E "Denkfout" cu lo stroba
bo di hanja mas cliente!
Scirbi pa Steve Francees, Marketer
E problema cu negoshinan no ta bende suficiente
tin cu haber cu varios puntonan pero un di nan cu ta sobresali ta un denkfout
cu esunan cu ta dirigi e empresa ta comete cu hopi frequencia. E punto aki ta
keda den con nan ta mira e importancia di Marketing, nan ta bisa cu esaki ta
importante pero na final no ta crea demanda pa loke nan ta bendiendo y no ta
hasi marketing inteligentemente. Tur empresa cu asta ta bende mesun producto
mester tin un strategia di marketing cu ta structura pa e negoshi ey, no por
imita “otro” su strategia di marketing pero esaki ta hopi individual. Awor con
e denkfout aki ta precies y pa esey lo mi conta algo cu mi a mira algun anja
pasa na tv. Tabatin un programa cu a entrevista 10 persona ya grandi den
empresa y na final a puntranan si nan mester cuminsa completamente di nobo, con
nan lo inverti nan placa, y tabata hopi unico ora tur 10 a bisa cu nan lo
inverto 90% den promociona nan producto y 10% den producto mes, y tur a bisa cu
ta mihor crea demanda prome y esaki lo ta e mihor manera pa cuminsa un empresa.
Pero actualmente personanan cu ta cuminsa un negoshi ta pensa net contrario, ta
cumpra tur loke e negoshi mester, drecha interior, cumpra yen di decoracion,
uniform etc pero no ta inverti den crea demanda pa loke nan ta bai bende. Nan
ta pensa cu esey ta loke nan mester hasi y esey ta e denkfout cu negoshinan ta
hasi cada rato. Nan ta kere cu promocion ta benta placa afo y no ta mira e
importancia den esaki. Negoshinan cu ta bai fuerte den marketing ta esunan cu a
pasa 10 anja y ainda ta sigui crece den cliente. No comete e denkfout aki y bai
fuerte den marketing y awor online ta asina importante den e plataforma di marketing,
usa tur e medianan social, domina loke ta online, esaki ta e futuro y mester a
cuminsa ajera y toch awe no ta laat pero mester bai corta cu e Denkfout aki pa
bo negoshi no perde di gana mas clientenan. Blessings Steve, Marketing
Consultant (297) 7380777 stevefrancees@hotmail.com www.stevefrancees.blogspot.com
No comments:
Post a Comment