Dos manera pa saca beneficio di Mundial 2014!

Dos manera pa saca beneficio di  Mundial 2014!

Scirbi pa Steve Francees

Hende ta gusta pasa bon y sinti nan mes parti di un grupo y den mundial esaki ta hopi bisto. Tin persona asina fanatic cu ta kita “friends” riba FB di amigonan cu a papia malo di nan team di futbol, te asina lew nan ta bai, nan ta pleita manera ta nan mes ta hungando y tin cu tin varios dia ta yora y asta a comete suicidio door cu nan pais a cay afo. Deporte ta un tremendo oportunidad pa subi benta cu ta crea sensacion cu hopi emocion. Awor tin dos manera pa saca beneficio di mundial.

1: E prome grupo ta e persona cu ta bai cumpra su jersey di su pais y ta bai un sitio pa mira e partidonan, nan ta cumpra snacks, hasi tremendo happening na un sitio of na cas. Dus personanan cu ta inverti den pasa bon y gosa di e mundial aki.Cumpra banderanan y sticker pa decora nan auto,cas, ofisina y asta den baño.

2: Di dos grupo ta esunan cu ta crea e espacio pa “fanaticonan” bin serca nan, na nan negoshi pa mira e partidonan, esunan cu ta bende e articulonan di propaganda cu e fanaticonan, restaurant/barnan cu a modifica nan interior di nan empresa pa asina mas “fanaticonan” por bini mira wega y asina nan por bende cuminda,bebida y laga nan gosa di e partidonan.

Dus uno ta consumi y e otro ta bende, hopi simpel y fasil pa compronde, pero na final di mundial lo tin resultadonan diferente. Grupo 1 a gosa pasa bon, pero no a saca bentaha economico di e activividadnan di mundial, grupo 2 a traha mas duro, bende pero awor a keda cu e beneficio di tin mas cashflow y sigur ganashi pa e su empresa.

Por a mira asina tanto persona cu a inverti tur loke nan tabatin di salario den e weganan di mundial, door cu nan ekipo a gana y nan a gosa masha hopi mes, pero na final no a keda cu mucho cash.

E comerciante mester pensa diferente cu tur otro hende, y esaki ta e diferencia, no ta pensa den gosa awor pero gosa despues, saca mas probecho di e situacion pa promove su servicio/productonan, bende mas y crea mas promocion pa su empresa.

Mundial 2014 a crea mas milionario cu tur otro mundialnan cu a existi, empresanan cu ta masha lew di Brazil a  bende masha hopi mes sin mester bai Brazil. Tin lista largo di personanan cu a saca super bon probecho di Mundial 2014 y awor ya nan ta cla pa baha cu pensioen. Awor ta bon pa para keto un rato y puntra bo mes, ta den cual grupo bo ta cay of den cual grupo bo empresa ta cay y ainda por hasi algun ajustenan (June 30^th) door cu falta dos siman mas y a cayente di Mundial ta birando mas fuerte tur dia, dus den e last-lap aki te ainda tin oportnidad pa saca mas probecho di mundial.

Dos manera cu por a saca beneficio di Mundial 2014, Blessings Steve

(297) 7380777 www.stevefrancees.blogspot.com

Corta y laga bai! Pa ciclo nobo habri!

Corta y laga bai! Pa ciclo nobo habri!

Scirbi pa Steve Francees

Tur dia nos ta encontra cu hendenan cu kier rebiba morto, nan kier sigui hasi tur loke a hasi antajera cu awe ya no ta sirbi mas. Hopi duro pero berdad, pero nos mester acepta cu tur madures cu bida tin ciclonan cu mester wordo respeta y ora un ciclo ta serando, esey ta nifica cu un otro mester habri, mesun cos cu ora bo ta lesa un buki, pa bo habri un capitulo nobo bo mester caba di lesa esun bieu y kita bo mirado di esun bieu y cuminsa figa bo bista riba esun nobo. Esaki ta loke bo mester hasi, tin asina tanto cos cu bo ta manteniendo ainda, cu ta practicamente cadaver cu no lo biba mas, door cu e ciclo a pasa caba, mas bo tene na e ciclonan aki, mas bo ta stroba bo mes di drenta den un ciclo nobo. Ciclonan ta den tur areanan di bida y cu madurez y pensa cu nos mente, y menos cu nos emocionan. Emocion lo stroba e proceso di sera ciclonan, cuanto biaha nos ta keda pega cu algo emocional demasiado tempo y na final nos ta ripara cu tabata mihor pa djis a tuma e decision y sigui pa e siguiente ciclo. Corta y laga bai!!!, Un di mi hobbienan ta pista na e baranca entre Phoenix y La Cabana y cuanto biaha ora e haak pega y mal pega, ni maske kico bo hasi, e no ta sali, wel a keda solamente un decision, corta y laga bai y awe ta e dia pa tuma un decision. Tin cosnan nobo na caminda, oportunidadnan nobo, areanan nobo, negoshinan nobo, mercado nobo, producto nobo, empleadonan nobo, asta hefenan nobo, pero mester hasi cambionan pa asina e ciclo nobo por habri. Un decision cognitivo y menos afectivo, djis corta y laga bai. 

Den empresanan tambe tin ciclonan, tempo pa inverti, tempo pa planta, tempo pa mira e cosecha no bai dje bon ey, tempo pa mira un tremendo cosecha, tempo pa laga e tera descansa, tempo pa bo mes tuma un descanso y tempo pa bolbe cuminsa di nobo. Ta den e ciclonan aki cu empresanan ta perde vicion y ta sera, door cu no sa den cual ciclo nan ta na e momento ey. E ciclonan aki semper tabatey y semper lo existi. Un aña tin 12 luna y no tur ta lunanan pa cosecha y pa maneha un empresa ta mesun cos cu e cunukero cu mester respeta e ciclonan natural cu Dios mes a pone. Rey Salomon a bisa den Eclesiastes, cu tin un tempo pa tur cos bou di shelo y bo mester diversifica den bo invercionan y planta den varios cunuconan, door cu bo no sa cual lo produci mas, asta e ta bisa pa inverti den 7 of 8 cunuco diferente. 

Tin ciclo den tur cos y awor nos ta drentando temponan cu ciclonan lo habri y sera mas rapido cu nunca, ajera e clientenan tabata “loco” cu e producto, ya awe nan no kier e mas door cu ta “outdated”, increibel, pero esaki ta ciclonan. Ami ta gusta Rey Salomon su consehonan, y el a bisa cu no perde tempo pa keda mira si awasero lo bini, djis planta y kere cu e awesero lo bini, hopi empresa ta wardando e momento apropia jega y esaki lo no sosode, ta abo mester crea bo propio tempo apropia. Tuma curashi y inverti den loke bo ta kere den dje, hasi tur loke ta den bo alcanse pa hasi y confia Dios cu E lo manda e awasero di clientenan pa bo. E unico cos cu lo por strobabo ta bo mes, door di laga miedo strobabo di sera e ciclo bieu y tuma e curashi pa drenta den e ciclo nobo, y duna bo 100% y lo mira e resultado! Blessings Steve

(297) 7380777 (Whatsapp) stevefrancees@hotmail.com

www.Stevefrancees.blogspot.com 

Empresa saludabel VS Bira un Empresa grandi

Empresa saludabel VS Bira un Empresa grandi

Scirbi pa Steve Francees

Tin un mentalidad cu tur loke ta grandi ta mihor, ora tin un actividad cu atrae hopi hende, esey tabata mas exitoso, e team di voetbal cu tin mas “fans” ta esun mihor  (aunke nan e perde), e empresa cu e edificio mas grandi y cu mas personal ta mas exitoso y asina mi por sigui menciona hopi factornan externo cu ta formula un concepto di exito. Mesun cos cu un cas, kisas pafor ta mustra hopi bon, pero ora drenta paden no ta mustra loke e pafor ta mustra. Tur empresa kier crece y sigur esey ta bon, pero crece den Kico? den aparencia di pafo? Djis pa hende mira? den mas personal? Of kier habri un otro filial?. Aki mester tin un bon vicion y mester di conseho pa check si enberdad, crece y bira mas grandi ta e solucion!. Kisas e meta ta pa crea mas cashflow y tapesey kier expande den mas servicionan y ta emplea mas personal, amplia e edificio, kisas cumpra un otro sitio, of habri otro filial etc,pero na final mester analisa cu e ideanan aki no ta djis un ego di management y djis kier mustra con grandi e compania ta. Crece bira grandi no ta pa tur empresa, esaki ta zona straño pero ta berdad, cuanto biaha a mira un compania bira grandi y na final ora a revisa e cashflow, enbes di bai dilanti a keda mesun cos, of no a crece manera a kere, pero si, a emplea mas personal, crea mas gastonan di operacion, mas energia hinca den e empresa, menos tempo liber, tabata mester di bijscholing pa empleado etc, tur esakinan tabata parti di e crecemento pero na final di dia, e cashflow no a crece. Aki mi no kier bisa cu crece of expande ta malo, no, mester tin un pakico masha fuerte cu estudionan hasi cu si enberdad e crecemento lo genera mas cashflow.

E otro banda: Tin un otro manera pa mira e mesun meta pa subi cashflow y esaki ta pa hasi e empresa mas saludabel, esaki tin di haber cu eficiencia di cada empleado, bo tabata sa cu un empleado motiva lo traha 33% mas eficiente? Mantene e empleadonan contento mester ta parti di e plan saludabel pa e empresa, empleadonan ta e gasto mayor den cualkier empresa y nan ta e fuente cu lo por produci mas cashflow, door cu ta nan lo bende tur e servicionan cu e empresa tin cu e clientenan, ora un empresa scohe pa mantene su epleadonan saludabel, esaki lo genera mas colegialidad y armonia den e trabou. Un plan saludabel ta pa tin un plan pa structura lo mas posibel e rapides cu e cliente ta wordo sirbi, hasi e servcio mas amistoso y cordial, train persona con pa atende cliente, traha riba e personalidad di e telefonista, e personal di warehouse mester por domina nan caracter y stop di critica cu awor cu nan ta bai sera a bin un cliente, un empresa mester cuminsa prome y disidi di ta saludabel den eficiencia. Mesun cos cu un batayon di soldat, e comandante no por bai guera un un batayon cu no ta uni, si e batayon tin problema entre nan, of falta di informacion, of e otro ta sinti cu e otro a trapa y strobe, un batayon asina no por bai guera y lo no gana ningun guera, pero na final tur lo muri. Mesun pensamento mester tin den un empresa, kiso lo scohe pa hasi prome, bira grandi of scohe pa bira mas saludabel internamente. Cuanto biaha nos a mira un persona cu tabata mustra bon pero despues di algun dia ya no tey mas, y nos tur a puntra nos mes ta dicon?, wel e persona ey nunca a bai  dokter pa check su interior, con saludabel y tabata parti paden, kisas semper el a pone mas enfasis riba kico hende ta mira pero a lubida e parti saludabel, parti paden. Bon pregunta cu tur empresa mester hasi, bira grandi toch ta e mihor solucion? Esaki lo subi cashflow? Of mester cuminsa for di awe cuminsa revisa con saludabel e empresa ta paden, analisa e Mercado cu ta hopi competitivo y check si enberdad e idea pa expande den otro filial lo ta e mihor opcion? Si logra cu cada empleado traha mas efectivo, tin un structura den e trabou, personal motiva y sinti cu nan tambe ta progresando den nan trabou, esaki lo genera mas cashflow door cu nan lo duna mas ainda, nan mes lo bini cu ideanan nobo cu lo genera mas entrada sin mester expande den “bira”mas grandi. Dus lo ideal ta pa scohe pa prome bira un empresa mas saludabel prome y despues e expancion lo sigui. Blessings Steve

www.stevefrancees.blogspot.com (297) 7380777 stevefrancees@hotmail.com