Scirbi pa Steve Francees stevefrancees@hotmail.com
Nos tur awordo crea cu mesun oportunidad pa
biba nos potencial completo den nos bida! Pero toch tin cu nunca lo logra jega
di biba den nan potencial completo. E ser humano tin 206 piesa di weso den nos
curpa, y 640 musculo cu supuestamente mester wordo usa. Dus si analisa nos
curpa bon, nos tur tin mesun oportunidad pa logra nos potencialnan segun nos
structura humano!Pero loke ta hasi cu un persona ta logra su potencial y e otro
no, esaki ta depende di ta con e ta usa loke e tin, den un careda na pia ta tur
weso y musculonan lo wordo usa y mas bo train ta mas fuerte y mas structura bo
curpa lo logra, esun cu train mas lo mira cu su abilidadnan tambe lo aumenta.
E unico manera pa logra cu e weso y musculonan
funciona bon ta ora nos train loke nos tin di recursonan! Y Den e caso aki ta
206 weso y 640 musculo! E jammer ta cu hopi lo no jega na usa tur, door cu nan
mes ta disidi di no usa tur su potencial cu e tin. Si bo kier logra tur e
potencial cu Dios a creabo pa logra! Bo mester cuminsa eherce loke bo tin den
bo man, nos tur tin talento y abilidadnan unico cu solamente ta nos tin e!
ningun otro persona tin loke abo tin, dus bo ta unico manera bo ta. Ningun
hende por imita bo mesun cos cu bo ta, ora nos comprende cu nos tin abilidadnan
unico cu nos so tin, esaki lo mester cambia nos manera con nos mes ta mira nos
mes!.
Si bo ta continuamente ta compara bo mes cu
“otronan” lo bo nunca jega na bo potencial door cu bo ta bibando potencial di
un otro hende, y no ta esun di bo! Core bo careda y no di e competencia, asina
so lo bo por gana den un careda. Mantene un structura y mantene un autoestima
halto ta crucial den biba bo potencial completo. Ban prome riba autoestima, tur
persona exitoso den loke nan ta hasi, tin un autoestima halto, nan no mester di
wordo motiva pa un otro pasobra nan mes tin e disiplina pa auto-motiva nan mes!
Otro cos cu un persona cu autoestima halto ta fuerte den dja ta cu e no ta mira
fracaso como fracaso pero un manera pa sinja di dje y ta sigui padilanti, e
persona cu autoestima abou ta hasi algo “nobo” den su bida, y si esaki no a bai
bon, dus el a fracasa y e ta keda pega den e fracaso y no ta sali padilanti, y
e manera di pensa aki di fracaso ta completamente diferente entre un persona cu
autoestima halto cu esunan di average normal!
Otro punto importante ta e tempo cu e persona
cu autoestima normal ta dura pa recupera di e fracaso, cu ta hopi mas cu e
persona cu autoestima halto! Cada dia cu bo ta perde ta reclama y ta sinti bo
malo di loke a pasa, y ta keda den e circulo aki, ta un dia menos pa sali
padilanti y biba bo potencial! Structura ta e base pa biba bo potencial, pone
metanan alcansabel ta pa personanan mediocre, dus personanan cu autoestima
normal! Si mira e structura di un persona, nos tur tin mesun potencial, pero ta
esun cu ta eherse mas y kibra su mes un limite ta logra avansa mas y desaroya
mas su musculonan cu e otronan.
Dus Dios a crea nos cu un tremendo potencial,
awor ta nos mester mira nos mes cu e potencial aki. Puntra bo mes, den kico mi
ta bon? Y contesta e pregunta, y loke e ta, hasi’e 10 biaha mas hopi y bira bon
of super bon den dje, y lo bo logra bo potencial den dje y sigur lo bo supera
tur limitenan den e area aki di bo bida! Abilidad ta wordo aumenta cu solamente
ta eherce nan, nada otro, e meta ta bo abo biba tur bo potencial awe! Blessings
Steve
No comments:
Post a Comment