Mi brievebus ta jen!

Mi brievebus ta jen!

Scirbi pa Steve Francees

Awor cu December drenta nos tur por a ripara cu e brievenbus ta jen di folder y propaganda di varios companianan. Tur ta buscando pa atrae atencion pa nan producto y ta bin cu strategianan pa subi benta. E aña aki augustus y September tabata bastante abou cu tabata e efecto di pre-elecion, cu tambe mi a scirbi riba dje den juli e aña aki, anyway, e temporada pa bende ta awor!entre 8 pa 24 di December lo mester tin un enfoke serio pa “close” tur persona cu drenta den e tienda, no por laganan bai door cu nan lo bai serca e competencia. Capital humano lo hunga un rol masha fuerte den e dianan aki pa benta subi, esaki ta bo trahadornan, nan ta e representante di e empresa, di esun cu ta atende cliente,deliver,werkster, esun cu ta telefonista enfin tur ta e cara di e compania. No hunga “chatiger” cu nan, duna nan extra compliment y dianan aki, sorprende nan cu pizza net 4pm ora nan tin net un tiki hamber, lo nan aprecia esaki y duna mas ainda pa trata e clientenan bon, y e resultado lo ta cu benta lo subi. Otro punto importante, kisas e aña no a bai manera bo a pensa, benta ta net subi bek, pero no laga e Christmas Dinner afo! Esaki ta un di e strategianan #1 pa motiva un personal, hende gusta wordo balora y esaki ta e mihor manera pa balora e Capital Humano den bo empresa. Dicon mi ta bisa esey? Door cu 2014, Capital Humano lo bira mas importante cu nunca! Ahan, si, hende ta cumpra serca hende, y bo personal lo disidi si tin mas benta of benta lo keda stanca!. Tristo, pero berdad, si e empleadonan no ta motiva, bo cashflow pa 2014 lo baha, hende ta cumpra serca hende, aunke si e prijs ta mas halto, nan lo cumpra serca dje toch!!! Dus motiva e personal for di awor, crea alegria den e ambiente, si bo ta manager,doño, supervisor, disidi di ta mas amigabel den e dianan aki, laga e stress di finansas un banda y disidi di ta mas felis, papia cu trahdornan, puntranan pa nan cacho,biahe, hobbie etc, crea lasonan mas cu nificacion. Den e Christmas dinner no bai papia over di con a aña a bai, pero papia di e aña cu lo drenta y “cos” lo bai ta hopi bon y cu e empleadonan ta masha importante pa 2014, y lo traha mas den teamwork, lo tin mas training pa personal y lo inverti mas den crea relacionan bon entre e personal. Asina ta motiva e empleadonan pa duna mas di nan parti y manera mi a bisa cu 2014 lo tin su retonan bastante fuerte y mester cuminsa prepara awor pa nan.  Un strategia cu semper a resulta ta cu, bo por manda un regalo pa e casanan di e empleado. Si e homber ta traha, mande cas cu un regalo pa su señora, dicon? si e sra ta contento y ta aprecia loke bo a hasi pe, y den 2014, e sra mes lo lante cu animo pa bai traha y e homber aki lo duna mas rendimento na trabou y sigur su eficiencia na trabou lo subi y e resultado ta mas revenue. Hende ta wordo mas motiva no cu cosnan grandi, pero cu bastante cosnan chikito y esey mester bira parti di e plan di incentivo, Bijbel mes ta bisa “duna y lo bo haña”.  BTW, corda reacciona riba e folders-nan den bo brievenbus, nan ta costa placa pa print-nan y aprecia e compania cu ta “willing” pa inverti te na bo cas treciendo un folder pa bo lesa y mira kico nan tin. Blessings Steve  (297)7380777  Sales & Marketing Trainer  stevefrancees@hotmail.com     www.stevefrancees.blogspot.com

8 frase pa sera benta mas lihe!

8 frase pa sera benta mas lihe!

Scirbi pa Steve Francees

E prospecto no ta cumpra si abo mes no invitanan pa cumpra. Den e proceso di benta mester jega na e punto pa sera e benta, si no!,  bo ta perdiendo bo tempo y placa di e compania cu bo ta bende pe! Pa sera e benta exitosamente bo mester por hiba e prospecto di  A pa B, A ta na unda e ta awor y B ta na unda e prospecto lo jega di tin bo producto of servicio. Un persona cu tin un auto-estima  halto, ta close mucho mas cu e otro cu ta lucha cu su auto-estima! Dicon??? abo lo puntra? Wel door cu ora jega e momento pa sera e benta, e caracter di e bendedor ta bini dilanti, esun cu mas confiansa den su mes ta bai pa e closing y e otro tin “miedo” di sigui pa e siguiente paso pa puntra pa close of actua convincente cu ya e prospecto a cumpra, y ta coy su pen y cuminsa jena e contract, esaki ta “dominio propio” y esaki lo hasi un bendedor exitoso, ora e sera e benta, no prome!

8 frasenan cu sigur lo juda pa sera mas benta:

1.       Tin mas pregunta? of sr(a) ta cla pa bai cu ne awor?

2.       Con sr(a) ta paga, cash of via carchi?

3.       Tin algun rason pa warda mas ainda?Ya cu Sr(a) kier e producto?

4.       Waw, nos ta contento di tin sr(a) como cliente!

5.       E decision cu sra a tuma awe lo “spaar” –“of gana”sr(a) hopi placa y tempo!

6.       Ami lo recomenda sr(a) pa tuma e garantia tambe!

7.       Ok, lo mi cuminsa saca e producto for di warehouse/baha for di shelf/ etc.

8.       * Djis keda keto, coy e pen y cuminsa jena informacion y proyecta bo mes cu ya e prospecto a cumpra y e propecto lo siguibo.

Ami ta recomenda pa train esaki den spiel y usa 2 pa 3 cu ta “fit” den bo proceso di benta! Blessings Steve

Steve Francees, Business-Market Analyst/ Sales & Marketing & Trainer (297) 7380777 stevefrancees@hotmail.com www.stevefrancees.blogspot.com

E parti emocional di un "Bendedor Exitoso"

E parti emocional di un "Bendedor Exitoso"

Scirbi pa Steve Francees (297)7380777   www.stevefrancees.blogspot.com

Hende tin tendencia di sinti mehor despues di risibi un bon noticia of algo bon pasa, un bon noticia ta motiva bo spirito pa sigui lucha. E parti emocional ta sumamente importante den e sentido cu hopi biaha como persona bo mester por distingui kico ta emocional y kico ta realidad. Awe mi lo comenta riba e carater di e bendedor con su estado mental mester ta pa asina por logra kibra bareranan den e mercado di awe. Manera mi a bisa cu bon noticia ta motivabo pa sigui padilanti, jammer cu normalmente un persona ta tende mas mal noticia cu bon noticia. Tin un persona di edad cu ora e bel mi, ta over di ken a muri so e ta papia, y esey ta loke e gusta pero ami no dje tanto ey, door cu mi gusta mas loke ta duna bida, pero mi no por laga su manera di bida domina mi estado mental, cu puro ken a muri. Tur dia mi ta ripara cu e hendenan den nos comunidad ta bira mas negativo, nada no ta bon pa nan,corant mester saca algo malo riba frontpage, si no, cos no ta bon. Nos ta wordo bombardia cu mal noticia y na final esaki lo afecta bo estado mental cu sigur lo baha bo desaroyo y bo performance den loke bo ta hasiendo y como bendedor, si bo bai tras di tur loke bo ta tende,bo benta lo baha. Aki lo mi duna algun punto riba e emocion cu mester ta bou di bo dominio.

1.       Maneha bo emocion: Emocion ta mesun cos cu un auto, ta abo tin e stuur pa maneha bo emocionan, si bo laga e parti emocional dirigi bo bida, esaki lo tuma over y bo benta lo ta manera un “rollercoaster” y no final no ta logra e meta. Bo por maneha bo emocion door di keda trankil y puntra bo mes si loke bo ta “sintiendo” ta bale la pena sinti asina, bo tin ganashi cu e sintimeno ey, e sintimento ta afectando bo progreso? Un persona emocional, nunca lo logra di biba den su potencial door cu semper ta wordo afecta pa  “efectonan” cu ta bini den su caminda.

2.       Keda realistico: Tin hende gusta pinta un musca pa un baca, noticia ta asina, y kisas bo mehor amiga tambe ta asina, gusta exsagera, nos tur conoce hende asina, nan gusta “trigger” nan emocion cu “cosnan” of noticianan straño etc. keda realistico, keda trankil, analisa bon kico bo ta tendiendo y busca e “kern” di loke bo ta tendiendo, hopi biaha ta djis huma nan ta purba describi y sin esencia fuerte. Keda realistico den tur cos, bo mester logra bo meta diario, y si tur ta bisa cu e cliente ey no ta cumpra, abo si ta bisa cu e persona ey tambe tin necesidad di loke mi ta bendiendo, dus ami si ta bai serca dje.

3.       Disidi pa logra loke abo kier: Ora un persona tin un meta y ta bezig ta trahando pa logra e meta, e accion aki lo minimalisa masha hopi mes cu efectonan secundario cu lo afecta su emocionan, door cu su meta ta pa jega. E momento cu e persona aki, djis pa un rato pone atencion riba loke ta “pasando” rond di dje y ta laga e informacionan aki toca su emocionan, na e momento aki, e ta perde su concentracion. Tur bendedor mester tin un meta pa traha pe, mester sa unda e kier jega y dicon e mester traha duro awe pa logra bai tur su clientenan, meta pa logra ta judabo keda den bo liña di trabou.

4.       Si nan no kier, ami ta bai mi so: Manera Joe Girard, e bendedor cu a gana Guiness record a bisa ora nan a puntre ta con e la logra e record den benta aki. Simplemente, papia cu personanan cu por judabo den bo benta, y conoce mas di bo producto, stop di sinta gasta tempo ta papia di cosnan cu no tin sentido y ta papia cosnan cu lo afecta bo emocionan. Hasi loke mester hasi pa logra bo metanan, si e otro bendedornan no kier bai dilanti, abo si ta disidi di bai bo so y traha pa logra bo metanan.

5.       Con por premia bo emocionan: Hende ta gusta gana algo, tapesei bo ta mira asina tanto reina di beyesa y asta muhernan ya hopi mayor, te ainda ta competi, door cu nan emocion kier sinti bon. Dus hende gusta wordo premia despues di un  actividad cu a costa hopi energia, y ta sumamente importante pa bo mes premia bo mes. Despues di un bon benta, ora e placa pasa riba bo salario na banco, bo por premia bo mes cu algo, custumbra bo mes di premia bo mes cu cosnan chikito. Si algo a bai bon e luna aki cumpra algo cu ta ekivalente di e resultado di e luna. Pasobra e premionan chikito ta antesala pa e premio grandi ora bo logra e meta di aña of meta di 5 aña of 10 aña. Premia bo mes y ta e mihor remedi pa mantene bo emocionan riba un nivel cu lo judabo logra bo metanan den benta.  Blessings Steve

Preguntanan: Masha danki pa e reaccionan cu mi ta risibi y door cu tambe tin varios preguntanan ta wordo hasi, lo mi cuminsa contesta algun pregunta cu awordo hasi di e Mercado actual, dus si bo tin un pregunta por mandami esaki y sigur lo mi elabora riba nan den termino general, sin pone nomber etc. stevefrancees@hotmail.com (297) 738-0777

 

 

 

Cansa di benta abou? Usa e strategia di entrada-salida!!!

Scirbi pa Steve Francees

Den e luna aki tur empresanan ta pensando con pa saca mas probecho di e ultimo dos lunanan cu a keda di e aña aki y pa asina por sera aña cu ganashi y tin cu ta bringa pa break-even. Den luna di September ultimo mi a scirbi con e economia lo mira cambionan den e efecto di pre-eleccion y mi a haña hopi reaccion cu tambe a pasa asina y tin empresanan cu tambe a hasi cambionan na ora pa no a sufri e bahada di e competencia cu eleccion. E strategia di awe ta hopi efectivo pa negoshinan den “retail” dus ta bende productonan den un edificio. Den psicologia di benta tin dos accion masha importante, entrada y salida, con ta trata e cliente na entrada di e negoshi y ora e sali di e negoshi, esakinan ta e fundeshi di un excelente servicio unda e cliente lo keda bini bek pa cumpra na e negoshi ey, asta si e prijs ta mas caro cu e otro.

Aki fayonan grandi ta wordo hasi cu ta causante di un cash-flow abou, mayoria empresa ta pone atencion riba e parti mei-mei di e sales-pitch, dus e climax di benta ora ya e person ta paden di e negoshi, pero a resulta cu esey no ta suficiente, anyway ban riba e strategia di entrada y salida.

Unda e cliente ta para su auto?, akinan tur ta grita “den parlinglot” y esey ta corecto, bo sa cu parkinglot mester ta bo strategia #1? Den cual sentido!, wel akinan ta e prome encuentro cu bo negoshi, si e parkinglot no ta sigur, bo por lubida cu e cliente lo para su auto den dje!esey ta logico, tur empresa,por ta loke sea e empresa, pero tur cu tin un bon parkinglot ta considera di tin bon servicio y e cliente lo paga loke sea pa drenta y cumpra den e empresa, esaki ta pasa hopi na restaurantnan di calidad, unda prijs no ta e problema pero servicio ta conta. Of asta si tin seguridad den parkinglot, pa cuida e autonan y si e personal di seguridad tin super bon manera y ta duna bon servicio, esaki lo genera hopi mas entrada pa e empresa. Ofertanan “jugoso” of “Juicy” mester wordo poni den parkinglot, crea demanda for di pafo, laga e mente di e persona cuminsa bende su mes for di e momento cu e drenta den e parkinglot. Pone banner di super ofertanan, y trahanan grandi, no spaar riba material, mas grandi nan ta, mas impactante nan lo ta den e decision den e mente di e prospecto pa cumpra. Vooral hende muher, ora nan mira un oferta “juicy” ta direct nan ta bisa “Ai, Papi, ban mira kico e ta”y e homber ta hala un rosea y trek su cara un tiki, pero toch ta drenta tras di e muher. Esaki tambe ta conta pa e fachada di e empresa, fachada lo trek of core cu cliente. Manera e prospecto drenta e negoshi,direct mester tin un atencion pe, hopi ta bisa cu mihor laga e prospecto cana trankil, pero mester ofrece algo, e atencion aki pa e prospecto ta simbolisa cu bo tey pa juda, no sali bisa “ala orden” esey ta core cu prospecto, e palabra aki ya ta “outdated” wel aki na Aruba esey a muri hopi aña pasa, y a mata hopi oportunidad pa comunica. E persona cu ta bende no mester bende! E mester juda, soluciona e problema cu e prospecto tin, mester ta un consehero y esey mester sosode durante di e entrada den e negoshi, den e prome secondenan. Den climax di benta, ta bisa cu e prome encuantro ta 80% di e benta mester traha riba e entrada aki, pone enfasis ta train empleadonan/bendedornan riba e importancia di e entrada.

Wel y e di dos ta salida!, akinan supermercadonan por score masha halto mes, si nan train e “pakker-nan” pa actua mas servicial, smile cu e prospecto, jama e cliente danki pa cumpra serca nos, juda e clientenan cu mas rapides y entusiasmo, pero cu respet, sigur e cliente lo keda masha contento y lo kier bini bek door di e ultimo servicio di calidad cu el a haña. Mesun cos ta conta pa net prome cu e cliente of prospcecto sali di e negoshi, mester tin un super trato pe, e ultimo imagen lo keda den su mente y basa riba esaki lo sigui traha riba dje pa bini bek y cumpra loke e kier, si e no tin placa e ta bin majan bek cu e placa door di risibi bon servicio na entrada y salida di su bishita na e negoshi. Nunca laga un prospecto bai sin dune nada, kisas un sample di algo, un coupon pa jena, un folder cu mas productonan,tur loke ta informacion balioso y “cosnan” gratis pa e prospecto, lo crea un relacion in-direct hopi fuerte cu e prospecto, mester mira esaki manera un simia cu ta wordo sembra den e prospecto cu pronto lo crece y duna su fruta cu e prospecto bira un cliente y keda tambe un cliente. Cuminsa awe pa pone e strategia di entrada-salida den funcion, Blessings Steve

Masha danki pa bo reaccion stevefrancees@hotmail.com (297) 738-0777

Mercado mester di personanan cu capasidad pa lidera y no pa maneha.

Scirbi pa Steve Francees

Si analisa e Mercado actual bo ta haña cu tin demasiado manager y no lider cu por lidera e proceso pa asina e compania of organisacion por tin un futuro aki 3 pa 5 aña.  E manager ta administra y cuida loke tin conhuntamente cu su grupo di otro managers y supervisors,nan ta pone meta pa subi benta basa riba realidad di benta di e añanan pasa y tambe tin e precion di accounting pa spaar placa na mesun momento, hopi ta confundi esaki cu top management of board of directors. Pa cualkier empresa of organisacion move sanamente mester tin un structura bon hinca den otro unda ta sincronisa componentenan di liderasgo y maneho. Na un manera simpel, por bisa,liderasgo ta pone e rumbo y direccion na unda e empresa mester bai, unda lo mester jega aki 3 aña y tambe ta tuma desicionan radical si mira cu e rumbo y direccion cu ta bayendo no ta logrando jega na e meta. Un lider por tuma un decision cu asta mayoria di middle-management lo no compronde, menos e trahadornan, pero nan ta mira mas lew cu nan nanishi y ta tuma decision awe pa salba e barco di box contra un iceberg den futuro sercano. Un lider por hole kico ta e cambionan cu lo por bai bin y ta door di esey tambe mester tuma decision pa alinea e direccion di e empresa.  Aki algun punto cu por juda e proceso di liderasgo.

1.      Crea espacio pa bini hunto pa papia riba ideanan nobo, cambionan den e Mercado pa asina tin un bista di e estado actual di e Mercado. Informacion actual ta e componente #1 di tur lider y e mester haña esaki di diferente fuente pa e por tuma un decision basa riba su intuicion di liderasgo.Cu informacion di un banda so bo no ta gana Guerra, esey tur lider sa. Reunionan den ofisina cada dia ta birando menos popular, door cu resultado a mustra cu ideanan nobo ta bini ora tin menos precion y e sitio ta hunga un rol masha grandi mes.

2.      Visualisa con lo bai ta den futuro, visualisa otro majan prome cu majan. Ora e lider pre-mira otro majan, lo e mira un imagen hopi mas grandi cu normal y esaki por spanta cualkier persona den e empresa,accounting,banco y stakeholders etc pero un lider tin e capasidad pa pre-mira y visualisa e estado di e empresa den futuro.

3.      Busca excelencia den servicio na e cliente, un lider mester mira con e cliente kier wordo sirbi majan, prome cu e cliente mes sa di esaki. Loke ta lanta un empresa ta e calidad di servicio na e clientenan. Un lider por visualisa e experencia “waw” di e cliente.

4.      Lider ta crea ambiente di cambio den un empresa of organisacion, corda cu un empresa ta manera un ser bibo, cu ta sinti, tin emocion y tambe mester wordo educa, dus mester incentiva un cultura pa adapta na cambionan. Aki na Aruba e cultura aki di cambio ta sumamente importante pa traha riba dje, hopi di e personal no kier cambio y ta tranca esaki ora jega asina lew cu mester bon cambio, dus lo mehor ta cu mester educa e personal y management poco –poco pa bai den direccion pa adapta na un cultura di cambio constante. Un cambio no necesariamente lo mester mira un adelanto direct, asta un cambio por manda e empresa un stap atras pero majan lo ta tres stap dilanti, y esaki ta difisil pa cualkier personal compronde door cu nan ta buscando un supuesto seguridad.

5.      Usa competencia pa bo beneficio, competencia ta sano y tambe hopi biaha ta hopi bon y bo mester usa esaki pa abo duna mas ainda pa pre-mira e futuro. Usa competencia su actividadnan pa pone mas gasoline tras di bo liderasgo, bira un lider mas eficas, siña mas di liderasgo, y aumenta bo intuicion pa pre-mira futuro.

6.      Crea un cultura di buskeda y accion, crea espacio pa tuma decision, incentiva middle-management pa busca informacion y detayes di loke ta pasando den e Mercado y dunanan oportunidad pa tuma decision tambe y para nan tras ora “cos” no sali manera a spera. Mi tabata na Israel pa casi un luna y a bini 2 dia pasa y mi a mira esaki masha hopi mes, nan ta confia den hende y ta dunanan oportunidad pa maneha na edad hopi jong y tambe ta incentiva nan pa busca alternativa y pa tuma accion, mira e oportunidad y actua riba dje. Mi a topa un hoben di 20 aña cu ta commando di ehersito cu tin 3 persona bao di dje y tin un tanki di Guerra bao di su responsabilidad, ya Doron sa maneha y duna ordo na e edad di 20 aña.

7.      Un lider ta crece hunto cu su grupo, Napoleon tabata sa nomber di tur e casa y yunan di su ehersito y tabata papia cu nan individualmente, y su ehersito tabata dispuesto pa muri luchando pa Napoleon. Un lider di empresa mester sa hiba su personnal dilanti tambe, bin cu iniciativanan cu ta incentiva excelencia den e trabou, un  trahador bon trata ta duna 57% mas di rendimento y esaki lo aumenta cashflow di e empresa y un lider sa di esaki y ta crece hunto cu su personal completo, blessings Steve.

(297)738-0777 /whatsap)  stevefrancees@hotmail.com

 

E mentalidad pa surpasa TARGET!

E mentalidad pa surpasa TARGET!

Scirbi pa Steve Francees

Tin custumbernan cu no ta judabo vooral ora bo ta den benta y mester bende den un Mercado cu ta exigi mucho mas cu ajera, y un di e mal custumbernan aki ta Depende di otro!. No depende riba otro pero depende riba bo mes, si otro no kier, abo si lo hasi’e, si nan no kier duna mas di nan parti, abo si duna mas, no depende di otro pa abo move, pero move riba bo mes. Ta abo tin bo metanan y e unico responsabel pa bo logronan ta abo mes. Jega target no ta un meta, esey ta bo deber, esey compania ta pone pa bo cu ta e mimimo cu bo mester logra, dus no hasi fiesta ora jega target, pero e meta mester ta surpasa e target cu compania a pone, esey Si ta un meta, y un bon meta door cu esaki lo ta bo meta personal. No compara bo mes cu un otro cu ta net jega target, abo ta unico y tin tur e potencial pa surpasa target, pone 10%-20% riba e target y traha pa logre, y esaki ta posibel pa esun cu ta kere cu e por, tur cos ta bo decision, con bo ta educa bo mente pa logra bo metanan. Depende riba bo mes, no laga otro motivabo, Dios a crea nos cu tremendo potencial y segun estudionan hasi, un  persona ta usa unicamente 7% di su potencial, increibel cu tin tanto mas pa logra, dus bo tin e potencial suficiente pa pasa cualkier target cu wordo poni. 

Mercado no ta malo, semper tabata mesun cos, ta con abo ta mire lo bira e realidad di bo mente y lo bo actua tambe asina. No depende riba hendenan negativo pa logra bo metanan,nan ta keha pa tur cos y mas bo cana cu nan,mas atras lo bo bai door cu bo ta garando nan mentalidad y esaki lo no judabo den e Mercado di awe. Awe ta e dia pa hasi un cambio den nos manera di pensa, auto-motiva bo mes, kere cu bo por, tuma iniciativanan nobo,cambia strategia di benta, cambia bo approach, disidi di ta mas contento,mas entusiasma cu bo trabou,mustra empatia cu otronan,lesa mas di informacionan di bo producto y servicionan. Disidi di siña algo nobo awe y no depende riba otro, depende riba bo mes, hasi loke bo mester hasi y pone un extra ariba, un cliente mas, un jamada di telefon mas, un bishita mas, tuma un risico mas grandi awe, hasi net loke bo tin miedo di hasi, unabes cu bo hasi’e, lo bo sinti bo mihor y bo balor-propio tambe ta subi, bo auto-estima lo aumenta, hasi  e extra lo dunabo satisfaccion y hasibo mas productivo, awe ta e dia pa no depende di ningun hende pero depende di bo mes. Corda cu Dios a crea bo cu hopi MAS potencial cu loke bo ta usando, dus ban cuminsa usa mas di e reserva di potencial cu nos tin. Blessings Steve

www.stevefrancees.blogspot.com  (297) 738-0777

Nos ta traha pa Crea y Multiplica

Nos ta traha pa Crea y Multiplica

Scirbi pa Steve Francees

Nos tin tur ingrediente necesario y capasidad pa crea loke nos kier, nos por cambia algo di malo pa bon, nos por supera cualkier obstaculo cu por presenta. Nos por cambia nos estado actual di normal pa uno hopi mihor, nos tin e opcion pa scohe kico mi ta bai pensa riba dje, e poder ey mi tin den mi. Nos tur ta trahá cu abilidad pa crea y cambia cosnan, no tin ningun circunstancia cu no por wordo cambia, tur loke bo por imagina y kere cu fe den dje, por bira realidad! pasobra nos ta traha pa crea y modifica tur loke mester wordo modifica. Nos tin e capasidad pa cambia nos emocion  y scohe emocionan nobo, pa cambia nos emocion y sintimento di ta un perdedor pa un di un vencedor, mi por scohe kico mi wowonan lo mira y tambe mi por crea loke hende no ta mira, pero mi wowonan si ta mire.

Nos ta creá cu tur loke ta necesario pa cambio y mehora nos actititud, pa crea un mihor futuro, un mihor familia y sigur un mihor pais. Dios a crea nos for di comienso di mundo cu e capasidad ey, den Genesis 1: 26, Bijbel ta bisa cu E a crea nos segun Su imagen y semehansa, no segun nos comprendemento cu ta limita, Bijbel ta bisa cu Fe sin obra ta morto, dus nos mester pone den accion tur nos talentonan pa crea y multiplica. Den Romananon 12, Bijbel ta bisa pa cambia boso manera di pensa, no pensa manera e mundo aki pero pa medio di e renobacion di nos mente, Dios a crea nos cu tur abilidadnan pa hasi cosnan y crea cosnan, pasobra Dios ta un Dios creador y E ta gusta crea cosnan bunita, Su creacion ta perfecto y no tin nada cu nos no por crea, E ta cu nos.

Dios a bendicona nos cu tur bendicion Spiritual, pa jena nos spirito cu Su sabiduria pa asina ta fructifero y multiplica(Genesis 1:28). Awe ta e dia pa cambia bo pasado y crea un futuro nobo y esey ta posibel si bo ta kere cu bo por, Dios sí ta kere cu bo por, pasobra ta E a creabo pa asina bo por sigui crea tambe y multiplica, pa cambia y drecha camindanan cu a bai robes, pa pone riunan den teranan seco, pone matanan crece caminda no por a planta den pasado. Ta posibel pa bo crea awe un mihor futuro pa nos muchanan, nos hobenan cu mester di tanto atencion, pa personanan cu ta luchando cu nan self-esteem, hendenan sufriendo di un dificultad fisico of malesa, mamanan luchando nan so lantando nan yunan, personanan cu mester di un judansa pa lanta bek di nobo!. 

Nos tin e poder pa crea y expande horizonte pa esunan cu no tin vicion y habri nan wowonan pa nan mira un mihor futuro. Dios a crea nos cu tur loke bo tin mester pa hasi un cambio pa mehoracion riba e dia di awe!Awe ta e dia, puntra bo mes, kico Dios  kier pa mi crea y multiplica awe? unda E kier pa mi pone mi atencion riba dje? Kico ta e prioridad riba e dia di awe?. Bo tin tur capasidad pa crea y cu Dios Su poder SIGUR lo bo por crea un mihor futuro y multiplica tur loke E a confiabo cu ne!. Blessings Steve 

www.stevefrancees.blogspot.com  Aruba (297) 7380-777

Tin tres grupo di hende!

Den nos comunidad tin tres tipo di hende of grupo di hendenan: Un ta mira "otronan" hasi loke nan ta hasiendo y ta djis para mira, tin un otro cu despues cu e "cos" a pasa ta puntra?pero ta kico a pasa precies?,dus nunca nan no ta pendiente y ta perde e momento y tin un grupo cu ta disidi di "move" bai dilanti y ta traha, pa logra loke nan kier logra, nan no ta worry kico"otronan" ta bisanan, no ta worry cu critica pero ta automotiva nan mes pa logra metanan nobo y busca teranan nobo, nan ta dispuesto pa subi un barco, nabega lama bruto pero cu e meta di logra teranan nobo cu lo tin prosperidad pa nan y nan famia y asta nan generacion. Nos ta disidi nos futuro y ta responsabel di tur loke pasa cu nos, esun cu busca lo haña, esun cu bati lo wordo habri pe, no warda te cu mañan pa bati of busca, tur persona cu a logra metanan extra-oridinario den nan bida a disidi di ta den e di tres tipo di hendenan y awe esaki tambe lo ta nos desicion, den cual grupo di hendenan mi kier ta? y den cual grupo mi ta awor? y si encaso bo ta den e grupo robes, mester tuma un accion pa "schuif" bai den e di tres grupo. E great ta cu bo tin tur loke ta necesario pa opr ta den e di tres grupo! Blessings Steve

Con empresanan por siña di eleccion 2013!

Scirbi pa Steve Francees
Den e dia aki nos por mira tur color rond di nos, cada un di un partidonan kier nos atencion y nan ta usando strategianan di mercadeo masha creativo y avansa. Empresanan cu mester promove nan producto y servicionan por siña masha hopi mes di loke ta pasando den e comunidad vooral drentando den e luna climax di eleccion. Tin componentenan di mercadeo hopi bon usa den e campaña aki. E partidonan politiconan ta drentando tur bario pa asina tin contacto cu e comunidad, dus un contacto personalisa, cu ta cay bou di mercadeo directo y den tur e strategianan di mercadeo esaki ta esun di mas efectivo door cu bo mensahe ta bira mas personal y y comunicacion ta mihor door cu bo ta tende tambe loke e comunidad tin necesidad di dje. Empresanan tambe mester hasi esaki door di analisa e Mercado mas personalmente, hopi biaha bo ta hasi un propaganda y ta confia cu e Mercado consumidor lo reacciona riba loke bo ta promoviendo pero kisas, djis pa falta di algun detayes chikito ta stroba cu lo bo no haña un cobertura mas amplio di informacion cu bo kier expone, y bishita personalmente e clientenan of busca strategianan cu ta logra personalisa e empresa lo mas posibel cu e prospectonan y tambe mantene un relacion personal cu cada clientenan pa asina tin mihor servicio y tambe pa haña sa e necesidadnan cu ta cambia y ta aperese den e Mercado.  

Politiconan ta pasa cas pa cas pa parti bandera y esakinan ta bon strategia pa asina nan por pone presencia den e caya ey y tambe den bario, cada bandera tin su efecto riba e persona cu ta pasa den auto y ta mira e bandera, nan ta reparti flyers den bario, den caya, cu gruponan tur cu nan t-shirt y ta hasi esaki un “Happening” y tin hende gusta esaki y asina tambe ta pega sticker riba autonan cu ta simpatisa nan partido, tur esakinan ta pa sigui crea atencion, nan mester mercadea nan partido. Empresanan tambe mester crea “Happening” asina usando vooral e hobenan cu ta gusta ta den un ambiente y promocionando algo. Partidonan ta fuerte riba facebook, ta cada rato tin un nobo ta sali asina por “like” nan page y e pret ta cu tin persona ta “like” tur, pero e presencia ta conta, facebook ta un media hopi efectivo pero mester ta bon diseña y direct riba su punto, no por usa hopi palabra riba rednan social pero net pa logra jega cu un mensahe. Nan ta pega sticker cu nan cara riba auto, organisa caminata, nan tin trailer, habri cas di partido den barionan, reunionan di contaco den casnan familiar, saca propaganda den corant manera Diario mes, nan ta reparti t-shirt, organisa evenementonan pa haña mas persona pa asisti y ta sigui inventa cosnan hopi creativo pa asina nan por keda den mente di e votadornan y logra nan voto.

E politiconan ta hasiendo loke e markting dept mester hasi pa asina por promociona nan producto y servicionan y sigur esun cu promociona mas efectivo cu un bon mensahe cu ta convense e pueblo lo logra haña e voto y mesun “mindset” aki empresanan mester adapta den nan departamento di mercadeo pa logra convenes e Mercado consumidor pa cumpra nan productonan. Bo mester conoce cual ta e necesidadnan cu tin den e Mercado, saca afo cual nan ta, pone nan riba un lista di prioridad y segun resultado di e analisis bo mester traha bo strategia di Mercadeo dunando e solucion pa e necesidadnan cu tin cu bo producto y serviciona ta e  soluciona pa nan necesidad.

Loke semper ta stroba!

Loke semper ta stroba!

Scribi pa Steve Francees   

Den bida, tur loke bo hasi cu ta fuera di normal ta aumenta e factor di miedo, tur loke bo pensa pa hasi cu ta “out of the box” ta trece cu “sierto” persona den bo grupo lo resisti esaki y sigur lo vota contra, of ta purba bini cu argumentonan cu ta frena e accion nobo di explora areanan nobo. Esaki ta pasa den empresa, den bida priva y tambe den organisacionan. Tur loke ta diferente tin tendencia pa risisti esaki, pero esaki semper tabata asina. For di fundamento di humanidad tabatin personanan cu tabata contra sali pa hasi algo diferente y tur esaki ta basa riba un punto y esaki ta miedo! No tin otro palabra pa splica esaki, djis ta miedo.

Miedo lo stroba e proceso y stagna e operacion di tur loke ta move cu tin bida, djis mira rond di bo, tin masha hopi hende cu tin miedo, tin mas hende cu miedo cu esunan cu no tin miedo, mayoria kier laga cos keda mesun cos, nan asta kier bai atras manera antes, personanan den puestonan clave ta pretende cu antes tabata mihor y ta papia cu orguyo di antes, con nan a hasi e cosnan y a logra y tapesei  mester bai bek manera antes!

Antes, manera promenan aya lo no bolbe!!! Esey ta e realidad, pero ta awe ta conta, no por hasi cosnan manera antes mas, ya e structura ey no ta funciona y te na e momento cu bo no compronde esey, djis e pensamento di keda pega den pasado ta strobando bo di logra teranan nobo, metanan cu Si lo por logra den e Mercado actual. Hendenan cu miedo ta strobando desaroyo di hopi empresa, famia y asta nos pais, un comunidad cu jen di hende cu miedo ta stroba e desaroyo door cu nan no ta dispuesto pa sali padilanti y pusha extra pa logra “cosnan” nobo. Nos tur mester revisa ta ken ta rond di bo! Cual di bo amigonan tin miedo y puntra bo mes con su miedo ta strobando abo di logra bo metanan.  E problema mas grandi di vooral un empresa ta ora esunan cu mester tuma sierto desicionan bastante fuerte, tin miedo y cada bes ta “stel-uit”  e desicion pa tuma un decision y asina tambe ta den famia, ora e mucha mester tuma curashi di bisa “mami, mi kier bai studia afo” y e mama cu dolor na su curason pero mirando e bienestar di e mucha ta bisa “mi yu, bai pe”.

Miedo di hasi cambionan ta stroba henter e proceso di desaroyo, cuanto biaha esaki a pasa, door di no tuma un  decision na ora, bo a perde e oportunidad?, esaki ajega di pasa cu mi!. Pero awe ta e dia pa revisa tur loke tin riba mesa, tuma decision door cu nos decision di awe lo afecta nos generacion cu ta biniendo, no laga miedo strobabo, y hasi net loke bo tin miedo di hasi y lo bo ripara cu e miedo ta bai, disidi di bai contra e coriente, enfrenta loke bo tin miedo di dje, tuma curashi y lanta y bai y vence, awe ta e dia pa bai dilanti pa logra bo metanan, mañan ta laat, pero awe ta e dia. Tur e ideanan cu bo tin cu bo kier hasi, no keda “parkeer” pero pone bo mes den accion, tuma e curashi hasi’e, plania y actua, please no plania so (esaki ta cos di miedo), pero actua, si e no sali bon, purba atrobe, un biaha mas sigui pusha y sigur lo bo jega e momento di logre y si bo logra, please lagamisa, Blessings Steve

 www.stevefrancees.blogspot.com (297) 7380-777

3 seconde!!!

3 seconde!!!

Scirbi pa Steve Francees (297)738-0777

Den mercadeo, cada seconde ta conta y si e marketer faya den dje, esaki lo afecta e resultado di loke a spera!. Atencion ta e prome componente pa asina tin un mercadeo exitoso y esey por wordo mira tur caminda e dianan aki na Aruba cu e campaña politico cu tur dia ta birando mas fuerte.  Tur politico ta bringa fuerte pa logra haña mas atencion y algun usando strategianan controvercial, clasico, moderno, critico enfin, nan kier atencion. Pero kico ta e importancia di e 3 seconde? Durante di e ultimo añanan mi a atende y forma parti di hopi expo local y internacional y eynan bo ta mira con creatividad pa logra gara atencion di e prospectonan, loke ta hasi un booth gara atencion ta e set-up y e strategianan completamente diferente cu nan ta usa pa hala atencion pa nan booth, nan ta usa obhetonan,imagenan cu ta gara bo atencion y akinan e importancia di 3 seconde ta haña su balor.

Den tur loke bo hasi den mercadeo bo tin 3 seconde pa gara atencion di e Mercado prospecto, si bo propaganda no logra esaki, bo a perde bo placa y no a logra e obhetivo, bo mester pone hopi atencion riba e prome 3 seconde y crea un strategia fuerte cu por mantene e atencion di bo prospectonan pa minimo 3 seconde y esaki ta den tur tipo di propaganda.  E 3 seconde aki tin cu gara tur bo 5 sentidonan, dicon? cada persona ta wordo atrae pa un of mas di su 5 sentidonan, dus bo propaganda mester atrae tambe e prospectonan door di “trigger” un di e sentidonan aki, esaki ta pone un precion enorme riba esun cu ta dirigi e propaganda y tambe den e diseño di e propaganda. Cada producto tin su target-market(Mercado meta), y mester segmenta e Mercado na e grupo cu por ta e mihor clientenan pa bo servicio/producto. Creatividad ta crucial pero mester crea un propaganda cu mester gara atencion y mantene e atencion pa minimo 3 seconde. Awor e di dos fase ta pa gara e atencion pa 30 seconde y esaki ta bira efectivo solamente ora e prome 3 seconde a gara suficiente atencion. E problema ta cu ta pone demasiado atencion riba informacion di loke bo ta bendiendo of promocionando y no ta pone atencion den e prome parti cu ta e atencion den e prome 3 seconde. Hende su mente ta funciona den seccion y psicologia di benta ta bisa cu bo mensahe mester pasa door di tur tres seccion den e menta pa asina bo por logra atencion y mas ainda pa e prospecto tambe por reacciona riba loke bo ta promociona. E tres seccion ta mente sensor,mente trahador y mente duradero, dus tur informaciona ta drenta prome door di e mente sensor, cu ta scan y busca loke ta interesante y diferente. Gara atencion pa 3 seconde,crea imprecion pa 3 seconde,laga e prospecto hari pa 3 seconde, Lage hole algo pa 3 seconde,tende algo pa 3 seconde,fula algo pa 3 seconde, smak algo pa 3 seconde tur esakinan ta sumamente importante pa mantene e atencion di e prospecto pa 3 seconde y pa despues bai den e siguiente seccion cu ta dura 30 seconde. Pone e componente di 3 seconde den bo propaganda y sigur lo bo mira un aumento den interes pa loke bo ta promociona y sigur benta tambe lo subi. Blessings Steve

Emocion por duplica bo benta!

Emocion por duplica bo benta!

Bo tabata sa cu 70% di desicionan ta wordo tuma riba emocion y no realidad? Emocion lo influencia mayoria di e descicion ora un persona kier cumpra algo, con nan ta sinti na e momento ey,con loke bo ta bendiendo lo laganan sinti, sinti sigur,subi nan autoestima, hopi kier experimenta sensacionan diferente, adrenalina, sinti nan mes special, mustra bunita of mas cu style. Emocion ta un parti di e ser humano masha importante, no ta mesun cos,come un steak na cas of un den un restaurant, kico ta e diferencia? E emocion y recuerdonan cu e comemento lo crea y e sensacion di ta den un sitio diferente unda mi ta wordo sirbi y basa riba e emocion aki e prijs di mesun steak a subi 1500% y nos ta willing pa page tambe! Un decoracion cu ta crea ambiente. Emocion ta importante y use den e presentacion di bo producto ora bo ta presenta loke bo ta bendiendo y mester tin balor agrega cu ta incentiva e emocion di e cumprado pa tuma e decision pa cumpra loke bo ta bendiendo. Crea experencianan nobo rond di bo producto y lo bo mira un aumento den bo benta!

Blessings, Steve (297) 7380777 stevefrancees@hotmail.com

E palabra ta y lo keda “persistencia”

Scirbi pa Steve Francees

Tabata antes cu por a djis jama un cliente na telefoon y close the deal of via un fax y cliente tabata firma y manda bek y asina sera e benta, pero no ta asina mas. E Mercado actual ta rekeri mucho mas di cada persona cu ta atende cliente, cada dia bo mester ta mihor cu ajera. Technicanan cu tabata usa antes ya no ta funciona mas, dus pa e personanan cu no kier cambia, lo bira difisil pa nan por funciona den e Mercado actual, cu tur dia ta experencia cambionan bastante formal y no a keda nada mas di desaroya paralelo cu e Mercado cu ta desaroyando cu velocidad di lus. Tin un componente cu tur dia ta birando mas importante den tur loke bo hasi y sigur ta conta pa tur persona cu ta traha den benta y esey ta “Persistencia”. Awor bo mester ta 10 biaha mas persistente den e mercado, cada persona tin 7 NO den su mente pa loke bo ta presentando, dus bo mester neutralisa e 7 No cu 7 Si, pa bo djis neutralisa esaki, dus ta di 8 Si, lo bo mester logra pa bende bo producto of servicio. Esaki no ta fasil, door cu mayoria hende ora e clente bisa No e prome biaha,ya nan ta lanta bela bai y cuminsa keha cu no tin placa cu ta circulando na Aruba, pero cosnan a cambia, bo mester ta mas persistente, esun cu no persisti lo no logra e meta, y esaki ta tambe den tur aspecto di bida.

Jammer cu na scol no tin un vak cu ta train nos hobenan persistencia, dus dedica solamente na e punto aki, door cu nos Mercado ta exigi persistencia pa logra loke bo kier. Empresanan ta perdiendo hopi placa door cu e personal cu ta atende cliente no ta persistente, no ta duna e extra atencion cu mester pa e prospecto cumpra loke nan ta bendiendo, persistencia den duna bon servicio, persistencia den mantene bo lugar di trabou limpi, persistencia den sigui hasi loke bo ta hasiendo te ora bo logra hasi’e bon,persistencia den sigui studia ora tur otro ya no kier sigui, persistencia pa para traha bo 8 oranan di trabou y cumpli cu loke e hefe ta rekeri. Persistencia no ta un teoria pero lo logra su meta ora pone den practica, e mercado actual kier traha cu specialistanan y pa bo specialisa den bo area bo mester ta persistente, no tin otro opcion, cosnan ya no ta bin dimes, abo mester sali buscanan y persisti te ora bo logre. Pa un persona logra ta persistente, mester cuminsa cu un decision, y decision ta e comienso di persistencia, dus tuma e decision di logra loke bo kier logra, hasiendo loke sea pa logre, si bo mester bai bo so, so be it, dus un decision. Sales Managers,supervisors etc tin un trabou sumamente importante cu ta inspira e grupo pa asina ta persistente, nan mester ta un ehempel pa asina nan grupo por mira cu Si ta posibel pa logra e meta pero mester ta persistente. E manera di pensa den e cultura di trabou mester cambia y intencionalmente mester scohe pa ta mas persistente  y esaki ta un proceso cu mester wordo cultiva.

E Mercado ta exigi bendedornan mas persistente, mester bai y bai y si mester bai bek serca e cliente, bo mester bai bek, duna un excelente servicio pa asina bo por logra e benta, no tin otro opcion. E negoshinan di multi-nivel ta bon den esaki, nan ta hasi reunion, motiva nan miembronan, duna incentivo,crea gruponan chikito y un ta pusha otro pa logra bai dilanti y tur esaki ta rond di e palabra Persistencia. Despues di decision, e palabra net prome cu persistencia ta rutina, ningun persona ta gusta rutina, tur hende gusta cos nobo, y nan no ta perfeciona loke ya nan tin, y rutina ta e base pa bo perfecciona bo habildadnan y akinan hopi ta cay afo door cu no gusta rutina, nan no kier bai, bolbe bai y sigui bai hasi mesun cos, pero esun cu persisti den e rutina lo logra su meta, pa despues e otronan puntra ta con bo a hasi’e, y tabata djis ta persistente den e rutina,  no tin otro opcion y Aruba su Mercado actual ta exigi persistencia den tur loke bo ta hasi.

Relato scirbi pa Steve Francees pa DIARIO (11 di Juli 2013)

Danki pa tur e comentarionan! Blessings!

E importancia di Aftersales!

scirbi pa Steve Francees::

Hopi esfuerso ta wordo hasi pa asina por haña un cliente, ta inverti den propaganda y ta hasi cambionan necesario pa atrae cliente. Ora logra bende e cliente, e dia ey tin fiesta door cu supuestamente a logra e meta di bende e cliente y akinan e fout ta cuminsa y den hopi empresa esaki ta un eror structural door cu te eynan e proceso y relacion cu e cliente ta caba y ta bolbe pone prioridad con pa logra haña mas cliente. Esaki ta bira un ciclo cu ta exigi hopi energia y placa pa bolbe cuminsa e proceso pa busca clientenan nobo y ta lubidando e importancia di aftersales. E relacion cu e cliente no por caba despues di e prome benta pero eynan ta cuminsa un oportunidad pa crea un cliente pa bida largo, ta mas fasil pa mantene un cliente cu busca un cliente nobo. Tambe un cliente contento y satisfecho lo conta minimo 3 otro di su amigonan di e bon servicio cu e ta hañando y esaki lo genera mas confiansa den e clientela pa bo empresa, akinan e mouth 2 mouth ta cuminsa y ta wordo considera un di e strategianan di mercadeo di mas poderoso, ora un amigo conseha otro amigo pa cumpra algo. Mercadeo di multi-nivel ta basa riba e principio aki y tur esakinan por wordo gana si hasi afterrsales un prioridad y crea un structura cu ta juda den e desaroyo di aftersales. Corda cu relacion ta keda e basa di confiansa y mester sigui mantene e relacion cu e cliente pa asina e cliente keda afilia cu e empresa.

Tin un comerciante hopi exito aki na Aruba a bisa cu for di prome dia cu el a habri su portanan a disidi di bende su clientenan pensando con e por logra cu nan por cumpra semper serca dje y despues di 17 aña caba, mayoria di e clientenan ta clientenan di hopi aña, esaki ta un manera di pensa y traha un structura pa aftersales, mester saca tempo pa mantene e relacion cu e clientenan, bendedornan vooral ta hasi hopi eror den esaki y ta di compronde cu tempo ta birando tur dia mas caro y mester inverti esaki bon, pero e relacion cu e cliente existente mester pone como prioridad y esaki no mester ta complica. Un jamada di telefoon, un carchi di BBQ, un pen special riba un dia special, un reunion na un sitio, un bishita personal riba un ora no di benta, un yu a gradua y jama pa duna pabien, e lista aki ta sigui.

Mester structura aftersales como un exigencia den e structura di trabou, dus diariamente mester saca tempo pa atende y busca strategianan con por mantene e relacion cu e cliente y ideanan por bini di tur persona den e empresa, no djis di marketing y sales, si compronde e beneficio cu aftersales tin y pone den practica, sigur lo bo mira un aumento den cashflow y lo genera mucho mas clientenan nobo door cu clientenan mes lo manda clientenan nobo, dus e resultado lo ta tremendo. Un strategia cu por usa ta cu mester hasi actividadnan di mercadeo cu ta juda haña mas informacion di e cliente pa asina por conocenan mas, por usa coupon pa jena pa asina bo por haña nan informacion pa sina por contacta nan, tin programa cu ta traha un historial di cada cliente di tur nan informacion, bo ta djis pidi e informacion pa un biaha y sigui update esaki cu tempo, asina por sa tambe con frecuente e cliente ta cumpra y kico e tambe ta cumpra mas y esaki por duna bo hopi informacion con ta su manera di cumpra y su deseonan y necesidadnan.

E Mercado di awe ta exigi cu bo mester mantene un bon relacion cu e clientenan, competencia ta loco pa haña nan como cliente y e unico strategia pa mantene nan como cliente ta pa asina crea un bon relacion practicamente personal cu e clientenan y sigui busca maneranan pa mantene nan como clientenan contento.

12 pakico 99% di personanan tin rabia riba propaganda?

1: Propaganda no ta siñabo nada

2: Propaganda no  ta laga bo hari

3: Propaganda no ta hala atencion, hopi idioot.

4: Propaganda ta lagabo sinti cu “nan” kier bende bo algo.

5: Propaganda ta horta minuut pa mira loke nan kier mira of tende.

6: Propaganda ta papia mucho di e compania su mission statement, con bon nan ta, bla bla.

7: Hey! Mi no ta interesa,OK?

8: Ora e Dj anuncia cu “awor nos ta bai pa un break-commercial” keda eynan mes!no bai!

9:  Spot masha bieu mes cu mesun stem-nan di antes!

10: Spot na radio robes y den programa robes

11: Propagandanan cu style di 2005 y no 2013

12: Ta prop mucho palabra y text den un propaganda, hey, djis usa un imagen y ya!

Ken merese e placa di e cliente!

Ken merese e placa di e cliente!

Scirbi pa Steve Francees, (297) 738-0777

E cliente lo cumpra solamente serca esun cu e cliente ta kere cu merese su placa. Si e cliente no sinti aprecia simplemente e ta cambia pa un otro sitio, kisas e sitio ey ta mas caro cu esun prome, pero djis pa e mihor servicio e ta cambia, hende no ta cumpra producto solamante, pero tur loke ta bini hunto cu e producto, con e ta wordo sirbi, con e producto ta wordo presenta, con e bendedor ta bende e producto. Tin aspecto humano tras di e producto cu lo cambia tur e scenario ora e cliente tin cu disidi si ta cumpta si of no. Si un persona den un negoshi no duna e cliente e servicio cu e ta spera di haña, e ta sinti cu eynan su placa no ta wordo balora. Si un cliente ta cumpra 25,- pa siman na e tienda aki, y door cu no a dune bon servicio e cliente aki a bai na un otro sitio pa cumpra e mesun producto, cuanto esaki a costa e tienda aki, den un luna e tienda a perde 100,- di benta, 1200,- pa aña y 12.000()12 mil florin) den 10 aña di un cliente.

Nos tur tin un hefe y esey ta e cliente, y akinan na Aruba nos tur ta depende di cliente, y esey ta nos turismo, nos tur ta traha directamente den un cadena cu ta sostene e turismo cu ta nos cliente, di e persona cu ta trata e turista na pomp di gasoline, den supermercado,restaurant, entrada na parke Arikok, e hoben cu ta splica e turista con jega Bushiribana y persona cu ayuda e turista cambia su tire cu a flat y asta e persona cu djis a smile cu e turista, tur cos ta un cadena di servicio y cada bes cu un persona riba nos isla trata un cliente bon, esey ta reforsando e cadena di servicio pa asina turistanan por bolbe y bolbe y bolbe nos isla. Kico ta pasa ora un persona trata di saca probecho persona door di hasi algo cu no ta bon cu e turista, esaki ta kibra e cadena aki y ta mande masha atras, door cu e nivel di confiansa ta sumamente importante den un cliente su mente y den su percepcion di nos isla. Ora algo pasa, ta kibra e cadena di servicio y ta dura y costa hopi pa dreche atrobe. Cliente ta cumpra serca esun cu ta merese  su placa.

Tin un par di Supermercado cu sigur lo no haya nos placa mas door di mal servicio, nan ta trata e cliente malo, perde respet door di papia malo di otro cliente dilanti di clientenan y esaki no ta tur hende por cu esaki, esaki ta un falta di respet y ta baha e  nivel di servicio. Negoshinan ta faya hopi door di no inverti den capital humano, pero si ta invert den producto y imagen, drecha edificio etc pero ta laga e personal atras y esaki ta de-motiva e personal y seguramente despues di un tempo por baha e nivel di servicio door cu e persona cu ta sinti no aprecia y psicologicamente esaki tin su efecto riba su manera di pensa y actua cu lo refleha den e nivel di servicio na e cliente. Hopi ta pensa cu na final di luna e ta haya su salario, tapesey e la traha pe!, wel, aprecio y incentivo lo laga un persona funciona riba su maximo y genera hopi beneficio pa e empresa.

Den e Mercado di awe no por laga un cliente bai, cada cliente cu bai ta un sla duro den entradanan y henter e personal, management mester ta conciente di esaki, di e persona cu ta atende telefoon te na e persona cu ta deliver. Un manera pa drecha servicio ta asina , tur dia purba drecha e servicio den puntra e cliente mes, con e ta pesna cu por drecha e servicio, e ta e persona cu nos ta sirbiendo, dus e por duna loke mester pa drecha e servicio.  Henter e proceso mester ta super bon organisa pensando riba e beneficio di e cliente. Ken merese e placa di e cliente, wel, e empresa cu ta duna un bon servicio y kier duna mehor servicio tur dia, asina mes, tur dia mihor cu ajera!.

Kico ta stroba clientenan pa cumpra?

Influencianan cu ta afecta e decision pa cumpra!

Scirbi pa: Steve Francees

Nos comunidad ta desaroyando tur dia y esey ta bon door cu ta trece inovacion y hasi cosnan diferente. Nos Mercado actual tin un integracion masha fuerte di millennials cu ta e generacion nobo y nan ta pensa,actua, procesa informacion diferente cu e Mercado di generacion Y, esaki ta trece un precion fuerte riba e manera con empresanan ta bai profila nan mes pa asina keda “fit” den e Mercado actual. E generacion Y, tabata hunga cu Atari, manera weganan di Space-Invadors,Pac-Man etc, tabata weganan cu ta wordo jama 1D te cu 2D, dus riba e pantaya bo ta mira tur cos ta flat y e manera di move tabata di un manera, links pa reks, dus e mentalidad di e generacion aki tambe ta pensa asina, pero e generacion actual ta multi-canal, y esaki awordo stimula door cu nan ta hunga otro tipo di weganan, ya nan weganan ta real, 3D-4D y tambe e weganan di awor hopi mas complica cu tempo di Atari.

Esaki ta crea cu e generacion actual ta mira e imagen general, saca afor e factornan di riesgo, y tuma un decicion rapido pa asina por pasa e siguiente stage!. E generacion actual por tuma decision hopi mas rapido cu e generacion prome door cu ya nan ta prepara pa absorbe mas informacion den menos tempo, nan por studia,tende musica y chat mesun momento, algo cu e generacion Y sigur no por hasi. Nan ta wordo atrae pa  imagenan rapido, sonido y ambiente, dus asta e propagandanan cu ta asina largo, mester wordo corta den menos seconde y hinca mas imagen/video pa asina gara nan atencion. Loke ta kens pa e generacion Y,ta un “hit” pa e generacion actual di millennials, esaki ta desaroyo y den tur generacion por a nota esaki, pero e cambio awor ta stimuli un desaroyo tripel biaha mas rapido. Con esaki ta afecta empresanan aki na Aruba, wel  den tur sentido, cuminsa cu interior, tipo di servicio,propagandanan,socialmedia y ta exigi un cambio den mentalidad y esaki ta esun mas difisil, door cu mayoria no kier cambia y personal sigur lo reclama ora bin cu cambionan cu asta pa e generacion Y, e cambionan lo  parse ilogico.

Cambio ta subi e nivel di riesgo y hopi no gusta e fase nobo di riesgo aki pero mester tuma e paso pa cambio, pensando den e generacion actual, no por keda mesun cos cu ajera. E Mercado actual ta completamente technologico y ta gusta rapides, nan no por soporta un servicio slow, door cu nan ta programa asina. Un otro impacto cu ya nan tin den e Mercado ta con nan ta influencia desicionan di nan mayornan ora cumpra algo, nan por check online direct e prijs y puntra nan “amigonan” pa conseho den un tempo record y depende kico nan saca afor, esey lo influencia e decision pa cumpra algo,por ta un producto/servicio loke sea e ta. Dus si analisa bon, ora di bende algo bo mester tene cuenta cu e millennials den tur loke bo mester hasi door cu nan tin gran parti di e procentahe di e decision pa cumpra algo.Un manera cu empresa por trata e cambio aki ta pa asina tin un management-team balansa, dus algun persona hoben y algun di experencia cu cabei shinishi, door cu bo mester di tur dos, e mihor management-team tin personanan di experencia y energia hoben den dje, door cu tur dos ta complementa otro y sigur lo duna un bon resultado y mantene inovacion den e empresa.

Medianan tradicional ta bahando di efectidad y kico hasi!

Scribi pa Steve Francees,

E palabra mes ta bisa “tradicional” dus algo cu a bini cu e tempo y a keda te cu awor y ta cay den e seccion di tradicional, mayoria di nan ta mass-media cu ta visual,audio-visual, imprimi etc. Mas y mas marketers ta realisando cu esey no ta funciona mas y bendedor ta observa cu e manera di mercadea no ta funciona mas manera antes, e prospecto no ta wordo informa suficiente  y tampoco ta crea demanda pa loke nan ta bendiendo. Bendedornan ta man na cabes door cu nan tambe mester mercadea y bende alabes. Mercadeo tradicion ta pone avisonan den medianan y ta “spera” di por a atrae atencion pa loke nan ta propaganda!. Durante di e ultimo añanan por a mira claramente cu e structura di mercadeo no ta dje efectivo ey mas y tur dia ta birando menos efectivo. Prospectonan ya no ta kere un aviso mas dje lihe ey, pero ta hopi pero hopi mas critico, door cu mas cu un biaha ajega di wordo gaña pa un aviso.

Pero e pregunta ta awor, ta kico anto ta funciona? Wel e contesta ta den test alternativanen nobo y tuma risiconan nobo den publicidad, si bo no ta willing pa sali for di e isla di mercadeo tradicional y subi e boto di risico pa busca islanan nobo cu tin alternativanan nobo di mercadeo!, wel si no hasi’e, lo bo tin menos atencion den e Mercado actual y sigur esaki lo afecta e cashflow.

Relacion ta tur cos den e Mercado actual, hende gusta relaciona cu otro, papia,combersa, intercambia, texting,whatsapping,pin,pinterest, tur loke ta conecta cu otro y e Mercado actual di e millennials ta completamente den conecta technologicamente cu ta prefer text cu jama. Bo mester busca strategianan nobo pa relaciona cu e clientenan y laga bo producto ta sincronisa den e relacion entre e cliente y prospectonan den e Mercado. E producto mester ta parti di e relacion ey.

Socialisa bo producto ta super importante, mayoria aviso no ta socialisa, nan ta djis bisa informacion di e producto y ta keda di un banda di e relacion, no ta pensa den e bienestar di e prospecto prome. Ora un  grupo ta socialisa, tur e personanan involvi tin un momento pa nan papia y si tin un persona cu semper kier papia y bisa su opinion den e grupo, esey ta stroba e desaroyo di e socialisacion ey(spera e palabra aki ta existi), ok loke mi kier expresa ta cu bo no por impone bo ideanan/informacionan y kere cu tur hende mester tendebo y convence nan cu bo producto ta mihor. Dus marketer mester cambia nan “mindset” con ta pasa informacion over pa e comunidad y masha imoprtante den  e forma cu ta pasa informacion.

Capital humano ta birando mas importante y mester ta riba Marketing Budget, dicon mi ta bisa esaki, pa hopi empresanan, capital humano no ta importante, nan no ta mire como un “asset” y a resulta cu e Capital Humano ta loke lo “mercadea” bo producto/servicio. Durante di nos seminarionan por mira esaki cada bes cu empresanan cu inverti den capital humano a mira nan benta subi y mi ta convenci totalmente den esaki, un persona motiva y bon di train lo ta 57% mas efectivo den su trabou y sigur lo duna un mihor prestacion y sinti sentido di pertenencia pa cu e empresa na unda e ta traha door cu ta sinti balora. Si tur empleado ta motiva, nan tur lo bira un  “Marketing Tools” pa e empresa y expresa amor pa e empresa, ta asina fasil pa mantene un empleado contento y converti’e den un herment pa mercadea bo producto. Manera  e cantica di Guillermo Davila, “es tan fasil tenerme contento,una carta,una llamada un recuerdo”, hende ta wordo motiva cu cosnan chikito pero cu ta sali di curason. Mi a lesa over di Napoleon Bonaparte, con e la logra cu tur e soldatnan tabata bringa cu alma y cuerpo pe, y segun su historia ta bisa cu Napoleon tabata sa nomber di cada casa y yunan di tur su soldatnan, e tabata interesa den loke e soldat tabata interesa den dje, e tabata papia cu cada un individual y mustra aprecio pa cada un personalmente y esaki tabata su exito. Capital humano ta e solucion!

Sali busca ta e unico strategia cu no a bai for di style, nos ta prefera di ta den ofisina of core den auto, papia, menos busca clientenan nobo y prospecting. E trabou di bendedornan riba caya ta birando tur dia mas disifil, bo mester ta 10 biaha mihor cu 10 aña pasa, dus bendedornan ta hasiendo tambe trabou di marketer door cu e avisonan den media tradicional no ta dje efectivo ey mas. Tur e personal mester ta conciente cu mester juda den mercadea loke nan compania ta bende, sali busca ta e solucion y esaki mester ta intencional, un bendedor no mester ta den ofisona pero riba caya, e marketer no mester ta 8 ora den ofisina pero riba caya, hasi actividadnan direct pa alcansa e prospectonan personalmente, e mindset mester cambia, no tin choice, mester bira mas agresivo pa asina cashflow subi. Mi buki preferi ta bisa “esun cu busca lo haña” dus  nos tur mester disidi di sali personalmente den e Mercado y busca clientenan nobo y hasi tur e puntonan ya ariba menciona! Blessings Steve

Steve Francees, Business & Market Analyst

ARUBA: (297) 7380-777   stevefrancees@hotmail.com   pa pregunta y observacion!!!

Calidad di servicio ta afectando cashflow!

Scirbi pa Steve Francees

Normalmente despues di semana santa te cu juli tin un caida den e buying-power den e mercado, cu toch dos peak, cu ta dia di mama y dia di tata, dia di tata ta bende menos cu dia di mama. E efecto ta wordo sinti door cu menos persona ta sali pa cumpra algo y no ta drenta tiendanan manera prome, esaki ta wordo mira den e cantidad di personanan cu ta sali pa cumpra algo.

E risico ta cu si tin menos persona ta drenta un tienda tin menos oportunidad pa bendenan, ley di average ta bisa cu bo mester atende mas prospecto pa bo closing ratio subi,awor tin negoshi cu ta experenciando lo contrario, menos prospecto ta drenta y sigur e benta tambe lo baha,pero no laga nos mira e cos asina pesimismo. Den casonan manera nos Mercado actual cu ta pasando door di lunanan abou den benta, e ora ey mester stimula y motiva servicio na cliente y e unico oportunidad pa subi benta ta pa cada persona cu ta atende cliente bira dos biaha mihor den servisio na e cliente, cuminsando di esun cu ta coy telefoon, esun cu ta bari, atende cliente, cobra na caha, delivery, dus henter e personal mester ta conciente cu nan futuro ta depende di e calidad di servicio cu nan ta brinda na e prospectonan y tambe mantene clientenan existente.

Mester bira mas creativo pa bini cu ideanan nobo pa trece cambio pa mehora e benta, ta frustrante pa mira con bo ta drenta un tiendo y ni bon dia drechi bo no ta haña di e bendedornan cu mester ta amabel y duna servicio na e clientenan, esaki no ta conta pa tur, pero calidad di servicio mester subi y mester atende clientenan cu mas entusiasmo y bai e extra ey cu e cliente, mustra tur loke bo tin, purba saca afor kico e kier y tin necesidad did je y lo mas importante crea un relacion habri cu e cliente, e cliente mester sinti super bon ora e drenta e tienda y sinti cu tur e personal ta presente pa jude haña loke e ta buscando y tambe e bendedornan mester crea demanda pa loke nan tin pa bende Akinan ta na unda hopi empresanan ta perde hopi benta, na calidad di servicio, ta pone cualkier persona atende un tienda sin ningun preparacion y ta spera cu e lo bende, esey no ta asina. Cada producto of servicio tin su structura pa bende y mester wordo entrena y motiva pa bende riba un nivel halto, vooral den e luna di juni aki cu benta dos punto bou di normal.

Calidad di servcio mester subi pa asina cashflow subi y esey ta posibel si henter e personal duna di nan parti y tambe wordo motiva pa duna un bon servicio na e clientenan. Benta subi ta tur ta gana y tin beneficio di e aumento den benta. Dus motiva mehoracion den e servicio na cliente.

Con negoshinan ta perde benta, masha kens mes!

Scribi pa Steve Francees

E siman aki mi a disidi di bai inspeciona algun  negoshi, tabata increibel di mira con nan ta perdiendo benta masha kens mes. Tin negoshi cu nunca mi tabata sa cu ta existi eynan door cu nunca ta hasi propaganda of nan ta hasi propaganda pero ami no a logra sa di nan.

Prome problema: Nan fachada ta mahos, tin asta no tin un nomber drechi, dus e prome imprecion no ta invitabo pa drenta pa check kico nan tin.

Di dos problema: Nan bendedor(a) ta sinta of ta para na scina di un rij di cosnan y no ta bisti representabel, esaki tampoco ta juda pa crea un  esfera di confiansa. E problema ta cu nan ta emplea cualkier persona pa traha den benta, sin ningun preparacion y ta kere cu e lo por bende bon! Den un caso asina e empresa y e trahador ta perde di bai dilanti, e empresa kier paga e trahador un salario abou y benta di e empresa lo no subi, na otro banda si e bendedor(a) ta bon entrena sigur lo bende hopi mas y sigur su comicion lo ta mas halto y e empresa lo gana mucho mas riba e trahador aki. Empleado tambe ta un producto y hopi ta lubida esaki!

Di  tres probema: Producto mucho barata, esaki ta zona straño pero un producto mucho barata ta core cu cliente cu kier cumpra algo bon y si bo kier algo bon, e prijs ta sumamente importante door cu e persona kier cumpra algo di calidad. Na otro banda tambe mi a check e negoshinan cu ta bende cos bon, y nan presentacion ta hopi bon y nan tin hopi mihor servicio y sigur nan ta bende mas. Bende cos bon y train e bendedornan bon y cu un bon interior inculyendo e fachada di e negoshi!

Di cuater problema: Logistica di interior ta malo: Tur informacion cu drenta den un persona humano su mente ta drenta den un proceso, y ta bai di 1-2-3-4 etc, prome e  client eta mira, y hopi biaha usando su 5 sentidonan, pa despues e ta procesa e informacion, buscando pro y contra, despues e informacion ta bai den su mente duradero y ta akinan e ta tuma e decision pa cumpra. Wel, e logistica di e negoshinan ta asina brua, tur cos montona, mucho producto riba otro, no tin clasificacion di producto etc, tur esaki ta hasi e proceso den e mente di e cliente hopi difisil pa logra bende su mes, door cu e presentacion di e gama di productonan no ta na ordo. Un negoshi mester pone hopi, pero pone hopi atencion riba e interior, hopi por tin un  bon producto pero mal presenta. Djis pone atencion riba e puntonan aki y drechanan y benta lo subi direct. Blessings Steve

E poder secreto di “Referrals”!

Scirbi pa Steve Francees  pa www.stevefrancees.blogspot.com

Durante di añanan haciendo tur tipo di propadanda riba e plataforma di Marketing por conclui cu stratedianan a cambia 180,120,370 grado y awor e mercado ta exigi un cambio den e structura di promocion. Esaki ta crea retonan hopi fuerte pero tambe ta crea espacio pa empresanan por jega mas serca di e consumidor of prospectonan pa asina por presenta nan productonan. Aki na Aruba e Mercado ta hopi diversifica, tin 79 nacionalidad den 107 mil habitante (wel esunan cu ta legal), y esaki ta crea un esfera di hopi gruponan chikito den e Mercado, den e Mercado Latino tin manera, Colombiano, Dominicano, Peruano, Venezolano, tur ta papia spaño pero tin cultura diferente y tin su grupo cu ken nan ta anda y pa logra jega den e segmentonan aki bo mester logra haña un aliado cu ta den e grupo aki pa asina bo por penetra cu bo mensahe di loke bo ta bende. Den e Mercado local,esaki  tambe ta diversifica, pero bo producto mester bende y bo mester jega serca cada grupo si bo producto ta uno pa tur famia por usa.

Bo por hasi promocion na medianan masivo of directo cu ta jega serca  cada grupo “niche market” pero toch lo bo keda dependiente di e medio ey pa logra jega serca bo niche market. E momento cu bo laga e “link” entre abo cu bo prospectonan cay den man di un media, bo ta perde control y ta crea risico door cu bo no tin 100% sigur di logra e ROI den bo marketing-budget, esaki ta un risico cu tur compania ta core ora di hasi promocion den cualkier media, pero tin un solucion cu ta “referrals”.  Hopi aña pasa den un les di assurantie, e sales-trainer a splica nos e importancia di referrals y ta e base usa den seguro pa haña mas prospectonan y te ainda ta duna su resultado. Kico ta referrals?, wel, haña nomber di personanan cu por ta prospectonan fuerte pa bo producto/servicio, pero duna door di un persona cu conoce e prospecto. E “tussen-persoon” aki ta bira sumamente importante door cu bo por usa su nomber ora hasi e prome “cold-call” y esaki lo crea un base hopi mas fasil y ta crea un nivel di confiansa hopi mas halto. E cliente cu dunabo nombernan di amigo/conocinan, lo juda bo grandemente, pasobra bo ta logra drenta den su circulo di personannan di confiansa y door cu bo ta jega serca e prospecto usando e “link” di su persona. Nunca laga un cliente contento bai sin tuma algun nombernan di personanan cu por ta bo cliente, esaki ta conta pa tur tipo di producto y servicio, hasi esaki un rutina den bo after-sales,pero mester wordo hasi profecionalmente pa asina e cliente no sinti cu bo ta sacando probecho di dje!. Si bo mester duna algo extra pa asina por facilita Referrals, please duna algo bek.  Busca referrals den cada “niche market” y hasi e esaki concientemente, esaki ta e menara mas direct y eficas pa jega serca nan. Djis pensa bo mes un rato, con esaki ajega di judabo y con bo benta lo aumenta y bo networking lo crece si bo pone mas atencion riba “referrals” den e siman aki, cuminsando di awe!. Referrals ta e base mas sigur den haña clientenan nobo y use na bo fabor!. Blessings, Steve

Pa pregunta of observacion: stevefrancees@hotmail.com (297) 738-0777

“Branded Products” mester cambia strategia pa 2013!

Scirbi pa Steve Francees pa  www.stevefrancees.blogspot.com

Si analisa e efecto despues  cu Valero a sera y analisa tambe kico a pasa cu e placa cu Valero a paga su trahadornan, por conclui cu e efecto di no tin entrada y e placa cu Valero a paga ya ta cabando y esey por mira den e Mercado net despues di Januari 2013. Ora no tin placa, no por cumpra productonan caro y di calidad, door cu simplemente no por page y e resultado e esey ta cu e Mercado lo bai busca productonan similar pero mas economic o y busca mas productonan generico. Awor kico ta e diferencia entre “Branded Products” of uno generico? “Branded products” ta mara fuerte na marca y calidad y generico ta mara na prijs y sin marca fuerte, dus tur cos ta keda na e persona pa disidi kico e kier cumpra cu ta segun su criterio personal y loke e por paga y tambe kico e kier consumi.

Dus efecto uno ta cu e ex-trahadornan, (directamente y in-directamente), tin menos buying power y esaki ta conta tambe pa esunan cu ya a haña trabou cu mayoria ta ganado hopi menos cu nan ta custumbra di gana. Awor e di dos efecto den e Mercado a cuminsa hopi aña pasa pero a bira hopi fuerte cu ta e integracion di e Latinonan den e Mercado local y a bira e “Arubiano-nobo” y hopi ta traha honradamente y  integrando den e cultura papiando Papiamento y conociendo e cultura Arubano. E efecto di dos ta cu ora un muher Latina casa cu un homber local, poco-poco e muher ta logra pa  e homber come loke ta su custumber cu e muher a lanta cu ne, e muher a lanta como mucha den su pais comiendo sierto cumindanan y tambe ta conoci cu productonan na su pais. Awor na Aruba tin casi tur e productonan cu na Latino-America tambe tin, dus ta logico cu e muher latino ta mas contento pasobra e por usa loke a ta conoce, dus enbes di usa Becel, nan ta usa Mavesa. E adaptacion aki ta hopi fuerte den nos Mercado actual y 13 aña pasa tempo cu mi a hasi e prome research riba integracion di Latinonan den nos Mercado y su efectonan, por a conclui cu e influencia di e muher-Latino den cushina lo afecta benta di tur producto cu no ta conoci na Latino-America. E aña aki (2013) e efectonan ta mas fuerte cu nunca y mester cambia strategia pa asina “Branded Products” por sigui mantene nan market-share.

Ami ta kere cu tin dos strategia cu mester wordo implementa pa logra mantene market-share den e Mercado A: Mantene y cuida e Mercado cu ya ta cumprando e producto B: Amplia den e Mercado Latino y por usa dos approach, General Product awareness (Massa Media) of Direct-Marketing Approach. Pero ami ta kere cu pa e Mercado Latino, mester usa mas Direct-Approach cu massa media, dicon? E unico manera mas efectivo pa logra pa un persona cambia di su “Smaak” ta lage purba y convence su mes cu e producto “nobo” aki tambe ta bon y pa asina por concidere como alternativa of e alternativa. Si djis bai pone avisonan den media masivo, lo no jega na convence e comunidad Latino pa cambia di nan producto pa un “Branded” cu ta bini di Merca of Europa. Mester logra jega mas serca di nan riba un base personal y drenta den nan circulo di comunidad pa asina uno por influencia e otro. Sigur tambe mester reforsa e strategia nobo aki cu promonan den medianan masivo pa mantene e producto den mente di e prospectonan. Esaki lo dura un tempo, pero ta sumamente necesario pa asina mantene e market-share. Tin mas strategianan cu sigur lo logra y cu mester wordo implementa den e comunidad Latino pa e “Branded Products”, pero lo mi scirbi riba mi blog despues!

Blessings, Steve

stevefrancees@hotmail.com (297) 738-0777

E poderoso ley di Kaizen

E palabra aki ta zona Aleman, pero ta Japones!
Kaizen Law lo cambia tur bo futuro si bo pone concientemente den funcion y pone como un custumber den bo bida.
Pero kico ta Kaizen Law of ley di Kaizen?

Djis hasi awe 1% mihor cu ajera! hopi ta pensa cu awe lo mi hasi hopi mas cu ajera y nan ta motiva nan mes pa hasi hopi cos awe, y ora mañan jega nan ta tuma un "break" y ya no ta dje productivo ey mas manera ajera!

E Ley aki ta sumamente poderoso, pasobra bo ta intencionalmente disidi di hasi awe un tiki mihor cu ajera djis 1%, y esaki lo crea momentum den tur loke bo ta hasi.

Un ehempel: Si bo ta bishita awe 12 cliente y ya ta jegando ora pa bai cas, bo ta djis bishita 1 cliente mas! Si bo ta atende cliente den un tienda, bo ta disidi awe di ta 1% mas amistoso cu ajera. Bo ta un futbolista, awe bo ta disidi di train un tiki mas duro cu ajera, djis 1%. Si bo ta diseña huña pa cliente, lo bo traha 1% mas bunita y cu mas creatividad awe. Si bo tin un pareha, disidi di papia 1% mas lief cu ne awe y asina bo ta pone e ley di Kaizen den tur loke bo hasi.

Bo mester pone Ley di Kaizen den funcion pa 21 dia y despues bo mes lo custumbra cu ne y lo bira algo den bo caracter pa tur dia hasi 1% di mehoracion den tur loke bo hasi.

E resultado lo ta tremendo, como persona lo bo crece, bo benta lo subi, bo relacionan lo ta hopi mihor y bo auto-estima tambe lo subi.

Djis pone den accion y lagamisa aki 21 dia! Blessings Steve