Tin dos strategia so
pa subi benta den tur tipo di negoshi!
Scirbi pa Steve Francees
Door di asina hopi medianan awendia, ta parse cu bo ta perde
den nan y no ta realisa kico bo ta bezig cu ne y e idea di promociona loke bo
ta bende ta bira asina complica cu tin ta perde vicion den loke nan mester hasi
den subi benta.
Tin solamente dos strategia so pa subi benta y e prome ta:
Strategia A: Bende
mas na bo propio clientenan, bo tabata sa cu ta hopi menos gasto pa logra
pa un cliente sigui cumpra bo producto? Ya e sa caba di bo, dus si bo kier subi
benta, bo mester presente mas oportunidad, den a caso aki, duna mas oferta pa e
cumpra. Lagami duna un ehempel, un persona a cumpra bentanan y porta 7 anja
pasa, bo sa cu sigur ya e ta pensando pa construi un camber mas, dus bo mester
tin contacto cu e cliente ey pa asina e
por bolbe cumpra serca bo. Un ehempel mas direct, ta si bo ta bende cellular,
ofrece e cliente direct un otro kaft pa su cel nobo. E cliente a bini pa un lotion
den botica, ofrece tambe un producto cu ta bai hunto cu e lotion(esaki mester
ta regla cu mester wordo entrena den salestraining). Dus busca manera
oportunidad pa bende algo util, cu ta bai cu e compra cu e cliente a hasi. Duna
e cliente un voucher cu e por usa dentro di 1 luna pa asina e por bin bek den
menos cu un luna y bolbe cumpra. Tin cross-selling y upselling cu mester wordo
usa den tur benta, esakinan ta laga e cliente sinti masha bon mes y bo ta judando
e cliente, door di ofrece e cliente mas y consehe tambe e dicon y na final bo
benta lo subi.
Strategia B: Busca
clientenan nobo: Esaki mayoria di negoshinan ta kibra cabes su ne y tambe
ta esun cu lo costa hopi mas placa. Esaki
ta necesario pero hopi biaha empresanan ta pone mas prioridad den esaki cu e
strategia A, siendo cu B ta hopi mas costoso y ta costa hopi mas energia cu A.
Strategia A ta asina poderoso cu asta, e empresanan por hanja clientenan nobo
via Strategia A, y logra cu e mesun clientenan mes lo genera mas cliente pa e
empresa. Esaki mester ta un strategia den e marketing plan pa asina por subi
benta. Hanja mas cliente ta necesario sigur y mester inverti den dje.
Strategia A y B mester tin cada un, su propio strategianan-individual
pa benta subi positivamente! Blessings Steve
No comments:
Post a Comment