero toch nos ta scohe pa bai mas lew di unda nos ta y paga mas.!!

Wel tin tres dicon hende no ta cumpra!

E prome ta cu, nan no kier loke bo ta bendiendo, hende por scohe kico nan kier cumpra y esey ta nan derecho, pero na otro banda bo no por sinta warda te ora cu nan kier cumpra pero mester cuminsa educa e prospectonan cu bo producto ta loke nan tin mester. Mas bo educanan y hasinan conciente di e balor di loke bo ta bende, mas rapido lo bo cambia nan manera di pensa, di toch bai cumpra loke bo tin di bende. **Hopi biaha ta faya den marketing, ta pensa mucho pa promociona loke tin y no ta educa e Mercado di e beneficionan di loke bo tin.

Di dos ta cu nan no tin placa, esaki ta hopi comun y door di esey awor tin tanto negoshinan cu ta financia nan productonan, cumpra y paga aki 6 luna, of 12 luna sin interes etc. Ora no tin placa, mester bira creativo y akinan e negoshi mester bin cu solucion y lo mejor ta duna credito. Dus facilta e benta di e productonan, negoshinan ta hisa e prijs un tiki pa asina por duna credito unda e cliente por paga poco poco.

Di tres ta Confiansa, esaki no tin nada di haber cu e dos promenan pero confiansa ta masha importante, negoshinan mester duna confiansa na e prospectonan pa haya confiansa bek, mesun cos cu den un relacion cu un persona. Confiansa aki na Aruba ta hopi importante door cu tin  hopi di mesun cos y confiansa lo hasi e diferencia y laga e prospecto toch cumpra serca bo. Tin negoshi tin tremendo producto pero no alogra haya e confiansa den e Mercado y si esey ta e caso mester traha duro riba esaki. Loke si mi por bisa ta lo siguiente: Den mas confiansa e trahadornan ta traha, mas confiansa nan ta demostra den nan trabou, esaki ta refleha den nan trabou y akinan management tin un rol bastante importante pa crea bon confiansa den henter e ambiente na trabou.

Blessings Steve Francees (297) stevefrancees@hotmail.com

Ofisinanan virtual pa Neo-structura di empresa!

Ofisinanan virtual pa Neo-structura di empresa!

Scirbi Steve Francees

E mundo di empresa ta den un desaroyo bastante fuerte y esey por mira vooral ora mester meet cu awor mas café ta wordo usa como base pa reuni y esey e ultimo 2 añanan a conoce cambionan.

Antes tur reunion tabata wordo hasi na ofisina mes y tabatin un sitio pa reuni pero awor cu mas empresa ta bayendo mas virtual y tambe kier reuni den ambientenan cu ta mas creativo ta scohe pa reuni den café y na mesun momento a habri un otro opcion cu ta sitionan pa reuni cu tin mesun of mas comodidad cu e ofisinanan tradicional.

Awor Aruba tin sitionan cu bo por huur pa asina por hasi reunionan eynan cu ta masha profecional y tin tur loke un ofisina mester tin pa funciona riba un nivel pero ta base di paga pa ora of pa dia, segun e uso di oranan cu bo mester.

E structura aki di asina “ofisinanan virtual” y tambe e structura di “co-working” ta e siguiente “hit” cu Aruba tambe lo conoce y cu mundialmente ta hopi “in”.

Actualmente e neo-structura tey caba y tin dos compania cu ta duna e servicio di co-working cu ta Colab na Dakota y tambe Aruba Branch cu tin e structura completo di “ofisina Virtual”. Colab ta mas co-working y ta ideal pa startups trahando hunto y nan décor ta mas juvenil y nan ta cobra pa mesa den e local cu nan tin y e doñonan ta jong cu hopi energia y esey ta hopi bon. E otro cu ta Aruba Branch ta mas formal door cu ta riba un nivel ehecutivo y tin tur loke un ofisina mester tin manera, stoel y mesanan di cuero, cu flat screen TV, cu secretaria y tambe tin localnan pa huur pa reunionan di mas of menos 8 hende, y nan tin varios di esakinan y tambe tin un sala grandi cu ta carga segun ami 60 hende sinta style di theater hopi bon pa brainstorming den grupo grandi. ! Aruba Branch tambe tin cushina, y sitio pa usa como lounge style asina y tambe bo por tin bo adres di negoshi sercanan pagando un fee pa luna. E lugar ta hopi espacioso y grandi y sigur ta un bon opcion pa empresarionan por tin nan ofisina virtual completamente ekipa y paga pa ora of pa dia.  E sitio ta bon prijs y hopi comodo y sigur un bon opcion pa empresanan cu no mester di un sitio fisico constant, pero mester di djis un sitio kisas dos dia pa siman asina of mester reuni un biaha pa siman. E comodidad ta superb y sigur un bon opcion pa un ofisina virtual.  Awor cualkier profecional por traha virtual-mente y esaki ta e solucion. Colab su website pa mas informacion ta www.colab-aruba.com (Anasastraat-Dakota)y esun di Aruba Branch ta www.arubabranch.com (Frankrijkstraat #9, Playa) pa mas informacion y nan servicio ta excelente.

Blessings Steve Francees (297) 7380777

Un idea pa startup cu sigur lo ta “hot” pa 2017 aki na Aruba.

Un idea pa startup cu sigur lo ta “hot”  pa 2017 aki na Aruba.

Scirbi pa Steve Francees, Business Analyst/blogger

Nos Mercado local ta desaroyando y esaki ta bon door cu tambe ta aparece problemanan nobo cu sigur un startup por tuma bentaha di dje.

E Mercado actual tur tin menos tempo y tur hende ta busca e oportunidad pa gana tempo pa asina por dedica mas na famia  y tambe cosnan cu nan gusta hasi.

Awe lo mi blog riba un idea di startup cu sigur lo ta exitoso pa 2017 y esun cu hasi esaki bon of tin e mihor strategia lo gara e Mercado cu ta e negoshi di “Delivery”.

Awor aki nan Aruba ta solamente Pizza hut y Domino pizza ta hasi esaki efectivamente pero sigur pa 2017  e servicio aki lo conoce un ‘booom” bastante fuerte.

Pa 2017, lo bo haya mas supermercado y empresanan vooral den consumo directo lo bai pone esaki den funcion, door cu ya e hendenan no kier sali di nan cas mas despues di ajega cas, si nan mester di manera pan-keshi-Becel-Bacoba etc nan por jama e supermercado di mas serca, of esun cu tin e servicio aki y duna nan lista di productonan y den 1 ora lo nan por haya e productonan na cas y por paga cu ATM via e systema mobile cu ya tur banco tin esaki.  Negoshinan vooral, supermercado, take-away, restaurant mester implementa e servicio aki door cu nan benta lo sigui baha si nan no hasi’e. Hendenan tin menos tempo pa bai supermercado of bai te restaurant pa pidi y busca un cuminda. Manera loke Ling & Sons tin bon ta nan cuminda merdia y tambe nan sopi, dus si nan ta “sabi” nan por implementa e servicio aki special pa e clientenan cu ta traha serca den Playa, asina e clientenan ta haya nan cuminda te na trabou y ta hopi banco y ofisina tin serca di nan. (BTW esaki ta propaganda NO paga, pero ta djis duna un conseho, ami no conoce e doñonan nobo tampoco).  Esaki ta pa cuminda pero tambe ta conta cu Beauty Salon cu por duna servicio na cas, cu nan por implementa un servicio-mobile dus te na lugar di trabou of na cas.

Ya tin algun supermercado cu ta dunando e servicio di hiba e comestibel cas pero no e servicio di pidi y paga ora e servicio jega bo cas y tambe nan ta hiba ora cumpra pa henter un siman of mas cu un siman.

Awor e servicio lo mester ta tambe pa pedido bou di fls 100,-, kisas nan mester usa scooter cu un baki mas grandi patras y tambe bisicleta si ta den e area mes cu e cliente ta biba.

Aruba ta bayendo den e direccion ey y sigur lo jega tambe!!!

Tin masha hende cu ta traha lew di cas cu no tin tempo pa bai cumpra cos, of ta di edad y e yunan no por hiba trece door cu nan tambe ta ocupa of asta no ta biba na Aruba, esaki ta pasa masha hopi mes. Tambe tin hende cu no tin auto pa hasi compras grandi y por hasi uso di e servcio aki. (**wel Aruba tin hopi auto, pero te ainda tin hende sin auto).

Manera tin hende ta prefera di bai te Bright Bakery pa cumpra pan y no cumpre na Supermercado, door cu nan ta bisa cu e holor ta original y esun di Supermercado tin un holor straño, mesun cos cu keeshi, dus un hende asina por jama e servicio di Delivery pa trece  2 kipashi y 5 ons di keeshi, 3 dinner-rolls te na cas y ta asta dispuesto pa duna un “tips” pa e trece te cas.

E servicio aki lo cambia e manera cu ta cumpra y pa 2017, ta yen di brommer chikito lo bo mira ta core rond ta reparti comestibel pa varios supermercado, restaurant, material di construction etc.

Gasoline y parts pa auto tur dia ta subi di prijs y menos bo usa e auto ta mas bo ta spaar y tempo tambe ta hunga un factor masha importante.

Dus cu otro palabra pa 2017, lo nos bai mira un avalanche di scooter y brommer ta core rond repartiendo Delivery y si bo ta den e negoshinan aki, wel mihor cuminsa check con pa implementa e servicio aki.

Steve Francees, Market & Business Analyst, blogger (297) 7380777 stevefrancees@hotmail.com  www.stevefrancees.blogspot.com

*Ps. Mi no ta wordo paga pa blog, pero ta ideanan cu bo por usa y por saca bentaha di dje cu bo startup pa 2017.

**Algo mas:

Tabatin den pasado varios compania di delivery pero no a sigui, kisas e Mercado no tabata cla pe ainda den e tempo ey pero awor si ta cla.

Pa un compania gara e Mercado, nan mester hasi dos cos, 1: Concientisa e Mercado di e bentahanan di e servicio aki 2: Na mesun momento, indica bon cla cu “nan” ta e solucion pa hasi e servicio aki.

*E manera mas fasil pa e marketing ta traha un flyer y reparti’e personalmente den bario of den e segmento di Mercado y tambe entrega un magneet cu nomber di e compania di Delivery riba dje pa pone riba ijskast.

Pa mas pregunta of informacion por contact mi sigur! Blessings Steve Francees

5 punto importante pa un marketing Plan pa STARTUPS.

5 punto importante pa un marketing Plan pa STARTUPS.

Scirbi pa Steve Francees

Ta hopi great cu ultimo añanan mas personanan comun y coriente ta penando den Startups y ta trahando tambe riba nan. Mi mes tambe ta docente di Business Plan na IDEA y e aña aki tin un record di participante cu ta algo hopi bon.

Pa cuminsa mi kier bisa cu si bo a studia marketing mas cu 15 aña pasa manera ami, bo mester actualisa masha rapido mes door cu e strategia, channel, tools a cambia masha hopi mes y content di e mensahe ta #1 awor den tur loke bo hasi como marketer. Tambe mi kier bisa cu e aspecto “emocional” den bo strategia di Marketing ta sumamente importante, mas importante cu bo ta pensa.

Hopi empresa ainda no ta conciente di e importancia di e red-nan social y nan importancia den e Online-Marketing di e empresa y e marcanan cu nan ta representa!

Any way, lagami bai riba e 5 puntonan cu tur Startups mester tene cuente cu ne.

1. Prome cu bo bin cu e strategia bo mester sa kico e empresa kier logra, kico ecxactemente ta e meta cu nan kier logra. Esaki tambe ta pa cada producto of servicio cu nan ta ofrece. Tin servicionan cu mester implementa cu no ta genera placa pero ta juda e servicio cu si ta genera placa. Mesun cos pa productonan cu bo mester tin den stock of den tienda pero cu no ta genera hopi pero mester tey pa pusha otro productonan cu si tin un margin mas grandi. Cada departamento lo mester tin un meta cu na final hunto lo bira e meta general di e startup. Dus pone na un manera fasil kico ta e meta cu mester wordo logra den branding, benta pa luna/siman/dia etc, cultura cu bo kier promociona, cual producto y servicio bo kier lansa y kico lo ta e meta. Esaki ta varia pa cada startup.

2. Scohe ken lo ta e target, of cu otro palabra ken lo bo kier como cliente. Hopi biaha cu bo ta puntra un startup, ken lo ta boso clientenan  y nan ta contesta, wel, tur hende, y e contesta aki ta e prome fracaso door cu no por bende pa tur hende pero bo mester busca e segmento di e Mercado cu bo kier pa bira bo cliente. Un ehempel, bo por scohe, juf di scol cu ta bou di 45 aña, dus bo target-segment lo ta e grupo aki, kisas despues di a analisa e Mercado y tambe e potencial den e Mercado, bo a haya sa cu e segment aki ta potencial, door cu nan ta trendy y tin e poder financiero pa cumpra loke bo lo bai ofrece. Dus den tur strategia di marketing, interior design, business model etc lo mester ta enfoca riba e segment aki. Tin nesgoshinan cu ta bende un producto masha caro mes, door cu nan calidad tambe ta hopi superior cu e “otronan” y nan no mester di tanto cliente, door cu cada cliente cu drenta ta cumpra miles di florin na mercancia y ta suficiente pa nan cubri tur gastonan di operacion y ainda gana placa como empresa.

3. Strategia di comunicacion. Ami ta gusta tende y conta storia y asta ta inventa storia dia nos yiunan tabata mas chikito y nan tabata gusta masha e storianan cu mi tabata inventa. Wel,  hende grandi tambe gusta storia door cu esey ta atrae nos tur y cada startup mester disidi con e ta bai comunica cu e prospectonan y tambe mantene e clientenan activo, pensando riba e empresa su producto y servicionan.  E manera mas malo di comunica ta purba “bende” loke bo tin, esaki ta propaganda y propaganda ya no ta funciona mas manera antes. Henda ta cansa di tende abo bisa kico bo tin y nan no kier tende esaki. Ya caba nan ta wordo bombardia cu masha hopi anuncionan cu ta purba bendenan algo, dus e startup mester bini cu un strategia nobo pa asina drenta di porta di cushina serca e prospectonan. Scohe e strategia con lo bo bai usa y cual storia y strategia lo bo mester usa pa atrae y retene clientenan pa bo startup.

4. Sa cual herment of canal di Marketing lo bo bai usa pa hasi nomber mas conoce y respeta den e Mercado y segment di target-market. Antes tabata usa corant, dus tabata cumpra espacio den corant y tambe radio pa asina posiciona bo Branding fuerte den e mente di e Mercado, awor tin asina tanto cambio den structura di comunicacion cu bo mester scohe cual lo bo bai usa. Canal tradicional te ainda tin su fortalesa, pero no tanto mas manera antes y ami ta echt kere cu Online-Marketing mester tey presenta den un startup como canal di preferencia. Awor casi 95% di nos Mercado-consumidor ta online y ta eynan mester posiciona como startup y vooral si ta algo di negoshi online/offline. Ami ta kere cu tur negoshi mester bai online, vooral cu aki na Aruba nos ta biba di turismo y casi 85% di nos entradanan ta bini directo y in-directo di e sector turistico. Tur turista cu bini Aruba ta check tur cos online, sea ta restaurant, watersport, atraccionan turistico, cine, beauty salon, wel nan ta check tur cos online y si bo no tey online ta nifica cu bo no ta existi, as simple as that!.  App ta algo hopi bon pa asina e clientenan por download pa asina keda den contact cu bo servicionan. Dus mester tin un balans entre canalnan tradicional y tambe Online. Den e strategia di e startup esaki mester ta bon defini y tambe tin un strategia pa cada un e di social-media cu lo bo bai usa. Cada un di e social-media ta diferente, Facebook, Twitter, Instagram, youtube, nan tur ta diferente y cada storia cu conta mester ta diferente den cada un. Akinan content-marketing ta bira sumamente importante. Instagram ta creciendo masha fuerte mes y bo stratup por beneficia di dje masha bon mes. Ahan, otro cos, ningun Social-Media ta gratis, esaki ta un denk-fout cu empresanen ta hasi, “nada” cu ta bon ta gratis!!!!!! Nos tur sa esaki, loke ta gratis no ta sirbi y hopi biaha empresanan ta laga nan sobrino of yiu traha riba nan Social-Media y kere cu nan lo haya resultado y ora nan mira cu esaki no ta funciona ta core bisa cu Social-Media no ta bon pasobra no ta funciona pa nan, pero mi shon, si laga cualkier persona cu no tin nada di estudio, tampoco sa di strategia di marketing traha riba algo asina importante, lo no tin exito, y loke por pasa cu nan lo “daña” bo bon nomber cu bo tin y cliente kisas asta por bai lagabo door cu e presencia online ta pober compara cu e competencia!.

5: Monitor tur loke bo hasi den marketing: For di comienso ora traha riba e planning di e startup, bo mester pone con lo bo midi e efectividad di e esfuerso den marketing. E monitoring di e efectividad mester ta den e planning di Marketing y tambe den e business plan mester tin e fecha pa para y revisa tur cos, cual canal ta funcionando y cual no y busca tambe e pakico sea ta bayendo bon of ta bayendo malo.

Ultimo tip como bonus pa awe::: Prome cu bo lansa un strategia di marketing, trece algun hende cu ta creativo y conoce e Mercado na mesa y traha un focus-group pa asina bo haya mas ideanan hunto pa crea un strategia mas fuerte.

Pa cualkier pregunta of observacion por tuma contact cu mi libremente y tambe pa consulting lo mi ta habri pa combersa y duna opinion. Hopi exito cu bo startup, Blessings. Steve Francees, (297) 7380777 stevefrancees@hotmail.com www.stevefrancees.blogspot.com