Crea e momento perfecto pa bende!!!

Crea e momento perfecto pa bende!!!

Scirbi pa Steve Francees

Den nos Mercado actual no tin nada cu ta bin cla caba y ta diseña pa jega serca bo, no ta existi cu e mihor deal-nan ta bin cay net dilanti di bo, no ta existi cu bo no mester hasi nada, y djis cosnan bon dimes ta bin den bo direccion. E tempo ey a pasa y awor ta abo mester sali eyfo pa crea loke bo kier logra y esaki ta conta masha fuerte pa bendedornan riba caya. Antes por a bende via telefoon of djis bishita e cliente un biaha e sera e deal, wel, awor, no mas, awor bo mester crea e deal cu bo kier sera. Tur bo clientenan ta wordo bombardia cu productonan similar cu loke bo ta bendiendo, kisas bo ta pensa cu esun di bo ta di mihor calidad, of asta mihor prijs, wel, awor esey no ta dje importante mas. Awor ta conta e relacion cu bo tin cu e cliente, esaki mester bai prome cu tur cos, si e relacion no tey, bo por lubida cu lo bo crece den benta. Bo mester ta dispuesto pa hasi mas cos pa asina por sera un benta, ta exigi mucho mas di bo creatividad, energia y bo tempo. Un bon bendedor mester crea super bon relacion cu e clientenan y mantene esaki tambe, door cu tin hopi otro competencia cu ta target riba bo mesun clientenan. Esaki tambe ta conta pa retail,cu tambe mester tin strategianan pa desaroya e relacion cu e prospecto y clientenan.

Bo mester bira mas creativo den strategianan pa bo por bende y bo mester usa technicanan nobo pa asina por crea un realcion mas fuerte cu e clientenan. E cliente mester sinti cu abo tey pa judanan cu locual bo ta bendiendo y no cu bo tey pa solamente e benta. Si bo tin facebook,twitter of Instagram, bo por juda bo cliente haya mas benta pa su productonan usando bo propio “friends-nan”.  Bo por bai pasa riba un dia apart of den weekend y pa check si tur cos ta bon. Cumpra loke bo clientenan ta bende, si ta un supermercado, abo mes mester “shop” serca nan. Un relacion semper ta cuminsa, duna algo di balor na e otro, tapesey durante di valentines tin asina tanto regalo, pero no warda te februari, pero sorprende bo prospectonan y tambe clientenan cu regalonan adelanta. Gana punto den nan bista y esey ta crea super bon relacion. Duna conseho gratis na e clientenan, inverti mas bo mesun tempo den bishita mas biaha e clientenan. Por usa asina tanto strategianan pa crea bunita relacion cu bo clientenan cu asina nan por sigui cumpra serca bo. Lo jega un momento cu nan lo cumpra door cu nan ta kere den bo y tambe kier judabo. Hende no ta mal hende, serio, asta un mal hende lo “drecha” ora e sinti cu di berdad bo tey pa jude. 

Den nos Mercado actual bo mester traha super duro riba e relacion cu e clientenan y tambe educa bo futuro clientenan cu ta bo prospectonan. No warda pa e mihor momento, no kere cu tur cos lo bini serca bo den te-blachi di silver, pero abo traha e mihor momento. Blessings Steve

(297) 7380777   stevefrancees@hotmail.com  www.stevefrancees.blogspot.com

Ps. Lagami sa kico bo ta pensando!! por contact mi pa mas infos!! slds Steve

E efecto economico post-mundial 2014 pa empresanan

E efecto economico post-mundial 2014 pa empresanan

Scirbi pa Steve Francees

Segun bo ta core rond y papia cu hopi comerciante, bo ta tende e mesun efecto cu durante y despues di mundial, bentanan a baha y durante di back2school e anja aki toch no tabata igual cu anja pasa y esaki tin di haber cu e efecto post-mundial 2014.

Hopi hende cu ta simpatisa futbol y tambe esunan cu tambe kier a sinti a calor di futbol a inverti bastante placa den e celebracionan y tambe a gasta bastante durante di e weganan cu tabatin. E placa general riba nos isla awordo gasta den e tempo di futbol y tur empresanan cu no ta directamente cu futbol y su fanfaria a sufri di esaki. Contruccion a keda paralisa, negoshinan su eficiencia awordo stroba door di e boroto di futbol, pero ta despues a cuminsa sinti e efecto aki mas fuerte. Tin hopi negoshinan cu a sufri bastante pa e efecto di mundial 2014 cu pa nan no tabata bon pero asta a bai atras den benta y awor nan ta traha duro pa bolbe saca cabes riba awa. 

Futbol tambe a afecta e benta di back2school e anja aki y tabatin menos potencial y poder di compra den e Mercado. E personanan cu a gasta of inverti nan placa pa gosa mundial, mester a bolbe saca placa pa back2school, pero hopi no por a cumpra tur cos door cu e placa tabata menos. Negoshinan su efectividad pa bende a bai atras durante di e temporada di futbol door cu mente di e trahadornan no tabata presente pa traha pero door cu tabatin mayoria of tur e weganan a cay net durante di ora di trabou, esaki tambe a afecta e rendimento di e empresanan. Negoshinan no tabatin otro opcion pa pone flatscreen grandi na trabou y cumpra pizza pa trahadornan por mira y gosa di e weganan, pero tur esakinan, awor ta sinti su efecto pa e empresanan.

Awor kico ta e solucion? Efecto Post-Mundial 2014, mester wordo neutralisa, kico mi kier bisa!, wel tur e tempo perdi mester wordo recupera den efectividad den e proceso empresarial, gerentenan mester ta conciente di esaki y mester traha hopi mas enfoca pa crea benta  cu awordo perdi durante mundial. Traha un plan-strategico y pone de accion ta sumamente importante pa sera e anja bon y bini cu strategianan nobo pa atrae mas clientenan pa asina benta subi. Blessings Steve Francees

(297)7380777 www.stevefrancees.blogspot.com

** Innovacion den empresa ta cla! E ta un seminario/workshop cu ta dura 3 ora, cu ta incentiva innovacion den e personal di e empresa basa riba 7 puntonan. E personal mester keda innovativo,crea strategianan nobo pa asina e empresa por sigui desaroya den e mercado asina competitivo actual. Interesa pa mas infos:: mail steve na stevefrancees@hotmail.com of whatsapp 7380777

Bende Emocion y resultado y Benta lo subi!!

Bende Emocion y Resultado, y benta lo subi!

Scirbi pa Steve Francees

 

Tin hopi hende ta cumpra cu nan curason y no cu nan mente, si bo pensa bon esey ta berdad. 70% di loke bo cumpra ta basa riba emocion y no realidad. Nos tabata na Peru y ami ta gusta arte, y mi a cumpra un leishi pa potret na Mira Flores, e tabata un leishi full detaya den palo, dus un piesa di arte (wel, pa mi sigur). Mi a gusta e leishi di potret aki cu tabata grandi di mas of menos 90cm pa 40cm, pero asina bunita traha. E artista a dura bastante tempo ta traha riba e piesa aki y ami ta aprecia ora un persona ta tuma tempo pa hasi algo, mas ainda ora e traha algo unico y esaki ta gara mi curason direct. Wel, na final mi a cumpra e piesa di arte aki, wel, aki na Aruba mi ta haya un leishi grandi, kisas di plastic y hopi mas economico na Chines y cu na final ta hasi mesun funcion y kisas si e cay kibra, lo hasi menos dolor, pero mi a disidi di cumpra e leishi completamente detaya den palo. Pa bini Aruba cu ne tabata un problema, prome tabata na Aduana y despues bin cu ne den man pa e no kibra. Si bo tuma e desicion aki cu bo mente, lo bo laga e pida palo aki keda na unda e tabata, pero si bo kier cumpre, bo mester cumpre cu bo curason y no bo mente. 

 

Nos ta cumpra mas cosnan cu nos curason y hende gusta esaki, loke bo mester bende, mester ta e emocion rond di bo producto. Loke lo bo sinti ora bo tin e producto aki, tur bendedornan den beyesa mester sa di esaki cu nan ta bende un ilucion y no un producto tangibel, nan ta bende un emocion mara cu sentimentonan cu na final lo lanta nan autoestima di esun cu cumpre. Esaki ta e ilucion y beneficionan cu mester wordo bendi, dicon mester cumpra un otro auto, si pensa cu e mente, esaki no ta make-sense, ya bo tin uno cu ta hasi e mesun funcion, pero e bendedor mester bende e ilucion cu tin ora bo cumpra un auto nobo, e holor, y sa cu bo tin algo nobo. Dus aki den Caribe, nos ta bende ilucion na nos tursitanan, nan ta bini pa drumi na beach henter dia (Cu na final ta malo pa nan cutis), pero ta un sintimento diferente, ta sinta canto di beach mirando e solo baha, y esaki no tin prijs, door cu sentimento NO tin prijs. Tin hende ta willing pa paga loke sea pa experimenta e sentimento aki y kier bibe bek tur anja. Busca e parti di emocion y sentimento rond di loke bo ta bende y bendenan como beneficio, bende e resultado di bo producto of  servicio y NO den producto. Blessings steve francees (297) 7390777 stevefrancees@hotmail.com  www.stevefrancees.blogspot.com

Dicon Israel ta asina exitoso den Business Startups parti 1

Dicon Israel ta asina exitoso den Business Startups parti 1

Scirbi pa Steve Francees, Business Analyst

Despues di biaha practicamente henter Israel mi a ripara varios cosnan hopi bon cu ta ancra den e cultura Hebreo cu solamente ora bo tey ayanan lo bo ripara. Israel ta cuminsa cu 500 business startups pa anja y na Europa esaki ta 700, dus nan ta hopi bon den startups, wel Ramat Gan na Israel ta net despues di Silicon Valley y ta un ciudad masha moderno y ta top den technologia, mi a bishita varios di e tops-sales offices cu ta bende rond mundo y tambe observa ta  dicon e cultura aki ta asina bon den startups.

Nan a inventa pentium chips, ios pa iphone, playstation, waze, wel e lista ta masha largo mes. Pero loke mi a observa cu pa ami, ta e base di tur e esakinan, ta cu nan ta debati idea, asina mes Idea!!! Na Israel tin masha hopi coffee-shops y tin masha hoben ta bai e sitionan aki y nan ta sinta den grupo y bo ta mira nan debati y papia over di ideanan, y cada un ta asina concentra ora nan ta papia cu bo, nan no ta distrai fasil. Den cada scina cu bo bai, bo ta mira esaki, e ta manera penetra den e cultura, nan kier busca un solucion pa tur cos y ta kere cu den debati cu otro over di un idea lo nan por logra esey, y nan ta logrando.

Henter e cultura y structura ta traha pa debati ideanan y bini cu solucionan. Esaki ta den e formacion di cada persona na Israel, nan no ta perde tempo. Dus mester bini cu ideanan nobo y debate riba dje.

Otro punto, nan tin e custumber di juda otro, ora un pareha ta bai casa, ta henter e famia y amigonan tey pa juda, tur e famianan representa den e paraha aki, ta bira un gran famia. Dus e relacion pa juda otro ta masha halto. Mayoria di startups ta wordo financia, pa un tio, of famia hopi jega, door cu tin hopi confiansa como famia, nan ta confia tambe den hobenan cu startups. Esaki ta pasa den e cuna na Israel cu ta e Kibbutz  y Moshav-nan (Personanan cu ta biba den union,trahando hunto y comparti cu otro como un gran famia) Dus mayoria startups no ta hendenan adulto pero hobenan cu a caba di sali di ehersito rond di nan 22 anja di edad.

Un otro punto interesante ta cu tur hoben mester bai ehersito, y nan ta sinja tambe un carera-profesional durante di nan tempo como militar, pero loke ta mas interesante ta cu nan ta wordo entrena pa tuma desicionan, cu hopi tiki informacion y cu hopi precion, dus constantemente nan ta buscando solucion den tempo record pa asina por salba nan peloton y sigur nan pais. Esaki ta parti di nan entrenamento y esaki ta bira parti di nan bida, dus busca solucion pa tur cos. Unabes cu nan sali di militar, empresanan ta tuma na direct door cu nan ta bini cu e “mindset” pa soluciona tur problema y hasi algo mas efectivo. E “mindset” ta loke ta conduci na asina tanto Startups na Israel.

Mi tabata na Israel, y tambe tabata hopi serca di Syria, net na e momento di e problemanan na Syria unda cu Sotloff awordo secuestra na Syria y hopi biaha bo no ta pensa cu ago asina por pasa pero danki na Dios, tur cos a bai bon!

Ultimo punto pa Parti 1.

E mama hebreo ta entrena e mucha cu e mester tuma risico den su bida pa bai dilanti, akinan nos ta bisa e mucha, Mucha no core pa bo no cay!!!, wel ayanan ora bo cay, nan ta bisa Hopi bon!!!, kico bo a sinja di e caymento???. Dus tin un cultura di tuma risico den algo y si nan faya, no ta problema pero ta hopi bon, door cu mas bo faya mas chance bo tin di surpasa den loke bo ta hasiendo. Nan ta inverti mas den esunan cu a purba y faya mas tanto biaha, door cu nan opcion pa bira exitoso ta mucho mas grandi cu esun cu nunca a purba nada. Dus e “mindset” ta diferente, akinan den Caribe, si un persona a faya, e ta core sconde su curpa y ta parse cu ta mundo a caba pe, cu ta net bon door cu ta net awor e tin mas oportunidad pa habri portanan cu nunca awordo habri prome y bira exitoso. 

Blessings Steve (297) 7380777 stevefrancees@hotmail.com    www.stevefrancees.blogspot.com

Marketing: E reken-sommetje tras di Visibilidad

Marketing: E reken-sommetje tras di Visibilidad

Scirbi pa Steve Francees

Un negoshi scondi lo no bende, un producto cu no ta conoci, lo no bende, nada cu ta scondi lo briya, dus pa bo bende, bo mester hasi bo producto Visibel, esey ta regla #1.

E prome meta di tur empresa mester ta crea mas Visibilidad pa nan producto of servicionan y jammer cu esey ta net loke nan no ta hasi, ta inverti den tur otro cos, menos di ta visibel.

Anyway, esaki lo no cambia te ora nos mentalidad cambia y cuminsa mira e stategia di “Visibilidad” diferente. Aki lo mi duna un reken-sommetje cu ta acentua e importancia di Visibilidad.

Ban supone, cu ora 200 persona sa di bo producto,  4 lo cumpra e producto, dus pa benta dobel, bo mester jega 400 persona pa asina bo duplica bo bentanan. Si bo no hasi mucho promocion y bo ajega djis 250 persona total, bo benta lo NO dobel. Please no tira falta riba e Mercado, cu no tin placa etc, e problema NO ta e Mercado pero ta bo manera di pensa y hasi cos, pa benta dobel, bo mester hasi tur cos dobel, dobel den promocion, dobel esfuerso den benta, dobel mihor den servicio na cliente, dobel mas eficiente den delivery, dobel den motivacion pa e empleadonan y sigur dobel den stock. Esaki ta un principio y lo no cambia

Dus si bo kier pa benta dobel, djis dobel tur locual cu bo ta haci y lo bo mira e resutado. Hasi esaki como regla , pa dobel clientenan tur anja!!!, hopi lo grita cu ta imposibel!!, wel den nos ultimo trabou, nos a dobel benta pa 10 anja largo, dus esey ta posibel y den e mercado local. Esaki mester ta un “mindset” cu mester bira un cultura y e ora ey lo bo mira e resultado.

Djis corda e reken-sommetje, mas cliente ta nifica cu mas invercion di bo parti den Visibilidad. Blessings Steve (297) 7380777 stevefrancees@hotmail.com

Algun Testimonionan

Algun Testimonionan:

Mi grupo di Bendedornan, tur nan benta a subi despues di e seminario y e seminario ta super bon, e mihor invercion cu nos a hasi. R.M.

Mi a sinja con pa bende mas y close mas rapido usando technicanan fasil pero poderoso y tambe con pa mantene mi mes motiva, tur persona den sales mester tuma e lesnan aki! J.A.

Mi a hanja sa kico mi tabata “missing” den mi proceso di benta, Awesome! G.F.

Les ta hopi bon, mi a reconoce mi parti fuerte den benta y mira oportundadnan mi dilanti! J.R.

Great di hanja info to the point, y con pa pone den practica y enfoca riba resultado, hopi informacion nobo y reforsa loke mester di atencion I.D.

Fantastisch! Mi agusta e les hopi mes, hopi practico y hopi cosnan cu mi por pone direct den mi trabou N.C.

Hopi interesante! Y berdad, tin oportunidad den tur Mercado, pero ta nos mester propone pa logranan y sigur esey ta opsibel, hopi danki. A.L.

Hopi interesante y motivante, aunke ainda mi no ta den benta pero mi tin awor hopi informacion pa pone den practica ora mi bai full den benta! G.R.

Super bon, mi a sinja con pa bende miho y jega na mi metanan di bida, tabata manera un les di bida y con pa logra mi metanan tambe! G.L.

Hopi informacion nobo y practico, tur loke mi tabata falta, despues di 20 anja ainda mi ta sinja mas den benta! J.F.

Danki pa dunami e forsa pa mi sigui y logra mi metanan den benta, mi a sinja hopi y ta super motiva! B.J.

Ya ta di 3 seminario cu mi ta bai y cada mes mi ta sinja mas di benta, mi benta a crece masha hopi y mi confiansa ta super! B.E.

Comentarionan di e ultimo “Close More Sales” Seminar na Palm Beach Plaza

-Bastante educativo y sefl-motivated to improve and belief

-Great presenta, bon informacion,hopi structura,bon poni den otro, mester di mas asina, excelente

-Mi ta hanja e Sales Seminar hopi bon,bastante tips and tools pa nos por aplica na nos trabou y asta bida personal.

-Hopi interesante y topiconan informatief

-Hopi bon mes, mi lo mester hasi hopi cambionan na trabou, danki pa tur e tipsnan positivo

-Tremendo,ademas di e informacion cu nos a haya tabata great di comparti cu esnan cu kier bende mas y kier ta mihor den nan area di benta, Virginia Dijkhoff

-Interesante pa tende otro hendenan storia di success y con por aplica den nos dia diario

-Mi a haya e seminario hopi bon, hopi interesante, e ta siñabo den tur loke ta benta y hisa benta y juda otro trahador tambe cu informacion nobo

-Relaxing

-Excellent crew and motivation aspect, keep doing it!

-Good speakers, informatief ,food awesome and good place

-Hopi bon, interesante

-Ami ta haya cu tawata hopi bon, interesante y mi a siña hopi for di dje.

-Interesante, motivashon pa benta, pa mi un tremendo refreshment

-Excelente, hopi informacion y e ultimo di Steve tabata bon documenta, Ochie Rafael.

-Hopi bon, bon seminario!

-6 aña pasa mi a haya mi prome les di benta y mi ta hopi agradecido cu awor mi benta ta bayendo super bon, negoshi a crece door cu benta a subi,mi a pone den accion loke mi a siña serca mr Steve y awor mi ta bisa cu tur loke mi a siña tabata e mihor invercion pa mi tey na unda mi ta awor! E Hoeverts.

Observacion di e ultimo Business Plan Workshop “ Get It Done” Sept 2014

Tempo di calidad, cu informacion clave y sumamente importante pa cuminsa un research den e Mercado. Tur e informacion cu mi a haya tabata basa riba datonan realistico y un variedad di opcionan hopi factibel. Tur locual ami a sinja ta sirbi di guia pa cuminsa un negoshi cu un vision particular. Mi admiracion pa bo conocimento!!. A. Luidens