Stop di worry cu hende!
Scirbi pa Steve Francees
Tin mucho hende ta wardando aprobacion di otronan pa nan
move, pa manera e Ok mester bini di un otro, sea ta ruman, mama, tio, banco
etc, nan ta keda depende riba otro. E minset aki ta e problema #1 den nos
mercado cu ta tranka e proceso vooral ora ta pa cuminsa un negoshi. Tur persona
exitoso den negoshi, ora a entrevistanan ta bisabo cu tabata difisil na
comienso cu nan mester a hinca tur loke nan tabatin den dje y pa varios
temponan tabata bastante pega pero despues a mira e beneficio. No ta existi
nada sigur y no busca seguridad pero busca e beneficio despues di e riesgo cu
bo tuma. Loke ta importante ta cu ta abo mester kere den loke bo kier hasi, ta
bo idea y no di un otro.
Otro punto, stop di pensa di usa placa di otro hende
manera banco pa cuminsa, ta abo mester cuminsa hinca bo placa den e negoshi,
hopi ideanan ta wanta pa varios aña caba, djis wardando placa di otro pa
asina por hasi e negoshi, cuminsa usa loke bo tin, tuma e risico cu bo mesun placa
y esaki tin masha bon beneficio. Ora bo placa ta den wega lo bo traha dobel mas
duro pasobra bo sa cuanto e placa a costabo y esaki mester ta loke mester pa
lanta un negoshi for di tera, ora bo no tin otro salida, djis traha ta e unico
salida, lo bo logra, pero mientrastanto cu tin otro salida lo bo traha bou di
bo nivel. Esaki ta den tur loke bo hasi, no worry cu hende, si abo ta 100% cu
lo bo bai hasi’e, bai pe y hinca tur cos den dje. Mas bo warda mas chance tin
cu un otro cu tin mas curashi cu bo lo bai cu e negoshi y logra tur e beneficio
cu bo mester a haña. Awe ta dia pa move. Blessings Steve (297) 7380777 www.stevefrancees.blogspot.com
stevefrancees@hotmail.com
Business Analyst
No comments:
Post a Comment