Esun cu pone su idea den accion lo gosa di e resultado.

Esun cu pone su idea den accion lo gosa di e resultado.

Scirbi pa Steve Francees

 Awor nos ta bibando den e tempo perfecto pa habri cualkier negoshi, e mundo online ta duna asina tanto alternativa pa habri un negoshi, asta sin un sitio fisico. Nos ta den un “shift” masha interesando cu aki na Aruba tambe por gosa di dje.Basicamente aki na Aruba nos tin dos Mercado: Esun local y esun turistico, esun local tin varios sub-mercado door cu nos Mercado ta multi-cultural y esun turistico cu tambe tin algun sub-mercado.

Loke ta importante ta e modelo-empresarial cu lo bo implementa pa bo negoshi y esaki lo influencia henter e empresa su structura. Loke ta trata e persona mes cu kier lanta un negoshi, nos a mira cu durante di anjanan, nan tin un prototipo y e prome caracteristica ta cu nan tuma iniciativa. Nan ta tuma e decision di cuminsa y tuma e risico pa pone nan idea den accion, na otro banda tin personanan cu tin 7 anja cu nan idea pero te ainda no a pone den accion. Nan ta kere cu nan mester ta completamente cla pa cuminsa un negoshi y ta keda stel-uit y stel-uit, y na final e persona aki no tin e disiplina y character pa ta un comerciante. Door cu comerciante ta nifica tuma risico, kere den algo prome cu e ta existi, pone metanan y traha duro pa logre. Tur idea tin su fecha pa caduca y mas warda, otro lo bai cu e idea y pone bo idea den accion. No cu nan a horta e idea, pero corda cu ora bo tin un bon idea, tin 10 mas cu tambe a pensa e mesun idea, pero ta esun cu pone den accion prome lo gosa di e beneficionan.

Den e ultimo luna aki nos por a mira varios personan cu kier lanta negoshi pero ta mas of menos 1 den 4 cu ta logra lanta si negoshi den 7 siman, door di tuma decision y busca conseho y personanan pa jude pa lanta e negoshi y e ta logra. Despues di e Business Plan workshop di KvK, tin ideanan cu ya a bira realidad y den 7 siman ya a cuminsa opera. Idea den accion lo bira realidad. Blessings Steve

Diversifica den bo Marketing, Part 1

Diversifica den bo Marketing, Part 1

Scirbi pa Steve Francees www.stevefrancees.blogspot.com

Cada bes mi ta mira e fout cu empresanan ta hasi door di kere djis den un fuente pa haya clientenan nobo. Awor cu Facebook ta bastante hot, nan ta inverti den Facebook y lubida pa sigui desaroya den otro recursonan pa sigui haya mas cliente. Tin bastante media, manera Radio, TV,Corant,Internet,website y tambe tin direct media manera flyer, manda catalog na cas y aviso den revistanan. Tin billboards cu bo por huur na sitionan hopi transita y tambe na supermercado bo por pone aviso riba e borchi di anuncio. Tambe por bai den PR, hasi entrevistanan na e medianan y propaganda loke bo ta bendiendo. Bo por bai expo y expone loke bo ta ofrece,sponsor team di voetbal,tennis, baseball etc,  dus tin hopi maneranan pa haya clientenan nobo. Loke ta pasa ta cu ora un persona tin hopi stress, su creatividad ta bai atras y ta lubida cu tin mas medianan cu tambe e mester explora. No hinca tur bo marketing budget den un solo media, pero diversifica, pasobra cada media tambe tin su peak, dus kisas awe e radio aki ta hot pero mayan un actividad den bario ta bira asina grandi cu ta mihor bo pone un banner y sponsor e actividad aki y haya relacion direct cu e prospectonan.  Dus bo mester diversifica den bo marketing y sigui test y explora medianan nobo cu lo funciona pa bo negoshi. No keda pega anja den y anja afo cu e mesun, pero hasi cambionan y sigui diversifica. Cada media lo EXIGI un otro script (*esaki ta e text strategicamente scirbi pa logra comunica e idea y logra haya atencion di e target cu bo kier alcansa). Hopi, pero hopi placa di marketing ta bai benta afo door di un mal script, kisas tremendo media, bon momento, pero un script masha kens mes, kisas scirbi style di antes cu ya ta outdated, of usando e imagen cu no ta klop pa e propaganda ey. Propaganda cu ta bisa "nos ta #1" , "Nos tin calidad di servicio", y tur e script-nan ey cu ta djis halsa e ego di e compania, esey no ta funciona mas amigo. Tempo cu mi a studia marketing, nos tabata pasa oranan largo riba un script, hasi research over di cual ta e obhetivo cu mester logra cu e script ey y na ken of e target-market nos ta enfocando riba dje. Kico e mercado mester tende y lesa pa asina e por reacciona riba loke bo ta propagandando. Copy-writing ta un estudio riba su mes cu ta dura bastante largo, djis pa bo pone 20 palabra den otro. Dus ora bo diversifica den mas media, bo script mester cambia. 

 Un otro strategia ta asina: Corda cu bo target-market tambe ta lesa,mira y scucha diferente media, dus bo por usa varios script cu varios punto di bista pero riba mesun objetivo, por usa varios bosnan, diferente potret etc pero enfocando riba mesun meta cu bo kier pa e target-market reacciona riba dje. Un ehempel, si bo graba un spot usando un bos di hende muher, mas hende muher lo ta inclina na scucha e spot ey, si bo usa un mucha di 6 anja pa graba bo spot, direct muchanan lo sincronisa cu bo spot y producto. Diversifica tur loke bo ta hasi den marketing, vooral den nos mercado actual cu ta multi-cultural.

Blessings Steve

(297) 7380777 www.stevefrancees.blogspot.com     stevefrancees@hotmail.com

E strobacion #1 cu lo stroba bo exito di mayan.

E strobacion #1 cu lo stroba bo exito di mayan.

Scirbi pa Steve Francees

 Tur cos ta cuminsa cu un idea, un sintimento, un emocion, algo den bo cu ta cushina paden, ni maske con bo trata di lage, e no ta lagabo, pero ta sigui terorisabo y ta jega un momento cu bo ta mas cu convenci cu bo mester hasi’e. Mas tempo pasa, mas esaki ta sigui crece y bo ta sinti cu bo mester hasi’e. Si bo ta na e punto aki, esaki ta nifica cu bo ta na un crusada den bo bida y sierto cambionan mester tuma lugar den tempo rapido, bo ta riba un caretera cu parse un T-Kruising of un Y!, wel ajega e ora pa tuma un decision. Bo sa tambe cu mester tuma un decision, mas bo prospone e cambio, mas difisil esey lo ta, dicon? Pasobra tur decision den bida tin un tempo pa expira, no ta manera tuma un decision net na e ora excacto, cu tuma un decision despues di tempo, ya esey ta laat y lo bo no logra gara tur e beneficionan di bo decision. Esaki ta un bataya bastante fuerte entre e mente y e curason, bo curason cu ta funciona cu emocion ta bisabo, cu warda un tiki mas, pero bo mente ta bisabo cu e decision mester cay, awor bo ta entre dos decision, sea tende bo curason y sigui prospone e accion pa cambio of sigui bo mente cu ta convenci cu bo mester tuma e decision ey. Awor kico hasi? Bon pregunta cu ta bo so por contesta!. Sea ta desicionan personal, di trabou, di bo bida futuro, sea un cambio di posicion, of bo mester sera un deal cu un persona y bo tin miedo pa aserke, sea ta un cas bo kier construi y mester tuma e decision pa cuminsa, of un negoshi nobo, of bo kier un otro estilo di bida, wel ta abo sa cual decision mester wordo tuma, y mester tuma e decision prome cu ta laat. 

Kisas den e decision aki ta rekeri cu lo bo perde algun comodidad cu bo tin awor, kisas asta bai atras den salario, of bai den un linea di producto completamente nobo y no tin cliente pe ainda, kisas tuma un credito nobo, of tuma e decision di laga e yu bai afo pa studia pa su mesun futuro, desicionan cu lo bo tin cu tuma pensando cu bo mente y ta Dios so por judabo carga e resultado di e desicionan cu lo bo tin cu tuma, pero tume!!! Zona duro pero bo mester tuma e decision aki y para duro tras di bo decision, no mira atras, pero mira padilanti loke e futuro lo trece y tur e beneficionan den futuro, awe y majan lo bo yora, traha duro, kisas pasa necesidad, siña bira un persona mas madura y para pa bo descionan. Oportunidad ta bin y bai, y esunan cu tume na ora lo gosa di e beneficionan mayan. No laga duda tuma bentaha di bo curason, Dios a crea nos pa triumfa den tur sircunstancia y ekipa nos cu tur loke nos tin mester pa sali padilanti, awor ta keda na nos pa pone nos mes den accion y bai pe y no mira atras. Hopi mas hende,colega,famia y asta nos comunidad lo beneficia mayan di bo decision di awe, nan lo mirabo cu admiracion, manera un persona balente cu a crea careteranan den mondinan sera unda tur a bisa cu no tabata posibel. E decision mester wordo tuma y tume. Blessings Steve (297)7380777 www.stevefrancees.blogspot.com
stevefrancees@hotmail.com 

 Ps. Lo ta great pa avisami si enberdad bo a tuma e decision ey! Lagamisa, Steve

*Masha danki pa e reaccionan di loke mi ta scirbi riba mi blog, ya mi ta bayendo pa 3 anja y cu 5470 persona cu ajega di lese y esaki ta duna un empuhe pa sigui y mas ainda cu tin bastante persona cu tambe ta usandonan den nan trabou y bida personal. Manera semper, mi ta habri pa cualkier pregunta y reaccion.  Blessings Steve

Seminario: “KM30” Desaroyo Personal y Profesional “September 2014” reply pa mas infos.

Tur bon idea pa un negoshi tin fecha pa expira!

Tur bon idea pa un negoshi tin fecha pa expira!

Scirbi pa Steve Francees, Business Blogger

Cuanto persona ta cana rond cu masha bon ideanan cu por bira negoshinan masha exitoso y ideanan cu nan a sinta pensa cu sigur tin Mercado pe tambe. Dus bon ideanan y tambe tin cliente tambe pa asina e idea por bira un realidad. E unico problema ta cu, ora abo tin un  bon idea, tin tambe 10 persona mas cu e mesun idea, e persona cu tuma e iniciativa prome lo bai cu e beneficio di bira exitoso cu e idea ey, cuanto biaha bo ta mira un  otro a hasi bo idea realidad, y hopi ta pensa cu nan a horta nan idea, no ta berdad, tur hende cu ta den buskeda di idea, cu ta den mesun Mercado cu bo, por haya ideanan paresido na bo idea. Loke ta hasi e diferencia, ta cu esun cu tin mas curashi pa tuma e decision pa pone su idea den accion lo logra e exito. 

Dus na final miedo lo determina cu bo idea lo bira realidad, dus bo mester determina kico ta wantando bo idea, esaki ta bo mes. Lo jega un momento cu ya e idea ey no ta bai ta bon mas pa hasi’e, door cu ya un otro a bai cu e mihor sitio pa e tipo di negoshinan ey. Tambe semper e prome cu cuminsa cu algo nobo lo haya mas atencion, dus mas bo sinta ta pensa riba e idea, mas tempo ta pasa y mas serca  bo idea ta jegando pa expira y bo ta bale la pena hasi’e mas. Dus sib o tin un idea, bo ta kere den dje y ta conenci cu lo bira un exito, bai pe 100%. Blessings Steve

(297)7380777 www.stevefrancees.blogspot.com stevefrancees@hotmail.com

9 punto pa Sobresali y Conkista teranan nobo

9 punto pa Sobresali y Conkista teranan nobo

Scirbi pa Steve Francees

Na 1492 Columbus a logra haña teranan nobo pero prome cu esey e mester a bende su idea cu Reina Isabel, cu sigur lo e haña teranan nobo cu lo tin beneficio pa Spaña. Prome cu Columbus tabata un conquistador y tabata un bendedor, door di logra bende su idea y logra su meta y bai den historia.  Tur cos ta cuminsa cu benta, mester presenta loke bo kier bende, Columbus no a nace na Italia manera historia ta bisa pero a nace na Portugal, y pa un persona cu no ta Spaño jega asina lew di logra convence Reina Isabel pa financia su idea, e tabata hopi bon bendedor.

Awe lo nos bai riba algun caracteristica cu bo mester pone den accion  y tur ta saca for di e bida di Columbus.

1: Persistencia: Awor den e Mercado di awe, nos mester ta persistente, bo mester bai serca e prospecto mas biaha cu normal, no kere cu bo ta bai y den un biaha bo ta bende, pero mester keda bai y bai bek, jama telefoon, manda email, usa bo recursonan cu compania tin. Persistencia por wordo siña, dus siñe masha rapido mes.

2: No mira barera: Columbus tabatin practicamente tur cos na su contra, pero e no a mira e barera, e no a keda focus riba e barera, pero a hasi tur cu e tabata por pa pasa riba tur barera. Den benta ta igual, tin bareranan fuerte pero no mas fuerte cu esun di Colombus, dus si e tabata por, abo tambe por.

3: Traha un plan pa jega serca esun cu ta tuma decision: Cuanto biaha bendedornan no ta logra bende door cu nan no ta jega serca esun cu ta tuma e decision, Columbus kisas a cuminsa papia cu esun na porta di e palacio di Reina Isabel, despues logra drenta y papia cu esunan cu tin mas poder den e palacio, asina Colombus a sigui te ora di jega serca e reina mes, y esaki ta un proceso, dus awe bo mester traha bo plan con lo bo logra jega na e persona cu ta tuma e decision pa cumpra loke bo ta bende. Traha un plan, pinte y pone fechanan y personanan cu ta pilar fuerte cu lo fungi como brug pa jega serca esun cu ta tuma decision.

4: Traha bo ekipo pa logra e meta: Ningun hende ta superman, cu por hasi tur cos nan so, bo mester di un ekipo y esaki ta masha importante den benta, mas expertonan trahando hunto, lo juda e benta bai mas rapido, vooral bendedornan cu ta bende ekiponan technico etc, bo mester tin bo ekipo bo tras pa dunabo back-up. Dus traha bo propio ekipo cu lo judabo bende mas.

5: No pensa chikito: Pensa chikito a bai for di moda, si bo no pensa den grandi, lo bo no jega e meta. E Mercado lo exigi bo pa pensa mas grandi, mira cosnan diferente, busca inovacion den bo manera di pensa y bende, no pensa chikito, sali for di e circulo di bo pensamentonan y busca na crece y explora teranan nobo.

6: Laga tera firme: Esaki ta un parti masha crucial den benta, bo no por sigui bende mesun manera cu bo a cuminsa algun añanan pasa, mester laga e zona confortabel ey y busca mercadonan nobo. No kere cu lo bo sigui bende aña den aña afo mesun producto, cosnan ta cambia, y si esey ta e caso, wel, bo mester sali y busca mercadonan nobo. Un bendedor mester ta semper dispuesto pa busca mercadonan nobo, esaki ta e base di exito como bendedor, dus laga tera firme y busca mercadonan nobo.

7: Tuma risico: Waw, esaki ta loke mester pasa tur dia, un bendedor mester ta amigo di risico, tuma risico di drenta y papia cu prospectonan nobo, no laga nan jega, pero abo bai serca nan y sin miedo, tuma curashi y aserca e prospecto, no worry si e no ta papia bo idioma, djis tuma e curashi y bai serca dje. Risico di awe lo dicta bo exito di mañan, dus tuma e risico awe.

8: Kere den loke bo ta bendiendo: Tin bendedor cu no ta usa nan propio producto, y ta con bo kier pa un otro cumpra loke bo ta bende?, usa loke bo ta bende, conoce bo producto of servicio y kere den loke bo ta bendiendo.

9: Loke bo ta hasiendo, bai pe 100%: E style di bai check si e producto lo bende etc, esey no ta un bon start, djis tuma e iniciativa pa bai pe 100%, bo no por hasi nada 50%, esey lo no funciona, dus loke bo hasi awe, bo mester bai pe 100%, duna tur loke bo tin pa logra awe. Blessings Steve

stevefrancees@hotmail.com www.stevefrancees.blogspot.com ©2014