Tur meta den bida tin
un prijs mara na dje!
Scribi pa Steve Francees
Nada den bida ta pornada, tur meta cu bo pone bo dilanti bo
mester ta conciente cu tin un obligacion cu ta core paralelo cu ne. No ta
existi nada gratis, asta cumpra 10 un free, tampoco no ta asina, pero abo ta
pagando pa 11 y no 10. Dus tras di tur loke bo hasi y kier logra tin su parti
cu ta rekeri sacrificio y sin sacrificio ta imposibel logra un bon meta, door
cu tin asina sacrificio mara na e meta ey, ta cu ningun hende no a logra e meta
ey y si bo ta dispuesto pa logra e meta ey, bo por tin sigur cu lo bo mester hasi
algo sobre-humano pa logre. Pero esey ta posibel si bo pone bo mes pa logre. Si
bo mira hendenan exitoso den nan ramo, kisas den deporte cu ta un cu ta paga
mas tanto cu tur otro, wel, e deportista, mayoria no tabatin un hobentud como
un mucha normal, ora di bai un fiesta di mucha of amigo kier bai pool, nan
mester a a bai train, ora tur mucha ta drumi ainda 5am, nan mester a lanta pa
bai train den pisina pa djey bai scol. Nan mester a pasa mas stress pa a logra
di ta #1, priva nan mes di hopi pero hopi cosnan pa awe nan por a logra nan
meta, y hopi biaha ta e mayornan a pone e meta aki pa e mucha aki, door cu e
mucha mes no por a scohe pa su mes. Pero na final e sacrificio a paga bek loke
nan a hinca den dje, tambe tin cu tin hopi disiplina y tambe habilidad pero
door di sircunstancia no por a logra y a perde tur e oportunidad pa termina nan
scol na un manera normal.
Esaki ta pasa den tur ramo di bida, e empresario tambe ta
hasi hopi sacrificio pa asina saca su empresa dilanti, hopi biaha mester biaha
y no por ajega pa su yu su hasimento di anja, of door di sierto problemanan cu
mester wordo soluciona a perde momentonan familiar masha importante, dus tur
loke bo hasi tin su sacrificio y tur meta tin su prijs mara na dje. Tur meta cu
bo kier logra den bida mester wordo balansa, si enberdad e meta ey na final ta
bale la pena logre si of no!. Si e
sacrificio ey ta necesario pa logra e meta desea, hopi pregunta asina no por wordo
contesta na comienso pero normalmente na final bo tin un bista mas cla si e
meta ey tabata merece logre si of no. Pero tambe tin persona cu ta calcula
demasiado e factor di risico y nunca ta pone pia riba e lama pa asina check si
e tambe por cana riba awa. Cuanto biaha den bida no a keda ningun otro opcion
di purba cana riba awa y hopi a resulta tambe cu tabata berdad cu por cana riba
awa!!!. Te ora bo no purba, lo bo no sa cu bo tin e habilidad ey, dus den bida,
bo mester tuma iniciativa pa hasi cosnan cu nunca bo ajega di hasi prome. Miedo
mester keda atras y mester cana completamente riba fe, sperando cu lo hanja
teranan nobo, esey ta bida, wel manera ami ta mire. Tur meta den bida tin un
prijs mara na dje, pero ta bale la pena logre!!!
Blessings Steve
No comments:
Post a Comment